بۇل قاتىسۋشىلار ساۋالناماسىنىڭ قورىتىندىلارى بويىنشا الەمدەگى ۇزدىك جارىس اتاندى.
«ءبىز اسا بەدەلدى ماراپاتقا يە بولعانىمىزعا قۋانىشتىمىز. ءبىز ءۇشىن بۇل تاعى ءبىر جەتىستىك. قازاقستاندا, ورتالىق ازيا مەن تمد-نىڭ العاشقى مەملەكەتىندە IRONMAN جارىسىنىڭ پايدا بولۋىنىڭ ءوزى – ۇلكەن تابىس. وسىنداي ءىس-شارانى وتكىزۋ كوپتەگەن كۇش پەن جىگەردى تالاپ ەتەدى. وسىنىڭ بارىنە جۇمىلدىرىلعان ادامداردىڭ ۇيىمداسقان ەڭبەگى سەپتىگىن تيگىزدى. سوندىقتان دا ءبىز قازاقستان رەسپۋبليكاسىنىڭ مادەنيەت جانە سپورت مينيسترلىگىنە, نۇر-سۇلتان قالاسىنىڭ اكىمدىگىنە, پوليتسياعا جانە قۇتقارۋ قىزمەتىنە كورسەتكەن قولداۋ ءۇشىن ۇلكەن ريزاشىلىعىمىزدى بىلدىرەمىز. «RG Brands», «VR-swimming», «سپورت الەمى», «تسەسنابانك», LSM وپەراتورى كومپانيالارىنىڭ اتىنان ءبىزدىڭ سەرىكتەستەرىمىزدىڭ ارقاسىندا ءبىز قاتىسۋشىلار ءۇشىن جايلى جاعدايداردى قامتاماسىز ەتتىك. سونىمەن قاتار, بىزگە, بۇل جارىستى دايىنداۋعا كۇنى-ءتۇنى كومەكتەسكەن QVolunteers, International SOS ۆولونتەرلەرىمىزدى نازاردان تىس قالدىرۋعا بولمايدى» -دەپ ءبولىستى ۇيىمداستىرۋشىلار ماراپاتتى العاننان كەيىن.
ەسكە سالايىق, 2017 جىلى دۇنيەجۇزىلىك ترياتلون كورپوراتسياسى باسقا دا توعىز ۇمىتكەر بولعان ەلدەن قازاقستاندى تاڭداي وتىرىپ, قازاق گەوگرافيالىق قوعامىنا فرانشيزانى تابىس ەتتى. Ironman 70.3 ASTANA جارىسىندا 2018 جىلى ءارتۇرلى جاستاعى تريالون اۋەسقويلارى, ايەلدەر مەن ەرلەر, ونىڭ ىشىندە سپورتشىلار, ساياسي قايراتكەرلەر, مەملەكەتتىك مەكەمەلەردىڭ باسشىلارى, بيزنەس وكىلدەرى قاتىستى. تانىمال قاتىسۋشىلار اراسىندا وليمپيادالىق چەمپيون – قر دەنە شىنىقتىرۋ جانە سپورت ىستەرى جونىندەگى كوميتەت توراعاسى سەرىك ساپيەۆ, وليمپيادالىق چەمپيون - Astana Pro Team باس مەنەدجەرى الەكساندر ۆينوكۋروۆ, وليمپيادالىق ويىندار قاتىسۋشىسى - ترياتلونشى ەكاتەرينا شاتنايا, كۋيلا-كوندا IRONMAN الەم چەمپيوناتىنىڭ قازاقستاننان العاشقى قاتىسۋشىلارى ناعيما كەرىمباەۆا جانە پاۆەل ارتيۋشەنكو بار. بارلىعى جارىسقا الەمنىڭ 47 ەلىنەن 1319 سپورتشى قاتىستى, ولاردىڭ 791-ءى – قازاقستاندىقتار.
