قازاقستان • 30 ناۋرىز، 2019

شقو-دا جازاسىن وتەۋشىلەر جۇمىسپەن قامتىلىپ جاتىر

433 رەت كورسەتىلدى

ەلىمىزدە قىلمىستىق اتقارۋ جۇيەسىن ىزگىلەندىرۋ جانە تۇزەۋ مەكەمەلەرىندەگى جازاسىن وتەۋشىلەردى جۇمىسپەن قامتۋعا ەرەكشە كوڭىل ءبولىنىپ جاتقانى بەلگىلى. بۇل رەتتە شىعىس قازاقستان وبلىسى بويىنشا قىلمىستىق-اتقارۋ جۇيەسى دەپارتامەنتىنە قاراستى وۆ 156/22 قاۋىپسىزدىگى بارىنشا تومەن مەكەمەسىندە دە ءتيىستى شارالار قولعا الىنۋدا.

وسى مەكەمەنىڭ سوتتالعانداردىڭ ەڭبەگىن ۇيىمداستىرۋ بولىمشەسىنىڭ قىزمەتكەرى اراي كوشەرباەۆنىڭ ايتۋىنشا، مۇنداعى جازاسىن وتەۋشىلەردىڭ ەڭبەككە جارامدى بولىگى 100 پايىز جۇمىسپەن قامتىلىپتى. «قوعامدا سوتتىلىعى جوق ادامدار جۇمىس ىزدەپ، جۇمىسپەن قامتۋ ورتالىقتارىنىڭ تابالدىرىعىن توزدىرىپ جۇرگەن ۋاقىتتا سوتتالعان ادامدى جۇمىسپەن قامتۋ مەكەمە قىزمەتكەرلەرىنىڭ تاباندى قىزمەت اتقارۋىنىڭ ناتيجەسى دەپ بىلەمىز. مەكەمەدە وسكەمەن قالاسىنداعى جەكە كاسىپكەرلەر مەن جاۋاپكەرشىلىگى شەكتەۋلى سەرىكتەستەرمەن كەلىسىم شارت جاساسۋ ارقىلى سوتتالعاندار  جۇمىسپەن  قامتىلعان.  سوتتالعاندار تاراپىنان ارىز-شاعىم جوق، ەڭبەك اقىلارىن ۋاقتىلى، تولىق كولەمدە الىپ وتىر. باس بوستاندىعىنان ايىرۋ جازاسىنا سوتتالعان ادامداردىڭ ەڭبەگىن كاسىپورىنداردا پايدالانۋ – تۇزەۋ مەكەمەسىنە دە، قوعامعا دا پايدالى. ياعني سوتتالعاندار تۇزەۋ كولونياسىنىڭ وندىرىسىندە ەڭبەك ەتكەندە قوعام قاۋىپسىزدىگىنە قاۋىپ تۋىندامايدى. كەڭەس ۇكىمەتى ۋاقىتىندا تۇزەۋ مەكەمەلەرىنە تاپسىرىس مەملەكەت تاراپىنان جۇرگىزىلگەندىكتەن، سوتتالعاندار تۇزەۋ مەكەمەسىنىڭ اۋماعىنا جاتاتىن كاسىپورىنداردا ەڭبەك ەتتى. قازىرگى مەنشىك نىساندارىنىڭ كوبەيۋى جانە تۇزەۋ مەكەمەلەرىنە جۇمىس تاپسىرىستارىنىڭ مەملەكەت تاراپىنان جۇيەلى تۇردە جۇرگىزىلمەۋى سوتتالعانداردىڭ ەڭبەگىن ۇيىمداستىرۋدىڭ باسقا دا تۇرلەرىنىنىڭ پايدا بولۋىنا اكەلدى. سوتتالعانداردى تۇزەتۋدىڭ ءبىر فورماسى – ەڭبەك. بۇل زاڭدى بۇزعان ادامداردى تاربيەلەۋدىڭ ءبىر ءادىسى، مۇنداي قادام ولاردى جازا وتەۋ جەرلەرىندە قىلمىستىق ورتادان شەكتەۋگە جانە بوساتىلۋدان كەيىن ومىرگە دايىنداۋعا مۇمكىندىك بەرەدى. بۇل ءۇشىن مەكەمەدە سوتتالعانداردىڭ ەڭبەگىن ۇيىمداستىرۋ بولىمشەسى جۇمىس ىستەيدى»، - دەيدى ول.

وسكەمەن 

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار