«1 ساۋىردەن باستاپ بەس مەكەنجاي بويىنشا حالىقتى جۇمىسپەن قامتۋ ورتالىعىندا جانە اۋدان اكىمدەرىنىڭ ءتورت اپپاراتىندا اتاۋلى الەۋمەتتىك كومەك تاعايىنداۋ ءۇشىن ازاماتتاردى قابىلداۋ باستالدى. بارلىعى 436 ادام جۇگىندى. 342 ادام حالىقتى جۇمىسپەن قامتۋ ورتالىعىنا, 25 ادام الماتى اۋدانىنىڭ اپپاراتىنا, 19 ادام بايقوڭىر اۋدانىنىڭ اپپاراتىنا, 10 ادام ەسىل اۋدانىنىڭ اپپاراتىنا جانە 40 ادام سارىارقا اۋدانىنىڭ اپپاراتىنا جۇكتەلگەن. ولاردىڭ بارلىعىنا كونسۋلتاتسيالىق كومەك كورسەتىلدى», – دەپ مالىمدەدى قالالىق جۇمىسپەن قامتۋ ورتالىعىنىڭ ءباسپاسوز قىزمەتىندە.
الدىن الا ەسەپتەۋلەر بويىنشا, اتاۋلى الەۋمەتتىك كومەك قازىرگى تاڭدا ءوتىنىش بەرگەن 436 قالا تۇرعىنىنىڭ 128-نە عانا كورسەتىلەدى.
ۆەدومستۆونىڭ مالىمەتىنشە, بارلىق پۋنكتتەردە 36 جاۋاپتى قىزمەتكەر بەكىتىلگەن, ولار وقۋدان ءوتىپ, جۇمىس ورىندارىمەن جابدىقتالعان.
ەستەرىڭىزگە سالا كەتەيىك, جاڭا فورماتتاعى ااك 2500 وتباسىن قامتيدى, بۇل – 12 060 ادام, قارجىلاندىرۋ سوماسى 1 ملرد 59 ملن تەڭگەنى قۇرايدى.
نۇر-سۇلتان قالاسى بويىنشا ەڭ تومەنگى كۇنكورىس دەڭگەيى 2019 جىلدىڭ 1 توقسانىندا 30 817 تەڭگەنى, 2019 جىلدىڭ 2 توقسانىندا 21 572 تەڭگەنى قۇرادى.
