ۇمىتكەرلەر سانى ازايدى
بەيسەنبى, 19 ءساۋىر 2012 7:43
ەگيپەتتىڭ ورتالىق سايلاۋ كوميسسياسى الداعى وتەتىن پرەزيدەنتتىك سايلاۋ دوداسىنان «مۇسىلمان باۋىرلار» يسلاميستىك قوزعالىسىنىڭ ۇمىتكەرى حايرات اش-شاتىردى, راديكالدى سالافيتتىك باعىتتى ناسيحاتتاۋشى حازەم سالاح ابۋ يسمايلدى جانە مۇباراك بيلىگى كەزىندە ارنايى قىزمەتتىڭ باسشىسى بولعان ومار سۋلەيماندى شىعارىپ تاستادى.
بەيسەنبى, 19 ءساۋىر 2012 7:43
ەگيپەتتىڭ ورتالىق سايلاۋ كوميسسياسى الداعى وتەتىن پرەزيدەنتتىك سايلاۋ دوداسىنان «مۇسىلمان باۋىرلار» يسلاميستىك قوزعالىسىنىڭ ۇمىتكەرى حايرات اش-شاتىردى, راديكالدى سالافيتتىك باعىتتى ناسيحاتتاۋشى حازەم سالاح ابۋ يسمايلدى جانە مۇباراك بيلىگى كەزىندە ارنايى قىزمەتتىڭ باسشىسى بولعان ومار سۋلەيماندى شىعارىپ تاستادى.
بۇدان باسقا سايلاۋ دوداسىنان تاعى 7 ادام شەتتەتىلدى. وسىلايشا ۇستىمىزدەگى جىلدىڭ 23-24 مامىرىنا جوسپارلانىپ وتىرعان پرەزيدەنتتىك سايلاۋعا 23 ساياساتكەردىڭ 10-ى شىعىپ قالدى. ءبىرىنشى, نە ەكىنشى ورىندى يەلەنۋدەن ءۇمىتتى اش-شاتىر بەس رەت تۇرمەدە وتىرعان ەكەن. ال ەگيپەتتىك زاڭنامادا سوتتالعان ادامنىڭ مەملەكەتتىك لاۋازىمدى يەمدەنۋگە قۇقى جوق.
ەۋروايماق جاپونيا ءۇشىن دە ماڭىزدى
جاپونيانىڭ قارجى ءمينيسترى دزيۋن ادزۋمي ءوز ەلىنىڭ ەۋروپاداعى نەسيەلىك داعدارىستىڭ كەڭ ەتەك جايىپ كەتپەۋىمەن كۇرەسۋ ءۇشىن حالىقارالىق ۆاليۋتا قورىنا 60 ميلليارد دوللار بەرەتىنىن ءمالىم ەتكەن. بۇل جونىندە NHK تەلەارناسى ءمالىم ەتتى.
قازىرگى كەزدە جاپونيا ەۋروايماققا جاتپايتىن G20 ەلدەرىنىڭ اراسىندا مۇنداي قادامعا بارعان ءبىرىنشى ەل بولىپ وتىر. ءادزۋميدىڭ سوزىنە قاراعاندا, حۆق نەسيەلىك قابىلەتتىلىگى جاپونيا مەن ازيا ءۇشىن عانا ەمەس, سونداي-اق ەۋروايماق ەلدەرى ءۇشىن دە ماڭىزدى. جاپونيا وزگە ەلدەر دە وسىنداي قادامعا بارادى دەگەن ۇمىتتە ەكەندىكتەرىن جاسىرمادى.
ۆەنەسۋەلا يرانعا مۇناي ساتپايدى
ۆەنەسۋەلا وتكەن جىلدىڭ سوڭى مەن اعىمداعى جىلدىڭ باسىندا سيريا ءوتىنىشى بويىنشا وسى ەلگە 600 مىڭ باررەل ديزەل وتىنىن جونەلتكەنى بەلگىلى بولىپ وتىر. ەگەر تاعى ءوتىنىش تۇسسە, ۆەنەسۋەلانىڭ مۇناي ءمينيسترى ونى دا قاناعاتتاندىراتىندىقتارىن جەتكىزدى.
الايدا مينيستر يرانعا مۇناي جونەلتىلمەگەندىگىن جانە ونداي ويدىڭ جوسپاردا دا جوقتىعىن العا تارتقان. قازىرگى كەزدە اقش جانە بىرقاتار باتىس ەلدەرى يران بەيبىت اتوم باعدارلاماسى اياسىندا جاسىرىن يادرولىق قارۋ جاساۋدا دەپ ايىپتاپ وتىرعان جايى بار. وسى ەلگە بۇۇ قاۋىپسىزدىك كەڭەسىنىڭ ءتورت قارارى قابىلدانعان بولاتىن.
اۋعانستان 2 ميلليارد دوللار سۇرادى
اۋعانستان پرەزيدەنتى حاميد كارزاي ۇستىمىزدەگى جىلدىڭ 17 ساۋىرىندە ەگەر اقش ەل اۋماعىن تاستاپ شىعاتىن بولسا, وندا وسى ەلدىڭ وكىمەتىنە جىل سايىن كەم دەگەندە 2 ميلليارد دوللار تولەۋى ءتيىس دەپ مالىمدەگەن.
