ايماقتار • 30 ناۋرىز، 2019

شقو ۇلان اۋدانىندا 11 ءسۇت قابىلدايتىن ورىن جۇمىس ىستەيدى

324 رەت كورسەتىلدى

وسكەمەننىڭ ىرگەسىندەگى ۇلان اۋدانىندا سوڭعى جىلدارى اۋىل شارۋاشىلىعى سالاسىندا ىلگەرىلەۋشىلىك بايقالادى.

ماسەلەن، وتكەن جىلى اسىل تۇقىمدى مالشارۋاشىلىعى مەن اۋىلشارۋاشىلىق ونىمدەرىنىڭ ونىمدىلىگىن جانە ساپاسىن ارتتىرۋعا
367 ملن. تەڭگە سۋبسيديا ءبولىنىپتى. سونىڭ ناتيجەسىندە ەت ءوندىرۋ 108%-عا (44،1 مىڭ توننا)، ءسۇت – 104%-عا (65،4 مىڭ توننا)، جۇمىرتقا – 107%-عا (25 ملن. دانا) ءوسىپتى. اۋداندا ءسۇت وندىرۋگە دە ەرەكشە كوڭىل ءبولىنىپ جاتىر. «4 ءسۇت تاۋارلى فەرماسىنىڭ قۇرىلىسىن باستاۋدى جانە 1 ءسۇت تاۋارلى فەرماسىن قايتا قۇرۋدى جوسپارلاپ وتىرمىز. 2018 جىلى «اليحان – اسىل» جشس مەن «سارتەپسەن» شارۋا قوجالىعى بازاسىندا ەكى ءسۇت تاۋارلى فەرماسى ىسكە قوسىلدى. بۇگىنگى كۇنى فەرما سانى 7-گە جەتتى، 2020 جىلعا دەيىن 9-عا جەتكىزۋ جوسپارلانۋدا. جوسپاردى ىسكە اسىرۋ ناتيجەسىندە ءسۇت باعىتىنداعى سيىر باسى 700 باسقا دەيىن كوبەيەدى. اۋداندا 11 ءسۇت قابىلدايتىن ورىن جۇمىس ىستەيدى. تۇرعىنداردان 5،7 مىڭ توننا ءسۇت جينالىپ، اۋدان بويىنشا تاپسىرما 7%-عا ارتىق ورىندالدى»، - دەيدى ۇلان اۋدانىنىڭ اكىمى نۇرىمبەت ساقتاعانوۆ.

سونىمەن قاتار 2018 جىلى وسىمدىك شارۋاشىلىعىندا وسىمدىكتەردىڭ ءونىم كولەمى 102%-عا ارتىپ، ءار گەكتاردان 9،9 تسەنتنەر ءداندى داقىل، 182،1 تسەنتنەر كارتوپ، 286،4 تسەنتنەر كوكونىس ءونىمى الىنىپتى.

 شىعىس قازاقستان وبلىسى، 

                 ۇلان اۋدانى
سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار