سۋديا ىستەن شەتتەتىلدى
سارسەنبى, 18 ءساۋىر 2012 8:02
«نورۆەگيالىق اتقىشتىڭ» پروتسەسىندەگى 6 سۋديانىڭ ءبىرى توماس يندەربيۋوتكەن جىلى ءوزىنىڭ برەيۆيكتى ءولىم جازاسىنا كەسۋگە شاقىرعانىنمويىندادى.
وسىدان كەيىن ول سوتتىڭ شەشىمىمەن پروتسەستەن كەتۋگە ءماجبۇر بولدى. اندەرس برەيۆيكتى ءولىم جازاسىنا كەسۋ تۋرالى ۇندەۋ «ۆەردەنسگانگ» باسىلىمىندا جاريالانعان بولاتىن. بۇل جاعدايداعى ەڭ وبەكتيۆتى جانە ءادىل ۇكىم ءولىم جازاسى دەپ جازعان ەكەن سۋديا وتكەن جىلدىڭ 22 شىلدەسىندە, ياعني تەررورلىق اكت ورىن العاننان سوڭعى ەكىنشى كۇنى. ماسەلەنىڭ انىق-قانىعىن تەرگەۋ انىقتايتىن بولادى.
سارسەنبى, 18 ءساۋىر 2012 8:02
«نورۆەگيالىق اتقىشتىڭ» پروتسەسىندەگى 6 سۋديانىڭ ءبىرى توماس يندەربيۋوتكەن جىلى ءوزىنىڭ برەيۆيكتى ءولىم جازاسىنا كەسۋگە شاقىرعانىنمويىندادى.
وسىدان كەيىن ول سوتتىڭ شەشىمىمەن پروتسەستەن كەتۋگە ءماجبۇر بولدى. اندەرس برەيۆيكتى ءولىم جازاسىنا كەسۋ تۋرالى ۇندەۋ «ۆەردەنسگانگ» باسىلىمىندا جاريالانعان بولاتىن. بۇل جاعدايداعى ەڭ وبەكتيۆتى جانە ءادىل ۇكىم ءولىم جازاسى دەپ جازعان ەكەن سۋديا وتكەن جىلدىڭ 22 شىلدەسىندە, ياعني تەررورلىق اكت ورىن العاننان سوڭعى ەكىنشى كۇنى. ماسەلەنىڭ انىق-قانىعىن تەرگەۋ انىقتايتىن بولادى.
وپپوزيتسيا كەپىلدىك تالاپ ەتۋدە
سيريالىق وپپوزيتسيا باشار اسادتىڭ رەجىمىنە سەنىم كورسەتپەي وتىر.
ولاردىڭ ايتۋلارىنشا, تەك بەلگىلى ءبىر كەپىلدىكتەر بولعان جاعدايدا عانا داماسكىمەن كەلىسسوزدەرگە بارۋعا بولادى. رەجىم سەنىمىن جوعالتتى. سيريالىق ءۇنقاتىسۋعا بۇۇ, اراب مەملەكەتتەرى ليگاسى جانە ەۋرووداق سياقتى كۇشتى دە ىقپالدى كەپىلدەر قاجەت, دەپ مالىمدەگەن سيريانىڭ ۇلتتىق ۇيلەستىرۋ كوميتەتىنىڭ وكىلى حاسان ابدۋل ءال-ازيم. ونىڭ ايتۋىنشا, بۇۇ مەن اراب مەملەكەتتەرى ليگاسىنىڭ ارنايى ەلشىسى كوفي انناننىڭ جوسپارى داعدارىستى بەيبىت رەتتەۋ ءۇشىن ەڭ سوڭعى مۇمكىندىك بولىپ تابىلادى.
سولتۇستىك كورەياعا ەسكەرتۋ
بۇۇ قاۋىپسىزدىك كەڭەسى كحدر-دىڭ زىمىران ۇشىرۋىن قاتاڭ ايىپتادى.
بۇۇ قاۋىپسىزدىك كەڭەسى كحدر ودان ءارى زىمىران ۇشىرعان جانە يادرولىق سىناقتار جاساعان جاعدايدا ءتيىستى شارالار قابىلداۋعا دايىن, دەپ مالىمدەگەن اقش-تىڭ بۇۇ جانىنداعى تۇراقتى وكىلى سيۋزان رايس. 13 ساۋىردەگى زىمىران ۇشىرىلۋى, ول ءۇشىن بالليستيكالىق زىمىران تەحنولوگياسى قولدانىلاتىندىقتان, قاۋىپسىزدىك كەڭەسىنىڭ قارارلارىن ەلەۋلى تۇردە بۇزۋ بولىپ تابىلادى دەلىنگەن جوعارىدا اتالعان مالىمدەمەدە.
تاعى دا جەر سىلكىندى
كەشە يندونەزيانىڭ سۋماترا ارالىنىڭ جاعالاۋىندا وتە كۇشتى جەرسىلكىنىسى بولدى.
اقش-تىڭ گەولوگيالىق قىزمەتىنىڭ حابارلاۋىنا قاراعاندا, ءزىلزالانىڭ كۇشى 5,1 بالدى قۇراعان. جەر سىلكىنىسىنىڭ كىندىگى باندا-اچەح پروۆينتسياسىنىڭ استاناسى اچەح قالاسىنان وڭتۇستىك-باتىسقا قاراي 80 شاقىرىم جەردە, 42 شاقىرىم تەرەڭدىكتە بولعان كورىنەدى. قيراعان عيماراتتار تۋرالى ازىرگە مالىمەتتەر جوق. دەگەنمەن, جەر سىلكىنىسىنىڭ ءوزى-اق قالادا ايتارلىقتاي دۇربەلەڭ تۋعىزعان كورىنەدى.
پينگۆين تىستەپ الدى
رەسپۋبليكالىق پارتيا اتىنان اقش پرەزيدەنتتىگىنەن ۇمىتكەر نيۋتگينگريچكە حايۋاناتتار باعىن ارالاپ جۇرگەن كەزدە پينگۆين شابۋىلجاساعان كورىنەدى.
وقيعا گينگريچ ءوزىنىڭ سايلاۋالدى ناۋقانى شەڭبەرىندە كەلگەن ميسسۋري شتاتىنىڭ سەنت-لۋيس قالاسىندا ورىن العان. اقش-تىڭ ۇلتتىق اتقىشتار اسسوتسياتسياسى وكىلدەرىمەن جوسپارلانعان كەزدەسۋ الدىندا كانديدات جەرگىلىكتى حايۋاناتتار باعىن قىزىقتاماق بولىپ شەشەدى. جىرتقىش اڭدار مەن قولتىراۋىندار تۇراتىن تەرراريۋمنەن امان-ەسەن وتكەن 68 جاستاعى ساياساتكەردىڭ ساۋساعىن ماگەللان پينگۆينى تىستەپ العان كورىنەدى. سول جەردە جاراقاتتى جابىسقاق داكەمەن تاڭىپ تاستاۋعا تۋرا كەلىپتى.
ورتاق كەلىسىمگە كەلدى
ليۆيانىڭ وتپەلى ۇلتتىق كەڭەسىنىڭ باسشىسى مۋستافا ابدەل جاليل الجير باسشىلىعىمەن, ونىڭ ىشىندە پرەزيدەنت ابدەلازيز بۋتەفليكپەن كەلىسسوز جۇرگىزگەن.
الجير وكىمەتى وتپەلى ۇلتتىق كەڭەس باسشىسىن دجاماحيريانىڭ بۇرىنعى كوسەمى مۋامار كاددافيدىڭ وسى ەلدە جۇرگەن وتباسى مۇشەلەرى ليۆياعا قاۋىپ توندىرمەيدى دەپ سەندىرگەن. ۇلتتىق كەڭەس جەتەكشىسىنىڭ ايتۋىنشا, تاراپتار الجير اۋماعىندا ليۆيا ءۇشىن قاتەر توندىرەتىندەي ەشتەڭەنىڭ بولمايتىندىعى جونىندەگى ۋاعدالاستىققا قول جەتكىزگەن. الجير مەن ليۆيا باسشىلارى ءوز شەكارالارىن قورعاۋ جانە تەرروريزممەن كۇرەس ىسىندە ءوزارا بىرلەسە قيمىلداۋعا دايىن ەكەندىكتەرىن مالىمدەگەن.
سايلاۋعا ساناۋلى كۇن قالدى
فرانتسياداعى پرەزيدەنت سايلاۋىنىڭ ءبىرىنشى تۋرىنا دەيىن ساناۋلى-اق كۇن قالدى.
الەۋمەتتىك سۇراۋ سالۋلاردىڭ سوڭعى مالىمەتتەرى بويىنشا, 10 كانديداتتىڭ تەك بەسەۋى عانا 10 پايىزدىق كەدەرگىدەن وتە الادى. ولار – ەلدىڭ قازىرگى پرەزيدەنتى نيكوليا ساركوزي مەن فرانسۋا وللاند, سول سياقتى مارين لە پەن, جان-ليۋك مەلانشون جانە فرانسۋا بايرۋ. ەكىنشى تۋرعا ۇمىتكەرلەردىڭ تەك ەكەۋىنىڭ عانا – قازىرگى پرەزيدەنت پەن ونىڭ ەڭ باستى قارسىلاسى – سوتسياليست وللاندتىڭ قالاتىنىنا بۇگىندە ەشكىمنىڭ دە كۇمانى جوق.
شەتەلدەردەن بايىتىلعان ۋران سۇرايدى
يراننىڭ سىرتقى ىستەر ءمينيسترى اكبار سالەحي ەگەر شەت مەملەكەتتەر يرانعا جوعارى دارەجەدەگى تازالىقتاعى وتىندىق بايىتىلعان ۋران بەرەر بولسا, وزدەرىنىڭ قازىرگى شەشىمىن وزگەرتۋى مۇمكىن ەكەنىن حابارلاعان.
يرانداعى ستۋدەنتتەر اقپاراتتىق اگەنتتىگىنىڭ ا.سالەحيدىڭ سوزىنە سىلتەمە جاساي وتىرىپ حابارلاۋىنا قاراعاندا, ەل رەاكتورلارى ءۇشىن 20 پايىز تازالىقتاعى بايىتىلعان ۋران ءوندىرۋگە يراننىڭ تولىق قۇقى بار. سونىمەن بىرگە, ا.سالەحي باتىس ەلدەرىن يراننىڭ يادرولىق پروبلەماسىنا قاتىستى كەلىسسوزدەردىڭ كەلەسى تۋرىنا دەيىن يرانعا قاتىستى سانكتسيانى توقتاتا تۇرۋعا شاقىرعان. ايتا كەتۋ كەرەك, اقش, ۇلىبريتانيا, فرانتسيا, رەسەي, قىتاي, گەرمانيانىڭ يرانمەن كەلىسسوزدەرىنىڭ جاڭا راۋندى 14 ساۋىردە اياقتالعان بولاتىن. كەلەسى كەزدەسۋ 23 مامىردا باعدادتا وتپەك.
ينتەرنەت ماتەريالدارى نەگىزىندە ازىرلەندى.
