شاراينا
سەنبى, 16 ماۋسىم 2012 7:11
«مۇسىلمان-باۋىرلار» ەسكەرتۋ جاسادى
ەگيپەتتە «مۇسىلمان-باۋىرلار» قوزعالىسى كونستيتۋتسيالىقسوتتىڭ پارلامەنتتىڭ زاڭسىزدىعى تۋرالى شەشىمىنە بايلانىستىقاۋىپ تۋىندايتىنىن ەسكەرتتى.
ايتا كەتۋ كەرەك, پارلامەنتتە يسلاميستىك پارتيالار وكىلدەرى كوپشىلىك ورىنعا يە بولعان ەدى. سونىمەن بىرگە, ءبۇكىل قۇرامىن ەلدىڭ ەكس-پرەزيدەنتى حوسني مۇباراك تاعايىنداعان سوت تا مۇباراك ۇكىمەتىنىڭ بۇرىنعى پرەمەر-مينيسترى احمەد شافيكتىڭ پرەزيدەنتتىك سايلاۋعا قاتىسۋىنىڭ زاڭدىلىعىن راستادى. شەشىم ەكىنشى تۋرعا بىرنەشە كۇن عانا قالعاندا حابارلانىپ وتىر. وندا شافيك «مۇسىلمان-باۋىرلار» وكىلى مۋحاممەد مۋرسيمەن باسەكەگە ءتۇسۋى ءتيىس.
سەنبى, 16 ماۋسىم 2012 7:11
«مۇسىلمان-باۋىرلار» ەسكەرتۋ جاسادى
ەگيپەتتە «مۇسىلمان-باۋىرلار» قوزعالىسى كونستيتۋتسيالىقسوتتىڭ پارلامەنتتىڭ زاڭسىزدىعى تۋرالى شەشىمىنە بايلانىستىقاۋىپ تۋىندايتىنىن ەسكەرتتى.
ايتا كەتۋ كەرەك, پارلامەنتتە يسلاميستىك پارتيالار وكىلدەرى كوپشىلىك ورىنعا يە بولعان ەدى. سونىمەن بىرگە, ءبۇكىل قۇرامىن ەلدىڭ ەكس-پرەزيدەنتى حوسني مۇباراك تاعايىنداعان سوت تا مۇباراك ۇكىمەتىنىڭ بۇرىنعى پرەمەر-مينيسترى احمەد شافيكتىڭ پرەزيدەنتتىك سايلاۋعا قاتىسۋىنىڭ زاڭدىلىعىن راستادى. شەشىم ەكىنشى تۋرعا بىرنەشە كۇن عانا قالعاندا حابارلانىپ وتىر. وندا شافيك «مۇسىلمان-باۋىرلار» وكىلى مۋحاممەد مۋرسيمەن باسەكەگە ءتۇسۋى ءتيىس.
230 جىلعا سوتتالۋى مۇمكىن
امەريكالىق پروكۋرورلار قارجى پيراميداسىن قۇردى دەپ ايىپتالعانقارجىگەر اللەن ستەنفورد ءۇشىن 250 جىلعا باس بوستاندىعىنان ايىرۋجازاسىن سۇراپ وتىر.
بۇل ايىپتاۋ جاعى تالاپ ەتە الاتىن ءمۇمكىن دەگەن ەڭ ۇلكەن مەرزىم. وتكەن بەيسەنبىدە تەحاس شتاتىنداعى حيۋستوننىڭ فەدەرالدىق سوتى بۇكىل امەريكا بويىنشا سالىمشىلاردى 7 ميللياردتان استام دوللارعا الداپ كەتكەن بۇرىنعى ميللياردەر جانە قارجىگەرگە ۇكىم شىعاردى. ناۋرىز ايىندا ستەنفورد ايىپتاۋلاردىڭ 13-بابى بويىنشا كىنالى دەپ تانىلعان بولاتىن. ولاردىڭ قاتارىندا قارجى پيراميداسىن قۇرۋ, ءىرى مولشەردەگى الاياقتىق جانە لاس اقشالاردى كادەلەۋ سياقتى قىلمىستار بار.
تىكۇشاق بەرگەن جوقپىز دەپ اقتالۋدا
باتىس مەملەكەتتەرى رەسەيدى سيرياعا قاتىستى نەعۇرلىم قاتاڭىراقءىس-قيمىلدارعا بارۋ قاجەتتىگىنە سەندىرۋگە تىرىسۋدا.
رەسەي سىرتقى ساياسات ۆەدومستۆوسى باشار رەجىمىنە نارازى ەرەۋىلشىلەر مەن ۇكىمەتتىك اسكەرلەر اراسىندا جىلدان استام ۋاقىتتان بەرى قارۋلى قاقتىعىستار ءجۇرىپ جاتقان سيرياعا ماسكەۋدىڭ سوعىس تىكۇشاقتارىن جەتكىزىپ بەرمەيتىندىگىن تاعى دا مالىمدەپ وتىر. ديپلوماتتار رەسەيدىڭ سيرياعا بۇدان كوپتەگەن جىلدار بۇرىن ساتىلعان تىكۇشاقتارعا جوندەۋ ءجۇرگىزگەنىن ايتىپ اقتالۋدا. سىرتقى ىستەر مينيسترلىگىنىڭ ءمالىمدەۋىنشە, سيريامەن قىزمەتتەستىك قورعانىس قارۋ-جاراعىن بەرۋمەن عانا شەكتەلۋدە.
ءىستى قايتا قاراۋدان باس تارتتى
ۇلىبريتانيانىڭ جوعارعى سوتى اسساندجدىڭ ءىسىن قايتا قاراۋدان باستارتىپ, ونى ەكستراديتسيالاۋ تۋرالى شەءشىمدى بەكىتتى.
وسىدان ەكى اپتا بۇرىن بريتانيانىڭ ەڭ جوعارعى سوت ينستانتسياسى اسساندجدىڭ ءوزىن تۇتقىنداۋ تۋرالى ەۋروپالىق وردەردىڭ كۇشىنىڭ جۇرمەيتىندىگى تۋرالى قولحاتىن كەرى قايتارعان بولاتىن. سوت جۋرناليسكە ەكى اپتا ۋاقىت بەردى. ودان كەيىن وعان قاتىستى ەكستراديتسيالاۋ پروتسەسى باستالادى. ون كۇن ىشىندە اسساندج شۆەتسيانىڭ قۇقىق قورعاۋ ورگاندارىنا تابىس ەتىلۋى ءتيىس. دەگەنمەن, ايىپتالۋشىنىڭ ادۆوكاتتارى وسىدان ءسال بۇرىن وزدەرىنىڭ ادام قۇقىقتارى جونىندەگى ەۋروپالىق سوتقا شاعىمدانۋعا دايىن ەكەندىكتەرىن حابارلاعان بولاتىن.
سيريادا تەررورشى تۇتقىندالدى
سيريا قاۋىپسىزدىك كۇشتەرى داماسكىدە بومبا جارماق بولعان جانكەشتى-تەررورشى مۋحاممەد حاسسام اس-ساداكيدى تۇتقىندادى.
ءمالىم بولعانىنداي «ءال-كايدامەن» بايلانىسى بار «دجابحات ان-ناسرا» توبىنىڭ مۇشەسى 15 ماۋسىم كۇنى جۇما نامازى كەزىندە ءوزىن ار-ريفاي مەشىتىنىڭ ىشىندە جارىپ جىبەرمەك بولعان. ول داماسكىنىڭ بىرقاتار مەشىتتەرىندە تەررورلىق اكت جاساۋعا دايىندالىپ جاتقان وزىنەن باسقا دا جانكەشتىلەردىڭ بار ەكەنىن حابارلاعان. وسىنىڭ الدىندا عانا سيريانىڭ بۇۇ-داعى وكىلىنىڭ سيرياداعى جاپپاي كىسى ءولتىرۋلەرگە تەررورشىلاردىڭ كىنالى ەكەنىن ايتقانىن دا ەسكە سالا كەتۋ قاجەت.
لاڭكەستەرمەن كۇرەس افريكاعا اۋىستى
اقش-تىڭ «ءال-كايدا» تەررورلىق توبىمەن سوعىسى ەندىگى جەردە جاڭا قۇرلىققا كوشىپ وتىر.
بۇدان بىلاي افريكادا دا ارنايى وپەراتسيالار جۇرگىزىلەتىن بولادى. «ۆاشينگتون پوست» گازەتى جۋرناليستەرىنىڭ مالىمەتتەرىنشە اقش افريكادا وننان استام شاعىن اۆيابازالار جابدىقتاپ, ولاردا بىرنەشە ۇشاتىن بارلاۋشى اپپاراتتار ورنالاستىرعان. سوڭعى ايلارى وسىنداي ۇشاقتاردىڭ كومەگىمەن جۇزەگە اسىراتىن «كولەڭكەلى وپەراتسيالار» سانى كوبەيە تۇسكەن كورىنەدى. اقش-تىڭ افريكاداعى شەشۋشى «كولەڭكەلى» بازاسىنىڭ بۋركينا-فاسو استاناسى – ۋاگادۋگۋ اۋەجايىنا جاقىن جەردە ورنالاسقانى دا بەلگىلى بولىپ وتىر.
17 جىلدان سوڭ قولعا ءتۇستى
جاپون پوليتسياسى وسىدان 17 جىل بۇرىن توكيو مەتروسىندا ۋ شاشقان «اۋم سينريكە» ءدىني سەكتاسىنىڭ ىسىنە قاتىستى سوڭعى كۇدىكتىنى تۇتقىندادى.
قاماۋعا الىنعان كاتسۋيا تاكاحاسي گاز شابۋىلىنا تىكەلەي قاتىسىپ, ۇيىمعا ۇنامايدى دەپ سانالعان بىرنەشە ادامدى ولتىرگەن كورىنەدى. تاكاحاسيدىڭ ەكسترەميستىك سەكتاعا ول قۇرىلعان كۇنىنەن باستاپ مۇشە بولعانى, سونىمەن بىرگە, كۇزەت جانە بارلاۋ بولىمىندە قىزمەت اتقارعانى بەلگىلى بولىپ وتىر. تەرگەۋشىلەردىڭ بولجامى بويىنشا قىلمىسكەردىڭ 1995 جىلى توكيو مەتروسىندا ورىن العان تەررورلىق اكتىنى ۇيىمداستىرۋعا تىكەلەي قاتىسى بار.
ينتەرنەت ماتەريالدارى نەگىزىندە ازىرلەندى.
