سونىمەن بىرگە, ۇلتتىق بانك 2019 جىلدىڭ العاشقى ەكى ايىندا حالىقتىڭ ساندىعىندا قانشا قارجى ساقتاۋلى تۇرعانىن دا ەسەپتەپ قويىپتى: 2019 جىلدىڭ اقپان ايىنا دەيىنگى مالىمەت بويىنشا حالىقتىڭ ساندىعىندا جاتقان قارجىسى 71,8 ملن ەۋرو. جيعان –تەرگەنىن ەۋرومەن ساقتاۋدا الماتىلىقتار ەرەكشە كوڭىل بولەتىن بولىپ شىقتى : العاشقى ەكى ايدا ولار 17.3 ملرد تەڭگەگە ەۋرو ساتىپ العان. بۇل حالىقتىڭ جيعان –تەرگەنىنىڭ 56 پايىزى تەك ەۋرودا ساقاتالىپ تۇرعانىن ايعاقتايدى: بۇعان ۇقساس جاعداي ماڭعىستاۋ, اقمولا, الماتى, سولتۇستىك قازاقستان وبلىسى جانە شىمكەنت قالالارىندا بايقالعان.
ساراپشىلار ەۋروعا دەگەن الا-بوتەن ىقىلاستىڭ تەك 2018 ەمەس, 2014 جىلدان بەرى ۇيرەنشىكتى قۇبىلىسقا اينالا باستاعانىن ايتىپ وتىر. 2014-2018 جىلداردا قازاقستاننىڭ ايىرباس پۋنكتتەرىندە ساتىلعان ەو ەلدەرى ۆاليۋتاسى العاشقى ەكى ايداعى دەڭگەيمەن سالىستىرعاندا اناعۇرلىم جوعارى ەكەن. 2019 جىلى اقپان ايىنداعى ەو ۆاليۋتاسى قۇنىنىڭ تومەندەۋى وعان دەگەن قىزىعۋشىلىق پەن سەنىمگە سەلكەۋ تۇسىرە الماپتى: قاڭتار ايىندا ەۋرو –تەڭگە جۇبى 431,32 تەڭگە بولسا, اقپان ايىندا ول 428,47 –گە دەيىن تومەندەپ كەتكەن. بيىلعى جىلدىڭ العاشقى ەكى ايىندا رەسەي رۋبلىنە دەگەن سۇرانىستا وزگەرىس بار. تۇركىستان جانە قىزىلوردا وبلىستارىندا ورنالاسقان ايىرباس پۋنكتتەرى ارقىلى 260 ملن تەڭگەگە ەۋرو ساتىلعان. الماتى وبلىسىندا اقپان ايىندا 350 ملن تەڭگەگە ەۋرو ساتىلسا, قاڭتار ايىندا ول 280 ملن تەڭگەگە دەيىن تومەندەگەن. ۇلتتىق بانك سايتىندا جاريالانعان دەرەكتەر 2019 جىلدىڭ العاشقى ەكى ايىندا تومەندەگى 4 وبلىستىڭ ەۋروعا دەگەن ىقىلاسىنىڭ ەرەكشە بولعانىن ايتادى: پاۆلودار وبلىسى 2 ملرد – 5.3 ملرد, قوستاناي وبلىسى 1,9 ملرد-5,5 ملرد, باتىس قازاقستان وبلىسى 3 ملرد -7.4 ملرد, شىعىس قازاقستان وبلىسى 1,9 ملرد -6,7 ملرد تەڭگەگە ەۋرو ساتىپ العان.
ساراپشىلار قازاقستاندىقتار ءۇشىن, برەند ۆاليۋتا اقش دوللارى ەكەنىن ايتادى. 2019 جىلدىڭ اقپان ايىندا وڭتۇستىك استاناداعى ايىرباس پۋنكتتەرى ارقىلى 116,3 ملرد تەڭگەگە اقش دوللارى ساتىلعان. بۇل 2018 جىلدىڭ اقپان ايىمەن سالىستىرعاندا 23 پايىزعا كوپ ەكەن. بەي رەسمي دەرەك كوزدەر ۇسىنعان مالىمەتتەرگە سەنسەك, اقپان ايىنا دەيىن الماتىلىقتاردىڭ ساندىق تۇبىندەگى قارجىسى 308,57 ملن اقش دوللارى ەكەن. ساراپشىلاردىڭ دەنى سوڭعى ەكى ايداعى اقش دوللارىنا دەگەن سۇرانىستى الماتىلىقتاردىڭ ونى كوپتەپ ساتىپ الۋى كوتەرىپ, ۇستاپ تۇرعانىن ايتادى.
گۇلبارشىن ساباەۆا,
«ەqemen Qazaqstan»
الماتى
