كەزدەسۋ بارىسىندا تاراپتار قازىرگى قالىپتاسقان جاعداي تۋرالى اقپارات الماستى جانە تەمىرجول كولىگى سالاسىنداعى ىڭتىماقتاستىقتى ودان ارى دامىتۋ جايىن ورتاعا سالدى.
2018 جىلى قر مەن قحر اراسىنداعى تاسىمال كولەمى 14 ملن. توننا شاماسىندا بولىپ, 2017 جىلعا قاراعاندا 38% ارتىق بولدى. اعىمداعى جىلدىڭ 3 ايىندا 3,6 ملن. توننا تاسىمالدانسا, بۇل وتكەن جىلدىڭ سايكەس كەزەڭىمەن سالىستىرعاندا 25% ارتىق.
وتكەن جىلى ەكى ەلدىڭ شەكارالىق وتپەلەرى ارقىلى كونتەينەرلىك تاسىمال كولەمى 593,7 مىڭ جفب (جيىرمافۋنتتىق بالاماسى) جەتسە, بۇل 2017 جىلعا قاراعاندا 4% كوپ. اعىمداعى جىلدىڭ 2 ايىندا كونتەينەرلىك تاسىمال 103662 جفب بولىپ, بۇل وتكەن جىلدىڭ سايكەس كەزەڭىمەن سالىستىرعاندا 36% وسكەندىگىن كورسەتكەن.
كەزدەسۋ بارىسىندا قىتاي-رەسەي, اۋعانستان, ورتالىق ازيا ەلدەرى, قىتاي-قاپقاز/تۇركيا (ەۋروپا), قىتاي-يران باعىتتارىنا كونتەينەرلەردى تارتۋ جونىندەگى ۋاعدالاستىققا قول جەتكىزىلدى.
2019 جىلدىڭ ەكىنشى توقسانىندا الاشانكوۋ – دوستىق, قورعاس – التىنكول مەملەكەتارالىق تۇيىسپە پۋنكتتەرى ارقىلى قحر-دان قر جانە كەرىسىنشە قاتىنايتىن كونتەينەرلەر مەن ۆاگوندارداعى جۇكتەر جونىندەگى ەلەكتروندىق مالىمەتتەر الماسۋدى ۇيىمداستىرۋ جوسپارلانىپ وتىر.
سونداي-اق كەلىسسوزدەر بارىسىندا قازاقستاندىق استىقتى ارنايى ۆاگوندارمەن قوس دوڭگەلەگىن اۋىستىرىپ ۋسي ستانتسياسىنا دەيىن, تسيستەرنالارمەن وسىمدىك مايىن قوس دوڭگەلەكتەرىن اۋىستىرىپ دوستىق ستانتسياسى بويىنشا تەمىر رۋداسى مەن كوكستى قوس دوڭگەلەكتەردى الماستىرا وتىرىپ باگان مەتتالۋرگيا زاۋىتىنا, قىتايلىق تانك-كونتەينەرلەر جانە تسيستەرنالارمەن سىعىمدالعان گاز تاسىمالدارىن ۇيىمداستىرۋ ماسەلەلەرى تالقىلاندى.
كەلىسسوز قورىتىندىسى بويىنشا ءتيىستى حاتتاماعا قول قويىلدى.
