زاڭ جوباسىنىڭ ماقساتى ارنايى ەكونوميكالىق ايماقتاردى رەتتەۋ, سونداي-اق يندۋستريالىق ايماقتار قىزمەتىن قۇقىقتىق رەگلامەنتتەۋ سالاسىنداعى زاڭنامانى جەتىلدىرۋ بولىپ تابىلادى.
بۇل قۇجاتپەن ارنايى ەكونوميكالىق جانە يندۋستريالىق ايماقتاردى قۇرۋ, ولاردىڭ جۇمىس ىستەۋى جانە ولاردى تاراتۋ ءتارتىبى رەگلامەنتتەلەدى. ۇكىمەتتىڭ, ۋاكىلەتتى ورگاننىڭ, وزگە دە ورتالىق جانە جەرگىلىكتى اتقارۋشى ورگانداردىڭ قۇزىرەتى بەلگىلەنەدى. زاڭنامالىق تۇرعىدان يندۋستريالىق ايماقتاردىڭ تۇرلەرى, سونداي-اق ارنايى ەكونوميكالىق جانە يندۋستريالىق ايماقتاردىڭ قاتىسۋشىلارىنىڭ قۇقىقتارى مەن مىندەتتەرى بەكىتىلەدى.
زاڭ جوباسىنىڭ شەڭبەرىندە ارنايى ەكونوميكالىق جانە يندۋستريالىق ايماقتاردىڭ باسقارۋشى كومپانيالارىنىڭ فۋنكتسيالارى, مارتەبەسى, ولاردى قارجىلاندىرۋ جانە تاراتۋ ءتارتىبى ايقىندالادى.
سونىمەن قاتار بىرىڭعاي ۇيلەستىرۋ ورتالىعىن قۇرۋ كوزدەلگەن, ونىڭ مىندەتتەرى ارنايى ەكونوميكالىق جانە يندۋستريالىق ايماقتاردى دامىتۋ, ىلگەرلەتۋ جانە ولاردىڭ ينۆەستيتسيالىق تارتىمدىلىعىن ارتتىرۋ بولىپ تابىلادى.
زاڭ جوباسىمەن ارنايى ەكونوميكالىق ايماقتىڭ ارنايى قۇقىقتىق رەجيمى جانە سالىق سالۋدى, كەدەندىك رەتتەۋدى, مەملەكەتتىك-جەكەشەلىك ارىپتەستىكتى جانە قاتىسۋشىلاردى قۇقىقتىق قورعاۋدىڭ كەپىلدىگىن قوسا العاندا, ارنايى ەكونوميكالىق جانە يندۋستريالىق ايماقتاردىڭ جۇمىس ىستەۋ شارتتارى رەگلامەنتتەلەدى.
سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ارنايى ەكونوميكالىق جانە يندۋستريالىق ايماقتار, ينۆەستيتسيالاردى تارتۋ, ەكسپورتتى دامىتۋ جانە ىلگەرىلەتۋ, سونداي-اق الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»زاڭ جوباسى دا قارالدى.
زاڭ جوباسى مەملەكەت باسشىسىنىڭ قازاقستان رەسپۋبليكاسى پارلامەنتى ءۇشىنشى سەسسياسىنىڭ اشىلۋى كەزىندە ارنايى ەكونوميكالىق جانە يندۋستريالىق ايماقتار بويىنشا زاڭنامانى جاقسارتۋ جونىندە, سونداي-اق 2019 جىلعى 27 اقپاندا «نۇر وتان» پارتياسىنىڭ XVIII سەزىندە
از قامتىلعان ازاماتتار مەن كوپ بالالى وتباسىلاردى الەۋمەتتىك قولداۋ شارالارىن كۇشەيتۋگە قاتىستى ايتقان تاپسىرماسىن ىسكە اسىرۋ ماقساتىندا ازىرلەندى.
زاڭ جوباسىنىڭ ماقساتى قازاقستان رەسپۋبليكاسى زاڭنامالىق اكتىلەرىنىڭ نورمالارىن «ارنايى ەكونوميكالىق جانە يندۋستريالىق ايماقتار تۋرالى» زاڭنىڭ جوباسىنا سايكەس كەلتىرۋ بولىپ تابىلادى.
