شار اينا
سەيسەنبى, 17 شىلدە 2012 7:30
ۇرىس داماسك كوشەلەرىنە كوشتى
سيريا ۇكىمەتى برونەتەحنيكالاردىڭ بىرنەشە كوللوناسىن داماسكىنىڭوڭتۇستىك اۋداندارىنا جىبەردى. وتكەن تۇننەن بەرى سول تۇستا ۇكىمەتتىككۇشتەر مەن ب ۇلىكشىلەر اراسىندا كەسكىلەسكەن ۇرىس ءجۇرىپ جاتىر.
وپپوزيتسياداعىلار ورنالاسقان ءۇي ورامدارى مينومەتتەن اتقىلاۋدا. قالانىڭ وڭتۇستىگىنە قاراي اپاراتىن جولدار جابىلعان. وقيعانىڭ كوپتەگەن كۋاگەرلەرى بۇكىل قالا بويىنشا اتىس ەستىلىپ تۇرعانىن ايتادى. ورتەنىپ جاتقان عيماراتتار دا جوق ەمەستەي. كەشەگى كۇنى 16 ادام وققا ۇشتى دەگەن اقپار تارادى. ال ب ۇلىك باستالعالى 17 مىڭنان استام ادام كوز جۇمدى.
سەيسەنبى, 17 شىلدە 2012 7:30
ۇرىس داماسك كوشەلەرىنە كوشتى
سيريا ۇكىمەتى برونەتەحنيكالاردىڭ بىرنەشە كوللوناسىن داماسكىنىڭوڭتۇستىك اۋداندارىنا جىبەردى. وتكەن تۇننەن بەرى سول تۇستا ۇكىمەتتىككۇشتەر مەن ب ۇلىكشىلەر اراسىندا كەسكىلەسكەن ۇرىس ءجۇرىپ جاتىر.
وپپوزيتسياداعىلار ورنالاسقان ءۇي ورامدارى مينومەتتەن اتقىلاۋدا. قالانىڭ وڭتۇستىگىنە قاراي اپاراتىن جولدار جابىلعان. وقيعانىڭ كوپتەگەن كۋاگەرلەرى بۇكىل قالا بويىنشا اتىس ەستىلىپ تۇرعانىن ايتادى. ورتەنىپ جاتقان عيماراتتار دا جوق ەمەستەي. كەشەگى كۇنى 16 ادام وققا ۇشتى دەگەن اقپار تارادى. ال ب ۇلىك باستالعالى 17 مىڭنان استام ادام كوز جۇمدى.
قىتايدىڭ اسكەري شىعىنى 170 ملرد.$
قىتايدىڭ اسكەري شىعىنى سوڭعى ءبىر جىلدا 11,5 پايىزعا ءوسىپ, 104,62 ملرد.دوللاردى قۇرادى. تاياۋداعى بەس جىلدا قىتايدىڭ اسكەري بيۋدجەتىنىڭ ءوسۋ قارقىنى ساقتالادى دەپ كۇتىلىپ وتىر. 2017 جىلعا قاراي اسپاناستى ەلىنىڭ اسكەري بيۋدجەتى 174,9 ملرد. دوللارعا جەتپەك.
قازىرگى كەزدە قىتايدىڭ اسكەري شىعىنى ازيا-تىنىق مۇحيتى وڭىرىندە اسا ءىرىسى بولىپ تابىلادى. تۇتاستاي العاندا, تاياۋداعى بەس جىلدا قىتاي 722,4 ملرد. دوللارعا جاڭا قارۋ-جاراق ساتىپ الادى نەمەسە ەسكىسىن جاڭعىرتادى. اسكەري شىعىن ءوسۋىنىڭ نەگىزگى سەبەپتەرى اقش – قىتاي جانە تايۆان-قىتاي قارىم-قاتىناسىنداعى كۇردەلىلىكتەر دەلىنۋدە.
