قالالىق ليفت شارۋاشىلىعى ماسەلەلەرى بۇگىن قالا اكىمدىگىندە تالقىلاندى.
بۇگىنگى تاڭدا قالادا 7 233 ءليفتى بار, ونىڭ 1 865-ءى اكىمشىلىك عيماراتتاردا, ال 5 368-ءى تۇرعىن ۇيلەردە ورناتىلعان. قالا اكىمىنىڭ ورىنباسارى ارمان تۇرلىبەك تۇرعىن ءۇي كەشەندەرىندەگى ليفتىلەردىڭ جاعدايى تۋرالى ايتتى.
تەكسەرىس بارىسىندا 78 ءليفتىنىڭ تەحنيكالىق جاعدايى ناشار ەكەندىگى انىقتالدى. ولاردىڭ ەكەۋى قىزمەت ەتۋ مەرزىمىنىڭ اياقتالۋىنا بايلانىستى توقتاتىلدى, 76 ليفتتە اعىمداعى جوندەۋ جۇرگىزىلدى جانە مامانداندىرىلعان سەرتيفيكاتتالعان ۇيىمداردان ليفت ونەركاسىبىنىڭ ودان ءارى جۇمىس ىستەۋى ءۇشىن قورىتىندىلار الىندى. بىراق بولاشاقتا بارلىق 78 ءليفتىنى اۋىستىرعان ءجون. تۇرعىندار «وڭىرلەردى دامىتۋ -2020» باعدارلاماسىنا قاتىسۋعا دايىن.
بۇگىنگى تاڭدا قالادا ليفتىلەرگە قىزمەت كورسەتەتىن 48 كومپانيا بار, ونىڭ 23-ءى ونەركاسىپتىك قاۋىپسىزدىك سالاسىندا جۇمىس ىستەۋ قۇقىعىنا ءوز ەركىمەن سەرتيفيكاتتاۋدان ءوتتى.
اكىمدىك پيك-گە ليفتىلەرگە قىزمەت كورسەتۋدى تەك سەرتيفيكاتتالعان ۇيىمدارمەن كەلىسىمشارت جاساسۋعا كەڭەس بەرەدى. بولاشاقتا سەرتيفيكاتتان ءوتۋدى مىندەتتى ەتۋ كوزدەلۋدە.
«وتكەن اپتادا قر يمو يندۋستريالىق دامۋ جانە ونەركاسىپتىك قاۋىپسىزدىك كوميتەتىمەن كەزدەسۋى وتكىزىلدى, وندا تاراپتار ءبىزدىڭ ۇسىنىستاردى قابىلدادى.
قازاقستان رەسپۋبليكاسىنىڭ يندۋستريا جانە جاڭا تەحنولوگيالار مينيسترلىگى ازاماتتىق قورعاۋ تۋرالى زاڭعا وزگەرتۋلەر ەنگىزەدى, وندا ليفت ۇيىمدارىن اتتەستاتسيالاۋ جانە ۇلتتىق ستاندارتتاردى ەنگىزۋ مىندەتتى شارا بولادى. ۇلتتىق ستاندارت ليفت جابدىقتارىن ورناتۋ جانە پايدالانۋ, ليفت ۇيىمدارىنا قىزمەت كورسەتۋ بويىنشا تالاپتاردى قامتيدى», - دەدى ا. تۇرلىبەك.
قازىرگى ۋاقىتتا جوندەۋ جۇمىستارىن جۇرگىزۋ ءتارتىبى ازىرلەندى. وسىعان سايكەس كومپانيالاردىڭ ءوز قاراجاتىنا 108 ليفتىگە كۇردەلى جوندەۋ, ال 357 ليفتىگە جەڭىل جوندەۋ جۇرگىزىلدى, ونىڭ ىشىندە جۇيەلى تۇردە شاعىمدار تۇسەتىن بەس ۇي دە بار.
باقىت سۇلتانوۆ اۋدان اكىمدەرىنە تۇرعىن ءۇي عيماراتتارىنداعى پروبلەمالى ليفتتەردىڭ جۇمىسىن ۇنەمى قاداعالاۋدى جانە «ىكومەك» قىزمەتىنىڭ ءوتىنىشى بويىنشا ماسەلەسى بار ليفتىلەردىڭ مونيتورينگىن جۇرگىزۋ ماسەلەلەرىن قاداعالاۋدى تاپسىردى. ايتا كەتەيىك,, جىل باسىنان ەلوردادا ليفت قىزمەتىنە قاتىستى تۇسەتىن شاعىمداردىڭ سانى 40% -عا ازايدى.
