ءىس-شاراعا سدۋ پرەزيدەنتى مەيىربەك ءماجيتوۆ جانە ۇزدىكسىز كاسىبي دامۋ بيۋروسىنىڭ اتقارۋشى ديرەكتورى ەرنۇر رىسماعامبەتوۆ, سونداي-اق ۋنيۆەرسيتەت بيزنەس مەكتەبىنىڭ پروفەسسورلىق-وقىتۋشىلىق قۇرامى قاتىستى. مەموراندۋمعا قول قويۋ بارىسىندا احقو قولداۋىمەن سدۋ بازاسىندا AIFC BCPD FinLab قارجىلىق زەرتحاناسىنىڭ سالتاناتتى اشىلۋى ءوتتى. ءىس-شاراعا قاتىسۋشىلاردى قۇتتىقتاي وتىرىپ, سدۋ پرەزيدەنتى مەيىربەك ءماجيتوۆ اكادەميالىق سەكتوردىڭ يندۋستريامەن قارىم-قاتىناسىن نىعايتۋدىڭ ماڭىزدىلىعىن اتاپ ءوتتى.
- مامان دايارلاۋدا يندۋستريا وكىلدەرىمەن, كاسىپورىنداردىڭ يەلەرى جانە باسشىلارىمەن كەرى بايلانىس ورناتۋ بۇدان بىلاي ۋنيۆەرسيتەتتىڭ قارقىندى دامۋىنىڭ ماڭىزدى بولىگى بولىپ تابىلادى. بۇگىنگى تاڭدا كۇش-جىگەردى حالىقارالىق ستاندارتتار ءارى جۇمىس بەرۋشىلەر مەن كاسىبي نارىق قاتىسۋشىلارىنىڭ ناقتى قاجەتتىلىكتەرى جاعىنا شوعىرلاندىرۋ, سول ارقىلى حالىقارالىق تاجىريبەنى وتاندىق تاجىريبەمەن ىقپالداستىرۋ وتە ماڭىزدى. ءبىلىم بەرۋ سالاسىنداعى الەمدىك تاجىريبە وسى ۇلگىنىڭ تيىمدىلىگىن جانە ۋنيۆەرسيتەتتىڭ ەلدىڭ ەكونوميكالىق, الەۋمەتتىك جانە قوعامدىق ومىرىنە قاتىسۋ قاجەتتىلىگىن كورسەتىپ وتىر. وسى رەتتە احقو بىزگە سەنىمدى سەرىكتەس بولۋى وتە ماڭىزدى. بۇل زەرتحانا - ءبىزدىڭ ستۋدەنتتەرگە قوسىمشا سەرپىن بەرىپ, قارجى جانە ينۆەستيتسيا سالاسىندا جاڭا تانىمداردى مەڭگەرۋگە كومەكتەسەدى, سونداي-اق حالىقارالىق دەڭگەيدەگى كاسىبي مامان بولىپ قالىپتاسۋىنا جول اشادى دەپ سەنەمىن, - دەگەن پىكىردە سدۋ پرەزيدەنتى مەيىربەك ءماجيتوۆ.
الداعى ۋاقىتتا تاراپتار بانك قىزمەتى, كاپيتال نارىعى, اكتيۆتەردى باسقارۋ, قارجى تەحنولوگيالارى جانە ادامي كاپيتالدى دامىتۋ سالاسىندا كادرلاردى كاسىبي دايارلاۋ مەن بىلىكتىلىك سالاسىنداعى سەرىكتەستىكتى نىعايتۋدى جوسپارلاپ وتىر. اتاپ ايتقاندا: قوناق لەكتسيالارى, تاجىريبە جانە اقپارات الماسۋ, ءوزارا قىزىعۋشىلىق تۋدىراتىن سالالاردا جوعارى بىلىكتى ماماندار مەن عىلىمي-پەداگوگيكالىق كادرلاردى دايارلاۋ ءۇشىن وقىتۋ ترەنينگتەرىن وتكىزۋ, احقو مەن سدۋ بازاسىندا ەكىجاقتى سەرىكتەستەر وكىلدەرىن شاقىرۋ, كاسىبي ءبىلىم مەن قۇزىرەتتىلىكتى دامىتۋدىڭ بىرلەسكەن ورتالىعىن اشۋ, الەمنىڭ تانىمال قارجىگەرلەرىنىڭ قاتىسۋىمەن كەزدەسۋلەر مەن عىلىمي ءىس-شارالاردى ۇيىمداستىرۋ. سونىمەن قاتار باكالاۆريات جانە ماگيستراتۋرا ماماندىقتارى اياسىندا "FRM", "HRCI", "ERP" جانە باسقا دا حالىقارالىق سەرتيفيكاتتاۋ باعىتتارى بويىنشا ەكسپەريمەنتتىك ءبىلىم بەرۋ باعدارلامالارىن ازىرلەۋ جانە ەنگىزۋ جوسپارلانۋدا. وسىلايشا, الداعى ۋاقىتتا باكالاۆريات, ماگيستراتۋرا جانە دوكتورانتۋرا باعدارلامالارى بويىنشا وقيتىن سدۋ ستۋدەنتتەرىنە احقو بازاسىندا كاسىپتىك, وقۋ-وندىرىستىك تاجىريبەلەر مەن عىلىمي-زەرتتەۋ تاعىلىمدامالاردان ءوتۋ قامتاماسىز ەتىلەدى.
ەستەرىڭىزگە سالا كەتەيىك, ۇزدىكسىز كاسىبي دامۋ بيۋروسى كادرلىق جانە مانساپتىق ماسەلەلەردە ۇزاق مەرزىمدى ارالىقتا قارجى ورتالىعىنىڭ باسەكەلەستىك ارتىقشىلىعىن قۇرۋ جانە قولداۋ ماقساتىندا حالىقارالىق قارجى ورتالىعىنىڭ العاشقى قۇرىلىمدىق بولىمشەلەرىنىڭ ءبىرى بولىپ ءوز جۇمىسىن باستاعان. ونىڭ مىندەتى قارجى نارىعىنىڭ جەرگىلىكتى ماماندارىنىڭ كادرلىق الەۋەتىن دامىتۋ, حالىقارالىق كاسىبي سەرتيفيكاتتاۋدى ناسيحاتتاۋ, احقو ەكو-جۇيەسىندە جانە ودان تىس جەرلەردە ودان ءارى جۇمىس ىستەۋ ءۇشىن حالىقارالىق دەڭگەيدە كاسىبي مامانداردىڭ كادرلىق رەزەرۆىن قۇرۋ بولىپ تابىلادى.
