«قازاقستاننىڭ مەملەكەتتىك شەكاراسىندا مونيتورينگ وتكىزىلۋدە جانە تىيىم سالىنعان تاۋارلاردىڭ تاسىمالىن انىقتاۋ ماقساتىندا قاجەت بولعان جاعدايدا كولىك قۇرالدارىنا تەكسەرىس جۇرگىزىلىپ جاتىر. 27 ناۋرىز كۇنى قازاق-قىرعىز شەكاراسىنداعى «قاراسۋ» وتكىزۋ بەكەتىندە قىتاي جانە تۇرىك تاۋارلارىن تاسىمالداپ بارا جاتقان 9 كولىك تەكسەرىلدى. بۇل رەتتە, بارلىق كولىك بويىنشا تاۋاردىڭ ىلەسپە قۇجاتتارىندا جالعان مالىمەتتەر كورسەتىلگەن. سونداي-اق وتكىزىلىپ جاتقان تەكسەرىستەرگە سايكەس, 27 ناۋرىز كۇنى تاۋاردىڭ ىلەسپە قۇجاتتارىنا تۇزەتۋ ەنگىزۋ ءۇشىن 40 اۆتوكولىك قىرعىزستان اۋماعىنا قايتا ورالدى», - دەلىنگەن كوميتەتتىڭ رەسمي سايتىندا.
بۇگىنگى كۇنى قازاقستان رەسپۋبليكاسىنىڭ باعىتىنا قاراي قىرعىزستان شەكاراسىندا 140 اۆتوكولىك قۇرالى تۇر. كەپتەلىس تاسىمالداۋشىلاردىڭ تەكسەرىستەن وتۋىنەن باس تارتۋىنا قاتىستى قالىپتاستى.
