قازاقستان رەسپۋبليكاسى ۇكىمەتىنىڭ قاۋلىسىمەن اسەت مارات ۇلى ماعاۋوۆ قر ەنەرگەتيكا ۆيتسە-ءمينيسترى قىزمەتىنە تاعايىندالدى. ب. اقشولاقوۆ بەرىلگەن وتىنىشىنە سايكەس لاۋازىمىنان بوساتىلدى.
ءا. ماعاۋوۆ 1972 جىلى اتىراۋ وبلىسىنىڭ قۇلسارى اۋىلىندا دۇنيەگە كەلگەن. ي. م. گۋبكين اتىنداعى ماسكەۋ مۇناي حيمياسى جانە گاز ونەركاسىبى ينستيتۋتىن تامامداعان, حالىقارالىق ۆاليۋتا قورىندا جانە ازيا دامۋ بانكىندە تاعىلىمدامادان وتكەن. ەڭبەك جولىن 1994 جىلى باستاعان. ءارتۇرلى جىلدارى «تەڭىزمۇنايگاز» اق, «قازاقويل» جاق, «مۇناي جانە گاز تاسىمالداۋ» ۇك» اق, «قازمۇنايگاز» اق, «تەڭىزشەۆرويل» جشس, «ماڭعىستاۋمۇنايگاز» اق جۇمىس ىستەگەن. 2008–2010 جىلدارى — قر ەنەرگەتيكا جانە مينەرالدى رەسۋرستار ۆيتسە-ءمينيسترى; 2010–2011 جىلدارى — قر مۇناي جانە گاز ۆيتسە-ءمينيسترى. 2017 جىلعى جەلتوقساننان باستاپ KAZENERGY قاۋىمداستىعىنىڭ باس ديرەكتورى لاۋازىمىن اتقارعان.
سونىمەن قاتار, قازاقستان رەسپۋبليكاسى ۇكىمەتىنىڭ قاۋلىسىمەن ءمادينا ەراسىلقىزى ابىلقاسىموۆا باسقا جۇمىسقا اۋىسۋىنا بايلانىستى قر ۇلتتىق ەكونوميكا ءبىرىنشى ۆيتسە-ءمينيسترى قىزمەتىنەن بوساتىلدى.
قر مادەنيەت جانە سپورت ءمينيسترىنىڭ بۇيرىعىمەن قۋات قاھارمان ۇلى بوراش ءتىل ساياساتى كوميتەتىنىڭ توراعاسى قىزمەتىنەن بوساتىلدى.