حيللاري كلينتون قىزاناقپەن اتقىلاندى
مىسىردا دەمونسترانتتار اقش-تىڭ مەملەكەتتىك حاتشىسى حيللاري كلينتوننىڭ كورتەجىن قىزاناقتارمەن جانە باتەڭكەلەرمەن اتقىلادى. ول وتكەن سەنبى كۇنى اتالعان ەلگە ساپارمەن كەلگەن بولاتىن. ال وقيعا جەكسەنبى كۇنى مەملەكەتتىك حاتشى جينالعاندار الدىندا دەموكراتيالىق قۇقىقتار تۋرالى لەكتسيا وقىعان كەزدە ورىن الدى.
بروندى اۆتوموبيلدەرگە اياق كيىمدەر مەن سۋ قۇيىلعان بوتەلكەلەر لاقتىرىلدى. كلينتوننىڭ ءوزى مەن ماشينەسى زارداپ شەكپەگەنىمەن, ءدال كوزدەپ لاقتىرىلعان قىزاناق مىسىرلىق شەنەۋنىكتىڭ بەتىن ايمانداي قىلدى. بۇل – ح.كلينتوننىڭ ەگيپەتكە موحاممەد مۋرسي ەل پرەزيدەنتى بولىپ سايلانعاننان كەيىنگى العاشقى ساپارى.
ۇستاتپايتىن قىلمىسكەر تابىلدى
سيمون ۆيزەنتال ورتالىعى دەپ اتالاتىن امەريكالىق قۇقىق قورعاۋشى ۇيىمى ەڭ ىزدەلىپ جۇرگەن ۇلتشىل قىلمىسكەرلەردىڭ تىزىمىندە ءبىرىنشى تۇرعان لاسلو ءچاتاريدىڭ ۆەنگريادا جاسىرىنىپ جۇرگەنىنە جاڭا ايعاق دايەكتەر الدى.
دايەكتەمەلەر وتكەن جەكسەنبى كۇنى جاريا ەتىلدى. ءسويتىپ, ول ۆەنگريانىڭ باس پروكۋراتۋراسىنا جولداندى. ەندى باس پروكۋراتۋراداعىلار ءىستى مۇقيات تەكسەرەتىنىن قۋاتتادى. سيمون ۆيزەنتال ورتالىعى ۆەنگريا باسشىلىعىن لاسلو ءچاتاريدى سوتقا بەرۋگە شاقىرىپ وتىر. ويتكەنى, ۇلتشىلدىڭ كىناسىن ايعاقتايتىن دەرەكتەر مولىنان جەتكىلىكتى كورىنەدى.
افريكا وداعىن ايەل باسقارادى
وڭتۇستىك افريكا رەسپۋبليكاسىنىڭ ىشكى ىستەر ءمينيسترى نكوسازانا دلاميني-زۋما افريكا وداعى كوميسسياسىنىڭ تورايىمدىعىنا سايلاندى. ءسويتىپ, ول 54 مەملەكەت ءمۇشەسى بولىپ تابىلاتىن افريكا وداعىنىڭ اكىمشىلىك-اتقارۋشى ورگانىن باسقاراتىن العاشقى ايەل بولدى.
وار پرەزيدەنتىنىڭ بۇرىنعى زايىبى نكوسازانا دلاميني-زۋمانىڭ قارسىلاسى اتالعان كوميسسيانىڭ 2008 جىلدان بەرگى ءىس باسىنداعى توراعاسى گابوندىق جان پينگ بولعان. ەكى ۇمىتكەردىڭ اراسىندا قاتتى تارتىس ورىن العان. نكوسازانا دلاميني-زۋمانىڭ داۋىستىڭ تەڭ جارتىسىنان استامىن الۋى داۋىس بەرۋلەردىڭ 4-ءشى راۋندىنان كەيىن عانا مۇمكىن بولعان.
تاراپتاردى تەھرانعا كەلىسسوزگە شاقىردى
يران باسشىلىعى سيريا بيلىگى مەن وپپوزيتسيا وكىلدەرىن شاقىرىپ, ءوزىنىڭ اۋماعىندا كەلىسسوز ۇيىمداستىرۋدى ۇسىندى. يران سىرتقى ىستەر ءمينيسترى الي اكبار سالەحي اتاپ وتكەنىندەي, ونىڭ ەلى سيرياداعى جاعدايدى بەيبىت رەتتەۋ جوسپارىن قولدايدى. بۇل جوسپاردى بۇۇ-نىڭ ارنايى وكىلى كوفي اننان ۇسىنعان بولاتىن.
بىرقاتار باتىس ەلدەرى, ءبىرىنشى كەزەكتە اقش, يراننىڭ سيرياعا بايلانىستى كەلىسسوزدەرگە قاتىسۋىن قالامايدى. ماسەلەن, يران دەلەگاتسياسى وتكەن ايدىڭ سوڭىندا جەنەۆادا ۇيىمداستىرىلعان سيريا جونىندەگى حالىقارالىق كونفەرەنتسياعا قاتىستىرىلعان جوق. رەسەي ءوز كەزەگىندە بۇل ىسكە يراندى تارتۋ كەرەك ەكەنىن تالاي مارتە مالىمدەپ كەلەدى.
قىسقا قايىرىپ ايتقاندا:
ö وسىدان بىرنەشە كۇن بۇرىن كەرى شاقىرىپ الىنعان جاپونيانىڭ قىتايداعى ەلشىسى ۋيتيرو يۆا كەشە پەكينگە قايتىپ ورالدى. جاپونيا باق-تارىنىڭ دەرەكتەرىنە قاراعاندا, كەرى شاقىرىپ الۋعا شىعىس-قىتاي تەڭىزىندەگى تالاس تۋدىرىپ وتىرعان ارالدار توڭىرەگىندەگى كيكىلجىڭ سەبەپ بولعان.
ö يتاليانىڭ بۇرىنعى پرەمەر-ءمينيسترى سيلۆيو بەرلۋسكونيدىڭ «بوستاندىق حالقى» پارتياسى جاقىن ۋاقىتتاردا اتىن وزگەرتىپ, ساياساتكەردىڭ العاشقى پارتياسىنىڭ اتىمەن «العا, يتاليا!» دەپ اتالاتىن بولادى. بۇل جونىندە بەرلۋسكوني نەمىستىڭ Bild گازەتىنە سۇحباتىندا ايتقان.
ö ۇندىستان ءوزىنىڭ العاشقى ۇشاق تاسۋشى كەمەسىنىڭ قۇرىلىسىن جوسپارداعىدان ءۇش جىل كەيىن اياقتايتىن بولىپ وتىر. ءسويتىپ, «ۆيكرانت» دەپ اتالاتىن ۇشاق تاسۋشى كەمە 2017 جىلدان ەرتە دايىن بولمايدى. ول 2009 جىلدىڭ اقپانىندا سالىنا باستاعان ەدى. قۇنى – 12,6 ملرد. رۋپي (592 ملن. دوللار).
ö يزرايل تۇرمەسىندەگى پالەستينالىقتارعا سوڭعى بەس جىلدا العاش رەت تۋعان-تۋىسقاندارى جىبەرىلەتىن بولدى. وسىلايشا يزرايل تۇتقىنداعىلاردىڭ اشتىق جاريالاۋلارىنا سەبەپ بولعان شارتتاردىڭ بىرەۋىن ورىندادى. كەشە ەرتەڭگىسىن 40 پالەستينالىقتىڭ 24-ءى وتباسى مۇشەلەرىمەن قاۋىشىپ, ءبىر جاساپ قالدى.
ينتەرنەت ماتەريالدارى نەگىزىندە ازىرلەندى.
