«جاستار جىلىنىڭ سالتاناتتى اشىلۋىن, ەلىمىزدىڭ استاناسى – نۇر-سۇلتان بولىپ وزگەرۋىن, ەلدەگى بولىپ جاتقان بارلىق وزگەرىستەر مەن جوبالاردى قولداۋ ماقساتىندا مارافون ۇيىمداستىرىپ وتىرمىز. بۇگىنگى مارافونعا 800 بىلىمگەر جانە 200 تالىمگەر قاتىسۋدا, – دەدى ۋنيۆەرسيتەت رەكتورى ەرجان امىربەك ۇلى.
مارافون سوڭىندا قر تۇڭعىش پرەزيدەنتى ساياباعىندا «جاستار جىلىنا» ارنالعان «باستاۋ» جيناعىنىڭ تۇساۋكەسەرى ءوتتى. اتالعان جيناققا تاراز مەملەكەتتىك پەدوگوگيكالىق ۋنيۆەرسيتەتىنىڭ بەلسەندى جاستارى تۋرالى مالىمەت ەنگىزىلگەن. سونىمەن قاتار, جاستاردىڭ جامبىل وڭىرىندەگى تاريحي ورىندارعا تانىمدىق, ستۋدەنتتىك تۋريزم جوباسىنىڭ اشىلۋ سالتاناتى ۇيىمداستىرىلدى. ۇيىمداستىرۋشىلار بۇل جوبانى جاساي وتىرىپ, اۋليەاتا ءوڭىرىنىڭ كيەلى, قاسيەتتى جەرلەرىن جاستارعا ارالاتۋ ارقىلى جاستاردىڭ بويىنا پاتريوتتىق سەزىمدى وياتۋدى ماقسات ەتىپ وتىرعانىن ايتتى. مارافوننان سوڭ ۋنيۆەرسيتەتتىڭ بەلسەندى جاستارى تاراز قالاسىنداعى تاريحي ورىندارعا ساياحات جاساپ, ارى قاراي ورتاعاسىرلىق اقىرتاس كەشەنىنە جول تارتتى.
جامبىل وبلىسى
