الماتى وبلىسىنىڭ ايماقتىق كوممۋنيكاتسيا قىزمەتىنىڭ حابارلاۋىنشا, بيىلعى جىلى شارىن شاتقالى اۋماعىندا بارلىق حالىقارالىق ستاندارتتارعا ساي كەلەتىن جاڭا مادەني-ويىن-ساۋىق نىسانىنىڭ قۇرىلىسى جوسپارلانۋدا.
كەگەن اۋدانىنىڭ اكىمى تالعات بايەدىلوۆتىڭ ايتۋىنشا, جوبانىڭ قۇنى – 1,5 ملرد تەڭگە. قۇرىلىس جۇمىستارى ءۇشىن 24 گا جەر تەلىمى ءبولىندى. پارك قوناقتارى ءۇشىن 80 م بيىكتىكتە ءۇش اسپالى كوپىر جانە 40 ورىندىق قوناق ءۇي سالىناتىن بولادى. جوبا ىسكە قوسىلعان كەزدە جىل سايىن ورتا ەسەپپەن كەلۋشىلەرگە 375 ملن تەڭگەگە قىزمەت كورسەتىلەدى. سونداي-اق بيۋدجەت جىل سايىن 47 ملن تەڭگە سالىق الاتىن بولادى دەپ جوسپارلانۋدا.
وتكەن جىلى عالامتور قولدانۋشىلارى اراسىندا شارىن شاتقالى تۋرالى دەرەك ىزدەۋشىلەر سانى كۇرت كوبەيگەن. قازاقستاننىڭ كورىكتى جەرلەرى تۋرالى ينتەرنەتتەن اقپارات ىزدەۋشىلەردىڭ TOP-10 تىزىمىندە الماتى وبلىسىنداعى 5 بىردەي نىسان اتالدى. بۇل Google, ياندەكس جانە Youtube ارناسىنداعى ىزدەۋ دەرەكقورىنا جاسالعان مونيتورينگتىڭ ناتيجەسى. دەمەك شارىن شاتقالى جايلى بىلگىسى كەلەتىن الەم ازاماتتارىنىڭ قاتارى كوپ دەگەن ءسوز. بيىلدان باستاپ شارىن القابىندا قىزۋ قۇرىلىس قولعا الىنباق. قازىر شاتقال اۋماعىندا «Park Canyon» سەرىكتەستىگى الەمدىك تالاپقا ساي كەلەتىن ويىن-ساۋىق پاركىنىڭ قۇرىلىسىن باستادى. .جوبانىڭ اياقتالۋ مەرزىمى -2020 جىل. جوبا بويىنشا شارىندا ۇزىندىعى 200 مەتر جانە بيىكتىگى 80 مەترگە جەتەتىن ءۇش اسپالى كوپىر سالىنۋعا ءتيىس. بۇل شاتقالدىڭ قۇز جارتاستى اۋماعىن جوعارىدان تاماشالاپ, ونداعى تابيعاتتىڭ تۇمسا بولىگىمەن تانىسۋعا مۇمكىندىك بەرەدى.
«بۇل بيۋدجەتكە جىلىنا 47 ملن تەڭگە تابىس اكەلەتىن جوبا. قازىر قۇرىلىس جۇمىستارىن جۇرگىزۋگە شاتقال اۋماعىنان 24 گەكتار جەر تەلىمى ءبولىندى. بيىل قۇرىلىستىڭ ءبىرىنشى كەزەڭى اياقتالادى, وعان 700 ملن تەڭگە جۇمسالادى. 2020 جىلى شاتقالداعى كوپىرلەر ىسكە قوسىلادى دەپ ۇمىتتەنەمىز», – دەيدى الماتى وبلىسى, كەگەن اۋدانىنىڭ اكىمى تالعات بايەدىلوۆ جۋرناليستەرمەن كەزدەسكەن كەزدە. .
الەمنىڭ ارعى جارتى بولىگىندە اتى جالپاق جۇرتقا ءماشھۇر وسىنداي ءبىر كانون بار. بىلەتىندەر سولتۇستىك امەريكاداعى كولورادو كانوندارىنىڭ تۋرا ءبىر ءۇزىلىپ تۇسكەن بولشەگى وسى شارىن دەيدى. ال كولورادونى ادامدار بەرتىندە بايقاپ, ءجيى زەرتتەۋ جۇرگىزىپ, تۋريستەردىڭ نازارىن اۋدارعالى عاسىردان استام ۋاقىت ءوتتى. شارىن شاتقالىن العاش كورگەن ورىس گەولوگتارى مۇنداي تابيعاتتىڭ باسقا ايماقتاردا جوقتىعىن ايتىپ اۋزىنىڭ سۋى قۇرىعان. ءتىپتى كولورادوڭىزدىڭ ءوزى اۋقىمى ءسال ۇلكەنىرەك دەمەسەڭىز, شارىننىڭ قىزعىلت توپىراعى, وزگەشە ويىلىمدىق ورنەكتەرى, تابيعي جاقپار قۇزدارى جانىندا ءجىپ ەسە المايدى دەيدى بىلەتىندەر.
شارىن تۋرالى سوڭعى كەزدەرى ءجيى جازىلىپ, الەمدە ەكى-اق ەلدە بار كانوننىڭ قادىر-قاسيەتى تۋرالى ءسوز بولا باستادى. بۇل مەكەندى كورگىسى كەلەتىن عالىمدار دا, تۋريستەر دە كوپ. مەملەكەتتىك دارەجەدە كوڭىل ءبولىپ, وسى جەردى كورگىسى كەلەتىندەردى ەرتىپ اپاراتىن تۋريستىك فيرمالار دا كوپ. . دەگەنمەن, امەريكاداعى گراند-كانون (كولورادو اڭعارلارى) سياقتى مۇمكىندىكتەر جاسالماعانى جانە شىندىق. ەگەر امەريكاداعى سول ءبىر ويلى-شۇڭقىرلى, تابيعاتى مۇلدەم بولەك مەكەن تۋرالى كورگىڭىز كەلسە, الدىمەن ول تۋرالى تۇسىرىلگەن دەرەكتى فيلمدەردىڭ ءبىرتالايىن اقتاراسىز, بارماي تۇرىپ-اق تالاي اقپاراتقا قانىعىپ الاسىز. زەرتتەۋ ەڭبەكتەر, ەستەلىكتەر, ساياحاتشىلاردىڭ كۇندەلىكتەرى, سونداعى اڭىزداردىڭ جەلىسى بويىنشا تۇسىرىلگەن كوركەم فيلمدەردىڭ ءوزى ءبىر توبە. ال شارىنعا كۇنىنە ارى كەتكەندە مىڭ ادامدى قابىلداۋعا بولادى. جانە بۇل مەكەن تۋرالى, قالىپتاسۋ بارىسى جونىندە دۇرىس اقپاراتتىڭ جوقتىعى قىنجىلتادى. تەك ساندىق تسيفرلار عانا بار. دەرەكتى ءفيلمنىڭ ءوزى نەكەن-از, ونىڭ باسىم كوپشىلىگى كەشەگى كسرو كەزىندە دايىندالعان كينوجۋرنالدار.
گۇلبارشىن ساباەۆا,
«ەqemen Qazaqstan»
الماتى
