قاراپايىم زاتتار ەكونوميكاسىن دامىتۋ اياسىندا ۇكىمەت حالىق تۇتىناتىن تاۋارلاردى, سونداي-اق شيكىزات پەن باستاپقى قايتا وڭدەۋ ونىمدەرىن ءوندىرۋدى قولدايدى. بۇل ءتاسىل تولىق قوسىلعان قۇن تىزبەكتەرىن ارتتىرۋدى قاراستىرادى. بۇل تۋرالى ۇكىمەت ۇيىندە وتكەن بريفينگتە يندۋستريا جانە ينفراقۇرىلىمدىق دامۋ ءمينيسترى رومان سكليار ايتتى. بۇل ماقساتتارعا ۇكىمەت بولگەن 600 ملرد تەڭگە ونەركاسىپ ءوندىرىسى مەن اگروونەركاسىپ كەشەنىن دامىتۋعا جانە قولداۋعا باعىتتالاتىن بولادى.
مينيستر رومان سكليار اتاپ وتكەندەي, باعدارلاما ناتيجەسىندە 2025 جىلعا قاراي بارلىق 365 ءونىمنىڭ ءوندىرىس كولەمى 2,4 ەسەگە ارتىپ, نارىقتاعى يمپورتتىڭ ۇلەسى 59%-تەن 37%-كە دەيىن تومەندەيدى. ولاردىڭ ىشىندە 247 ازىق-ت ۇلىكتىك ەمەس ونەركاسىپ ونىمدەرى بويىنشا ءوندىرىس 1,5 ملرد دوللاردان 3,1 ملرد دوللارعا دەيىن (نەمەسە 2 ەسەگە) وسەدى جانە يمپورت ۇلەسى 82%-تەن 59%-كە دەيىن تومەندەيدى دەپ كۇتىلۋدە. تاۋارلاردىڭ ءتىزىمى كەلەسى كريتەريلەردى ەسكەرە وتىرىپ, ايقىندالدى. اتاپ ايتقاندا, يمپورتقا تاۋەلدىلىكتىڭ جوعارىلىعى (5 ملن. دوللاردان استام), وتاندىق شيكىزاتتىڭ قولجەتىمدىلىگى, قاجەتتى قۇزىرەت پەن تەحنولوگيا بار, قايتا ءوندىرۋدىڭ بولماۋى, تاۋار ساپاسىن باعالايتىن سىناق بازاسىنىڭ بولۋى سياقتى ەرەكشەلىكتەر ەسكەرىلىپ وتىر.
«ۇكىمەت حالىققا قاجەت دايىن شيكىزات ءوندىرىسىن عانا ەمەس, قاجەتتى شيكىزات پەن باستاپقى وڭدەۋ ونىمدەرىن ءوندىرۋدى قولدايدى. بۇل ءتاسىل قوسىلعان قۇن تىزبەكتەرىن ارتتىرۋعا ارنالعان. مىسالى, «قانت قىزىلشاسى – قانت – كونديتەرلىك ونىمدەر», «جەمدىك داقىلدار جانە ءىرى قارا مال – جاس ەت جانە قاتىرىلعان ەت – ەتپەن تەز دايىندالاتىن تاعامدار مەن شۇجىق ونىمدەرى» جانە تاعى باسقالار. بالامالى تۇردە ازىق-ت ۇلىك ونىمدەرىنە جاتپايتىن تاۋارلاردى دا دامىتۋ قاراستىرىلىپ وتىر. مىسالى, وعان «ماقتا – ماتا – كيىم-كەشەك» سياقتى ونىمدەر جاتادى», - دەپ حابارلادى مينيستر.
يدم باسشىسىنىڭ ايتۋىنشا, جەڭىل جانە جيھاز ونەركاسىبى مەن قۇرىلىس ماتەريالدارىن دامىتۋدىڭ جول كارتالارى ازىرلەنىپ, بەكىتىلدى. «قاراپايىم زاتتار ەكونوميكاسىنىڭ» نەگىزگى تاۋارلارى وسى سالالارعا جاتادى.
شيكىزاتپەن قامتاماسىز ەتۋدە جوعارى مارجينالدى ونىمدەردى ءوندىرۋ ءۇشىن قاجەتتى شيكىزات بازاسىن دامىتۋ شارالارى قاراستىرىلعان. جەڭىل ونەركاسىپتە ماقتا, ءجۇن وڭدەۋ, جاساندى جانە سينتەتيكالىق ماتەريالداردى ءوندىرۋدى ىنتالاندىرۋ. قۇرىلىس ماتەريالدارى بويىنشا ەلىمىزدىڭ شيكىزات الەۋەتىن تالداۋ جوعارى ساپالى ونىمدەر ءوندىرۋ ءۇشىن جۇرگىزىلەتىن بولادى. سونىمەن قاتار, ىشكى نارىقتى قورعاۋ ءۇشىن كەدەندىك اكىمشىلەندىرۋ مەن تەحنيكالىق رەتتەۋ قۇرالدارىن جەتىلدىرۋ جوسپارلانىپ وتىر. وسى سالالاردىڭ ونiمدەرiن ساتۋدى ۇلعايتۋ ءۇشىن جانە قولدانىستاعى كاسiپورىنداردىڭ جۇكتەمەسىن ارتتىرۋ ماقساتىندا رەتتەلەتىن ساتىپ الۋلاردا قازاقستاندىق قامتۋ ۇلەسiن جىل سايىن 20 پايىزدىق تارماققا ۇلعايتۋ ۇسىنىلادى. ىشكى نارىقتا وتاندىق ونىمدەردى ناسيحاتتاۋ جانە ولاردىڭ حالىققا قولجەتىمدىلىگىن ارتتىرۋ ماسەلەسىندە وتاندىق تاۋارلاردىڭ بولشەك جەلىلەردە ۇسىنىلۋىن ارتتىرۋ شارالارى ازىرلەنەدى. كاسىپورىنداردى جوعارى بىلىكتى كادرلارمەن قامتاماسىز ەتۋ اياسىندا مەملەكەتتىك ءبىلىم بەرۋ تاپسىرىسىن جاساۋدا بيزنەستىڭ سالالىق قاجەتتىلىكتەرى ەسكەرىلەتىن بولادى. سونداي-اق, الدىڭعى قاتارلى تەحنولوگيالاردى پايدالانىپ, اتالعان جوبالاردى ىسكە اسىرۋ ءۇشىن وسى سالالارعا ينۆەستيتسيا تارتۋ شارالارى جاسالاتىن بولادى.