ەلدىڭ باسشىسى كابۋلداعى ۋنيۆەرسيتەتتە سويلەگەن سوزىندە بىلاي دەدى: «ولار اقشا بەرەمىز دەيدى, بىراق كولەمىن ايتپايدى. ءبىز ازعا دا كەلىسەمىز, بىراق تا ول كەلىسىم-شارتتا كورىنىس تابۋى ءتيىس». كەيبىر كونگرەسسمەندەر امەريكالىق قارجىنىڭ اۋعانستاندا قولدى بولىپ جاتقانىن ايتادى. سوعان قاراعاندا, بۇل ماسەلەنىڭ شەشىمى قيىنعا سوققالى تۇر.
ايەلى ارقىلى ىقپال ەتۋدى ويلاپتى
بۇۇ جانىنداعى گەرمانيا مەن ۇلىبريتانيا وكىلدەرىنىڭ جۇبايلارى سيريا پرەزيدەنتى باشار اسادتىڭ زايىبى اسماعا بەينەۇندەۋ جولداپ, وندا «كۇيەۋى مەن ونىڭ جاقتاستارىن توقتاتۋعا» شاقىرىپتى. سوعىستا جۇزدەگەن بالا مەن 9 مىڭعا تارتا ەرەسەك جاندار كوز جۇمعان.
ولار ءوز بەينەۇندەۋلەرىندە «كەيبىر ايەلدەرگە وزدەرىنىڭ ءستيلى, كەيبىرۋلەرگە ءوز حالقىنا دەگەن قامقورلىق ماڭىزدى» دەپ مالىمدەي وتىرىپ, اسما اساد پەن قولىنا بالاسىن ۇستاعان سيريالىق ايەلدەردىڭ جاعدايىن كورسەتكەن كادرلاردى بەرگەن. اسما فاۆاز ال-احراس ۇلىبريتانيادا تۋىپ, ۇزاق جىلدار وسىندا تۇرعان. تەك 2000 جىلى باشار اسادقا تۇرمىسقا شىعىپتى.
ۇلتشىلدار ميتينگ وتكىزدى
ۋكراينانىڭ «سۆوبودا» ۇلتتىق پارتياسى زاپوروجەدە ۋكراينا حالىقتىق رەسپۋبليكاسى اسكەرىنىڭ 1918 جىلدىڭ ساۋىرىندە قالانى «قىزىل جاۋلاپ الۋشىلاردان» ازات ەتۋگە ارنالعان سالتاناتتى ميتينگ وتكىزدى.
پارتيانىڭ جەرگىلىكتى بولىمشەسىنىڭ باسشىسى ۆيتالي پودلوبنيكوۆ اتالعان شارادا سويلەگەن سوزىندە زاپوروجەنى جاۋدان ازات ەتۋ باتىس پەن شىعىس ۋكراينا بىرىگۋىنىڭ مىسالى بولدى دەگەندى باسا ايتقان. ۇلتشىلداردىڭ مالىمدەۋىنشە, وسى ەلدىڭ ءاربىر وڭىرىنەن كەلگەن اسكەريلەر «كوممۋنو-موسكوۆسكۋيۋ وردۋ» دەپ اتاپ كەتكەن جاۋلارىنان قالانى ازات ەتىپتى.
گانديدىڭ زاتتارى ساتىلدى
انگليانىڭ شروپشير گرافتىعىندا وتكەن اۋكتسيوندا ماحاتما گانديگە قاستاندىق جاسالعان جەردە ونىڭ قانى تامعان ءبىر ۋىس توپىراق پەن شوپتەسىن £10 مىڭعا, ال ول تاعىپ جۇرگەن اتاقتى دومالاق لينزالى كوزىلدىرىگى £34 مىڭعا ساتىلىپتى.
ماحاتما گاندي 1948 جىلى 30 قاڭتاردا قۇلشىلىق ەتۋگە بارۋ ءۇشىن ۇيىنەن شىققان كەزدە ولتىرىلگەنى بەلگىلى. گانديدى ۇستازىم دەپ قابىلدايتىن قاۋىم ونىڭ اياعىنا جىعىلماق بولعان ءساتتى پايدالانعان ناتحۋرام گودزە دەگەن ادام وعان قاراي ءۇش رەت وق اتقان. سول جەردە ماحاتما ماڭگىلىككە كوز جۇمعان. Mullock’s اۋكتسيوندىق ءۇيى وتكىزگەن ساۋدادا 100 مىڭ كوللەكتسيا ساتىلىپتى.
ەكى جاق تا كەلىسىمگە مۇددەلى
اتاقتى Apple جانە Samsung كومپانيالارىنىڭ باسشىلارى ءوزارا پاتەنتتىك داۋلى ماسەلەلەرىن شەشۋ ءۇشىن كەزدەسۋگە ۋاعدالاستى. قازىر بۇل داۋلى ماسەلە كاليفورنيالىق سوتتا قارالىپ جاتقانى بەلگىلى.
ەكى كومپانيا دا ءبىر-بىرىنە سمارتفوندار مەن پلانشەتتى كومپيۋتەرلەردە پايدالانىلاتىن تەحنولوگيالاردى ۇرلادى دەگەن ايىپتار تاعىپ, سوتقا جۇگىنگەن-ءدى. وتكەن جىلدىڭ جەلتوقسانىندا سوت اقش اۋماعىندا Galaxy سمارتفوندارى مەن Samsung پلانشەتتەرىن ساتۋعا تىيىم سالۋ تۋرالى Apple كومپانياسىنىڭ شاعىمىن قاناعاتتاندىرماي تاستاعان.
ينتەرنەت ماتەريالدارى نەگىزىندە ازىرلەندى.
