بايقاۋدىڭ باس جۇلدەسى - پاريجگە ساياحات! «كورپوراتسيا گراند» تۋراگەنتتىگى مەن Air Astana اۋەكومپانياسىنىڭ قولداۋ بىلدىرۋىمەن جەڭىمپازدار باتىس ەۋروپانىڭ نەگىزگى بولىگىن الىپ جاتقان ترانسايماقتىق فرانتسيا رەسپۋبليكاسىنداعى كوكتەم ايىن تاماشالاپ قايتۋ مۇمكىندىگىنە يە بولادى. جەڭىمپازدار سونىمەن قاتار فرانتسۋز ءتىلىن وقىتۋ كۋرستارى, فرانتسۋز اشەكەيلەرى جانە تاعى باسقا سىي-سياپاتتارمەن ماراپاتتالادى.
الماتىداعى فرانتسۋز اليانسىنىڭ وفيسىندە باق وكىلدەرىنە ارنايى ۇيىمداستىرىلعان بريفينگتە فرانتسيانىڭ باس كونسۋلى الەكسيس شاحتاحتينسكي ەكى ەل اراسىنداعى ىنتىماقتاستىق ماسەلەلەرىن اتاپ ءوتىپ, فرانتسيانىڭ تۋريزم سالاسىنداعى جەتىستىكتەرىنە توقتالدى. باس كونسۋل سونداي-اق بايقاۋدىڭ الماتىداعى فرانتسۋز اليانسى بازاسىندا وتكىزىلەتىن ءىس-شارالاردىڭ ءبىرى ءارى قازاقستاندىقتاردىڭ فرانتسۋز حالقىنىڭ مادەنيەتىن زەرتتەۋگە دەگەن قىزىعۋشىلىعىن ىنتالاندىرۋعا ارنالعان شارا ەكەندىگىن اتاپ ءوتتى.
الماتىداعى فرانتسۋز اليانسىنىڭ پرەزيدەنتى زۋلفي جاركەشەۆا «فرانتسيا مادەنيەتى» بايقاۋى سياقتى مادەني شارالار ءبىزدىڭ جۇمىسىمىزدىڭ باسىم باعىتتارىنىڭ ءبىرى. الماتىداعى فرانتسۋز اليانسى تىلدىك كۋرستاردىڭ وقىتۋ شارتتارى مەن مازمۇنىن ۇنەمى جاقسارتۋدى جولعا قويعان» دەپ اتاپ ءوتتى.
فرانتسۋز اليانسى 2004 جىلدان باستاپ الماتى قالاسىندا فرانتسۋز ءتىلى كۋرستارىن ۇيىمداستىرىپ, فرانكوفون كىتاپحاناسىن قولداۋ باعىتىندا جۇمىتەپ كەلەدى. بۇگىندە بۇل قوردا 14 000 استام اتاۋلار جيناقتالعان. سونداي-اق اليانس «فرانكوفونيا كوكتەمى» فەستيۆالى, فرانتسۋز ءتىلى اپتالىعى, «فرانتسۋز كينوسى بۇگىن» فەستيۆالى, حالىقارالىق الماتى دجاز-فەستيۆالى, مۋزىكا مەرەكەسى, ساندىق كوكتەم, گاسترونوميا مەرەكەسى, وقۋ مەرەكەسى جانە وزگە دە قىزىقتى ديسكۋسسيالىق جانە كينوكلۋبتار سياقتى مادەني ءىس-شارالاردى وتكىزىپ تۇرادى.
ەلۆيرا سەرىكقىزى,
«ەqemen Qazaqstan»
