باسەكەلەر بەس قاشىقتىقتان تۇرادى. سپورتشىلار وزدەرىنىڭ قالاۋى بويىنشا قاشىقتىقتى تاڭداي الادى. بارلىعى 74 اتالىم بويىنشا جۇلدەلەر تاراتىلادى. ايتۋلى جارىس سۇلتان بەيبارىس اتىنداعى الاڭدا باستالىپ, سول جەردە اياقتالادى.
– جاستار ساياساتىن دامىتۋ – مەملەكەتىمىز بەن قوعامىمىزدىڭ بۇگىنگى تاڭداعى باسىم باعىتتارىنىڭ ءبىرى. جاستار – ەلىمىزدىڭ بولاشاعى. ەرتەڭگى كۇنى قانداي ەلدە جانە جانە قانداي قوعامدى ءومىر سۇرەتىنىمىزدى ءدال سول جاستار ايقىندايدى. ال قانداي دا سالادا جوعارى ناتيجەگە قول جەتكىزۋ ءۇشىن سالۋاتتى ءومىر سالتىن ۇستانىپ, سپورتپەن شۇعىلدانۋ قاجەت. سول سەبەپتى دە ءبىز وبلىس پەن قالا جاستارىن 14 ساۋىردە وتەتىن مارافونعا قاتىسۋعا شاقىرامىز, – دەيدى اتىراۋ وبلىسى اكىمدىگىنىڭ جاستار ساياساتى ماسەلەلەرى باسقارماسىنىڭ باسشىسى روللان قۇسپان.
ۇيىمداستىرۋشىلاردىڭ ايتۋىنشا, ەڭ ۇزاق ءۇش قاشىقتىق بويىنشا وتەتىن جارىسقا قاتىسۋ ءۇشىن جارنا تولەۋ قاجەت. سودان تۇسكەن قاراجات قايىرىمدىلىق شارالارىنا جۇمسالاتىن بولادى. ال 1,2 جانە 3 شاقىرىمدىق سايىسقا قاتىسۋ تەگىن.
