بىلتىرعى ماۋسىمداعى الەم كۋبوگىنىڭ كەزەڭدىك سايىستارى جاپونيانىڭ وبيحيرو (16-18 قاراشا) مەن توماكوماي (23-25 قاراشا), پولشانىڭ توماشۋۆ-مازوۆەتسكي (7-9 جەلتوقسان), گولانديانىڭ حەرەنۆەن (14-16 جەلتوقسان), نورۆەگيانىڭ حامار (1-3 اقپان) جانە اقش-تىڭ سولت-لەيك-سيتي (9-10 ناۋرىز) قالالارىندا ۇيىمداستىرىلعان ەدى. وكىنىشكە قاراي, وسى جارىستاردىڭ بىردە-بىرەۋىندە قازاقستاننىڭ سپورتشىلارى جەڭىس تۇعىرىنا كوتەرىلە العان جوق.
ەستەرىڭىزگە سالا كەتەيىك, 2016 جىلدىڭ جەلتوقسان ايىندا الەم كۋبوگىنىڭ كەزەڭدىك سايىسى استانادا وتكەن بولاتىن. سول كەزدە كونكي سپورتىنىڭ شوق جۇلدىزدارى ءبىزدىڭ ەلگە كەلىپ, ايشىقتى ونەرلەرىمەن جەرگىلىكتى جانكۇيەرلەردى قۋانتقان ەدى.
