«شىنىندا, وليمپيادا چەمپيونى دميتري ءبالانديننىڭ كولىگىنىڭ ايناسىن ۇرلاۋ فاكتىسى تىركەلدى. قازىرگى ۋاقىتتا تەرگەۋ امالدارى جۇرگىزىلىپ جاتىر. بەينەباقىلاۋ كامەرالارى اتالمىش قىلمىستى ءتۇسىرىپ العان. سول سەبەپتى, الماتى قالاسىنىڭ پوليتسيا دەپارتامەنتىنىڭ جەدەل قىزمەتكەرلەرى اتالعان قىلمىستى جاساعانداردى ۇستايدى دەگەن ۇمىتتەمىز», - دەدى يۋري يلين استاناداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ايتا كەتسەك, كەشە بىرقاتار باق كوزدەرى الماتىدا بەلگىسىز بىرەۋلەر سپورتشىنىڭ كولىگىنىڭ ايناسىن ۇرلاپ كەتكەنى تۋرالى حابارلاما تاراتقان بولاتىن. بالاندين دوستارىمەن ءدامحانادا تاماقتانىپ شىققاننان كەيىن, ماشيناسىنىڭ ايناسىپ تاپپاي قالعان. ۇرلىق تۋرالى پوليتسياعا حابار بەرگەن.
«كولىگىمنىڭ ماركاسى Toyota Land Cruiser. ونى وليمپيادادان كەيىن سىيلاعان بولاتىن. ءبىر اينانىڭ باعاسى 400 مىڭ تەڭگە شاماسىندا. اينا ۇرلىعى ءالى توقتاعان جوق. ءبىزدىڭ حالىق وزگەرمەيدى», - دەپ كەلتىرگەن بولاتىن سپورتشىنىڭ سوزدەرىن inalmaty.kz سايتى.
