قازاقستان رەسپۋبليكاسىنىڭ زاڭىنا سايكەس, قاسىم-جومارت توقاەۆ كونستيتۋتسياعا قولىن قويىپ: «قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ كونستيتۋتسياسى مەن زاڭدارىن قاتاڭ ساقتاۋعا, ازاماتتاردىڭ قۇقىقتارى مەن بوستاندىقتارىنا كەپىلدىك بەرۋگە, جۇكتەلگەن مارتەبەلى مىندەتتى ادال اتقارۋعا سالتاناتتى تۇردە انت ەتەمىن» دەپ حالىققا انت بەردى.
مىنە, وسى ساتتەن باستاپ پرەزيدەنت رەسمي قىزمەتىنە كىرىسكەن بولىپ سانالادى. رەسپۋبليكا پرەزيدەنتى انتتىڭ ءماتىنىن مەملەكەتتىك تىلدە ايتتى. انت بەرۋ سالتاناتتى جاعدايدا پارلامەنت دەپۋتاتتارىنىڭ, كونستيتۋتسيالىق كەڭەس مۇشەلەرىنىڭ, جوعارعى سوت سۋديالارىنىڭ, سونداي-اق باسقا دا مەملەكەتتىك ورگاندار وكىلدەرىنىڭ قاتىسۋىمەن وتكىزىلدى.
انت بەرىلگەننەن كەيىن قازاقستان رەسپۋبليكاسىنىڭ مەملەكەتتىك گيمنى ورىندالدى.
