شار اينا
سارسەنبى, 18 شىلدە 2012 7:41
كەڭ اۋقىمدى شابۋىلعا شىقپاق
سيريالىق وپپوزيتسيا بۇكىل ەل بويىنشا ۇكىمەتتىك اسكەرلەرگە قارسى كەڭ اۋقىمدى شابۋىلدى باستايتىندىقتارى تۋرالى جاريالادى. مۇنداي مالىمدەمەنى ب ۇلىكشىلەر 16 شىلدە كۇنى كەشكىسىن تاراتقان.
مالىمدەمەدە بۇل كەڭ اۋقىمدى شابۋىل سيريا پرەزيدەنتى باشار اسادتىڭ رەجىمى جاساعان «قاسكويلىك» ارەكەتتەرگە جاۋاپ بولىپ تابىلاتىنى كولدەنەڭ تارتىلادى. جاڭا تاكتيكاعا سايكەس, وپپوزيتسيا ارمياسى بۇكىل ەل اۋماعىنداعى قالالار مەن اۋىلدارداعى ۇكىمەتتىك اسكەرلەردىڭ شەپتەرىن شابۋىلداماق. ءسويتىپ, اسادتى بەرىلۋگە ءماجبۇرلەمەك, بولماسا تۇپكىلىكتى كوزىن جويماق.
سارسەنبى, 18 شىلدە 2012 7:41
كەڭ اۋقىمدى شابۋىلعا شىقپاق
سيريالىق وپپوزيتسيا بۇكىل ەل بويىنشا ۇكىمەتتىك اسكەرلەرگە قارسى كەڭ اۋقىمدى شابۋىلدى باستايتىندىقتارى تۋرالى جاريالادى. مۇنداي مالىمدەمەنى ب ۇلىكشىلەر 16 شىلدە كۇنى كەشكىسىن تاراتقان.
مالىمدەمەدە بۇل كەڭ اۋقىمدى شابۋىل سيريا پرەزيدەنتى باشار اسادتىڭ رەجىمى جاساعان «قاسكويلىك» ارەكەتتەرگە جاۋاپ بولىپ تابىلاتىنى كولدەنەڭ تارتىلادى. جاڭا تاكتيكاعا سايكەس, وپپوزيتسيا ارمياسى بۇكىل ەل اۋماعىنداعى قالالار مەن اۋىلدارداعى ۇكىمەتتىك اسكەرلەردىڭ شەپتەرىن شابۋىلداماق. ءسويتىپ, اسادتى بەرىلۋگە ءماجبۇرلەمەك, بولماسا تۇپكىلىكتى كوزىن جويماق.
اقش كورابلى ۇندىستەرگە وق جاۋدىردى
اقش اسكەري-تەڭىز كۇشتەرىنىڭ كورابلى پارسى شىعاناعىندا, بىرىككەن اراب ءامىرلىكتەرى جاعالاۋلارىنا جاقىن ماڭدا, ۇندىلىك بالىقشىلار مىنگەن قايىققا وق اتقان. امەريكالىقتار ءوز ارەكەتتەرىنىڭ سەبەبىن قايىقتىڭ تىم جاقىن كەلگەندىگىمەن تۇسىندىرۋگە تىرىسىپ وتىر.
وقيعا سالدارىنان ءبىر بالىقشى قازا تاپسا, ۇشەۋى ءتۇرلى دەنە جاراقاتتارىن العان. بىرىككەن اراب امىرلىكتەرىنىڭ باسشىلىعى وقيعانى تەرگەۋگە كىرىستى. باحرەيندە ورنالاسقان اقش 5-ءشى فلوتىنىڭ كورابلدەرى پارسى شىعاناعىندا تۇراقتى قىزمەت اتقارادى. يران ورمۋز بۇعازىن جاۋىپ تاستايمىز دەپ قوقان-لوققى جاساعالى بەرى اقش-تىڭ اسكەري-تەڭىز كۇشتەرى وڭىردە كۇشەيتىلە تۇسكەن بولاتىن.
رەسەي بازاسىن تەگىن ورنالاستىرادى
تاجىكستان باسشىلىعى ءوز اۋماعىندا رەسەيدىڭ اسكەري بازاسىن ورنالاستىرۋ تۋرالى جوبا ماقۇلداۋعا تۇرارلىق دەپ ەسەپتەپ وتىر. بۇل جونىندە رەسەيدىڭ قۇرلىقتاعى اسكەرلەرىنىڭ باس قولباسشىسى, گەنەرال-پولكوۆنيك ۆلاديمير چيلكين مالىمدەدى.
تاجىكستاندا 201-ءشى اسكەري بازانىڭ 49 جىل مەرزىمگە كەلىپ ورنالاسۋىن بەكىتەتىن كەلىسىم جوباسىن تاجىك جاعى قۇپتاپ وتىر, دەپ مالىمدەدى ۆ.چيلكين. ونىڭ سوزىنە قاراعاندا, تاجىك باسشىلىعى اتالعان كەلىسىمنىڭ كۇشىنە ەنۋىن جىلدامداتۋعا ىقپال ەتۋگە ۋادە بەرگەن. جانە ورنالاسۋ قايتارىمسىز نەگىزدە, ياعني تەگىن جۇزەگە اسىرىلماق.
قىتايلىق بالىقشىلار اتقىلاندى
جاپون تەڭىزىندە رەسەيدىڭ شەكارالىق كۇزەت كورابلى قىتاي تۋى استىندا كەلە جاتقان شحۋنانى اتقىلادى. رەسەي جاعى وقتى براكونەرلىك شحۋناعا قارسى اتقاندارىن ايتىپ اقتالىپ وتىر. وقيعا كەشە ەرتەڭگىسىن ورىن العان.
شحۋنا رەسەيدىڭ ەكونوميكالىق ايماعىندا كوزگە ءتۇستى. توقتا دەگەن تالاپقا ولار قايىرىلعان جوق. ودان كەيىن شەكاراشىلار زاڭ بۇزۋشىلاردىڭ ىزىنە ءتۇسىپ, وق اتۋعا ءماجبۇر بولدى, دەيدى رەسەي فەدەرالدى قاۋىپسىزدىك كەڭەسى جاعالاۋ كۇزەتى شەكارا باسقارماسىنىڭ ءباسپاسوز قىزمەتىنە سىلتەمە جاساعان «جاڭالىقتار» اقپارات اگەنتتىگى. زارداپ شەككەندەر تۋرالى ەشتەڭە ايتىلمايدى.
اۋعان اسكەريى اۋىر جازا الدى
ءتورت فرانتسۋز سولداتىن ولتىرگەن اۋعانستان اسكەريى ءولىم جازاسىنا كەسىلدى. بۇل تۋرالى اۋعانستان قورعانىس مينيسترلىگىندەگى اقپارات كوزى مالىمدەگەن. ۇكىمگە سايكەس ەندى اۋعاندىق ابدۋل سابور دەگەن اسكەري دارعا اسىلاتىن بولادى.
فرانتسۋز سولداتتارى ۇستىمىزدەگى جىلدىڭ قاڭتارىندا ەلدىڭ سولتۇستىك-شىعىسىنداعى كاپيسا پروۆينتسياسىندا اتىپ ءولتىرىلىپتى. اۋعاندىق اسكەري فرانتسۋزدارعا وزدەرىنىڭ اسكەري بازاسىنىڭ اۋماعىندا ەرتەڭگىلىك جاتتىعۋعا شىققان كەزدە وق جۇمساعان. سابور ءتورت فرانتسۋزدى ولتىرسە, 15-ءىن جارالاعان. وسىعان وراي فرانتسۋز باسشىلىعى ءوز اسكەرىن اۋعانستاننان شىعارۋ ۇدەرىسىن جەدەلدەتۋگە شەشىم قابىلداعانى بەلگىلى.
اپتاپتان زارداپ شەككەندەر كوپ
جاپونيادا اپتاپ ىستىقتان ءبىر ادام كوز جۇمسا, 700-ءى اۋرۋحاناعا ءتۇسكەن. ولگەن نيگاتا پرەفەكتۋراسىندا تۇراتىن موسقال ەر ادام كورىنەدى. ول كوشەدە بىرنەشە ساعات ءجۇرىپ كەلگەننەن كەيىن ءوزىن وتە ناشار سەزىنگەن جانە كوپ ۇزاماي كوز جۇمعان.
اۋرۋحاناعا تۇسكەندەردىڭ بارلىعىنا ىستىق ۇرعان دەگەن دياگنوز قويىلعان. اسا ىستىق اۋا رايى جاپونيانىڭ شىعىسى مەن باتىسىندا ورىن الىپ وتىر ەكەن. ەلدىڭ 60 اۋدانىندا تەرمومەتر باعانىنىڭ كورسەتكىشى 35 گرادۋستان اسىپ تۇسكەن. توكيو توڭىرەگىندە 37,6 گرادۋس ىستىقتىق تىركەلسە, گۋمما پرەفەكتۋراسىندا تەمپەراتۋرا ءبىرشاما ۋاقىت 39 گرادۋستان جوعارى بولىپ تۇرعان. اپتاپ ءالى ەكى-ءۇش كۇن ساقتالادى دەلىنۋدە.
قىسقا قايىرىپ ايتقاندا:
لاتۆيادا ۆلاديمير ليندەرمان باسشىلىق ەتەتىن جاڭا پارتيا تىركەلدى. ونىڭ اتى «انا ءتىلى ءۇشىن!» دەپ اتالادى. ليندەرماننىڭ ءوزى بۇعان دەيىن لاتۆيادا ۇلتتىق ازشىلىقتاردىڭ ءمۇددەسىن بىلدىرەتىن قوسارلانعان پارلامەنت قۇرۋدى ۇسىنعان بولاتىن.
مىسىردىڭ بۇرىنعى پرەزيدەنتى حوسني مۇباراك اسكەري گوسپيتالدەن تۇرمەگە قايتا جەتكىزىلگەن. ونى تۇرمەگە قايتارۋ تۋرالى شەشىمدى مەديتسينالىق قورىتىندىعا سۇيەنە وتىرىپ, ەل پروكۋراتۋراسى قابىلداعان. ياعني, ەكس-پرەزيدەنتتىڭ دەنساۋلىعى تۇراقتانعان سەكىلدى.
تۇركىمەنستاندا بۇعان دەيىن ءار ادامعا ناقتى بەلگىلەنگەن باعاعا 5 كيلوگرامنان ۇن بەرىلىپ كەلگەن بولاتىن. 1990-جىلداردىڭ ورتاسىندا ەنگىزىلگەن بۇل ۇدەرىس توقتاتىلدى. سەبەبى, ەلدە سول كەزدەن بەرى ۇن مەن نان باعاسى الدەنەشە ەسە وسكەندىكتەن, ۇننىڭ كيلوسىنا 14 تسەنتتى ساقتاپ قالۋ مەملەكەتكە ۇلكەن سالماق تۇسىرەتىن بولىپتى.
بۇكىلالەمدىك ساۋدا ۇيىمى (بسۇ) اقش-تىڭ تالابى بويىنشا قىتاي ساۋدا قىزمەتى تۋرالى كەلىسىمدى بۇزدى جانە الەمدىك تولەم جۇيەسىنە قاتىستى قىسىم كورسەتۋ ساياساتىن جۇرگىزىپ كەلەدى دەگەن ايىپ تاقتى. بۇل تۋرالى بسۇ-نىڭ كەشە جاريالانعان بايانداماسىندا ايتىلادى.
ينتەرنەت ماتەريالدارى نەگىزىندە ازىرلەندى.