زاڭ جوباسىمەن بىرقاتار زاڭدارعا وزگەرىستەر مەن تولىقتىرۋلار ەنگىزىلەدى.
زاڭ جوباسى ارنايى ەكونوميكالىق ايماقتار قىزمەتىندە جاڭا تاسىلدەردى ىسكە اسىرۋعا جانە يندۋستريالىق ايماقتاردىڭ جۇمىس ىستەۋىن رەگلامەنتتەۋگە باعىتتالعان.
زاڭ جوباسىندا اەا جانە يا قاتىسۋشىلارىنىڭ جەر ۋچاسكەلەرىن, سونداي-اق ينفراقۇرىلىم وبەكتىلەرىن الۋ جانە پايدالانۋ ءتارتىبى رەگلامەنتتەلەدى. رەسپۋبليكالىق ماڭىزى بار جانە وڭىرلىك ماڭىزى بار يندۋستريالىق ايماقتاردى بيۋدجەتتەن تولىق نەمەسە ءىشىنارا قارجىلاندىرۋ كوزدەلەدى.
سونداي-اق سالىق سالۋ بولىگىندە باسقارۋشى كومپانيالارعا اەا جانە يا-عا قىزمەت كورسەتۋ ءۇشىن جەر سالىعىنىڭ, م ۇلىك سالىعىنىڭ جانە جەر ۋچاسكەلەرىن پايدالانعانى ءۇشىن تولەماقىنىڭ سومالارىن ايقىنداۋ كەزىندە ەسەپتەلگەن سالىق پەن تولەماقى سومالارىن 100%-عا ازايتۋعا مۇمكىندىك بەرەتىن وزگەرىستەر ۇسىنىلادى.
زاڭ جوباسىندا اتاۋلى كومەك كورسەتۋ كريتەريىن ەڭ تومەن كۇنكورىس دەڭگەيىنىڭ 70%-ىنا دەيىن ارتتىرۋ, از قامتىلعان وتباسىلارداعى ءاربىر بالاعا ارنالعان ەڭ تومەن تولەمدى 20 789 تەڭگە سوماسىندا بەلگىلەۋ, سونداي-اق مۇگەدەك بالانى تاربيەلەپ وتىرعان اتا-انالارعا ارنالعان اي سايىنعى مەملەكەتتىك جاردەماقىنىڭ جانە بالا كەزىنەن ءبىرىنشى توپتاعى مۇگەدەكتى كۇتىپ باعۋشى ادامدارعا اي سايىنعى مەملەكەتتىك جاردەماقىنىڭ مولشەرىن 30%-عا ۇلعايتۋ ارقىلى از قامتىلعان ازاماتتار مەن كوپ بالالى وتباسىلاردى الەۋمەتتىك قولداۋ شارالارى كوزدەلەدى.
زاڭ جوباسىنىڭ اياسىندا بىلىكتى پەداگوگتار, دارىگەرلەر, پوليتسەيلەر جانە باسقا دا ماماندار ءۇشىن «7-20-25» باعدارلاماسى شەڭبەرىندە جەڭىلدىكتى يپوتەكا بويىنشا باستاپقى جارنالاردى جەرگىلىكتى بيۋدجەتتەن ءىشىنارا سۋبسيديالاۋ تەتىگى ەنگىزىلەدى.
ەكسپورتتى ودان ءارى دامىتۋ جانە ىلگەرىلەتۋ ءۇشىن زاڭ جوباسىنىڭ شەڭبەرىندە ەكسپورتتى قولداۋ بويىنشا مەملەكەتتىك كەپىلدىك بەرۋ كوزدەلەدى.
زاڭ جوباسىمەن مەملەكەتتىك كەپىلدىك بەرۋدىڭ شارتتارى, ولاردىڭ نىساندارى, ولاردى ەسەپكە الۋ, ورىنداۋ جانە قولدانىسىن توقتاتۋدىڭ نەگىزدەرى,
سونداي-اق وسىنداي كەپىلدىكتەردى الۋعا ۇمىتكەر تۇلعاعا قويىلاتىن تالاپتار بەلگىلەنەدى.
زاڭ جوبالارى پالاتانىڭ قاراۋىنا جىبەرىلدى.
