سيريادا رەفەرەندۋم ءوتتى
سەيسەنبى, 28 اقپان 2012 7:26
سيريادا جاڭا كونستيتۋتسيانىڭ جوباسى بويىنشا ۇيىمداستىرىلعانرەفەرەندۋم ءوز دارەجەسىندە ءوتتى دەپ مويىندالدى.
بۇل تۋرالى وسى ەلدىڭ ىشكى ىستەر ءمينيسترى موحامماد اش-شاار حابارلاعان. ونىڭ ايتۋىنشا, ەلدىڭ كوپتەگەن اۋداندارىندا جاڭا كونستيتۋتسيانى قابىلداۋ بويىنشا داۋىس بەرۋ ۇدەرىسى قالىپتى ءوتىپ, ازاماتتار رەفەرەندۋمعا بەلسەندى قاتىسقان. ناتيجەسىندە سايلاۋشىلاردىڭ رەفەرەندۋمعا كەلۋى جەتكىلىكتى دەڭگەيدە جوعارى پايىزدى قۇراپ وتىر. رەفەرەندۋم وتكىزۋ تۋرالى باستامانى پرەزيدەنت باشار اساد كوتەرگەن بولاتىن. دەگەنمەن, وپپوزيتسيا ونى قولداماي وتىر. ال رەفەرەندۋمعا قاتىسۋشىلاردىڭ دەنى جاڭا كونستيتۋتسيا قابىلداۋدىڭ ماڭىزدىلىعىن اتاپ كورسەتۋدە.
سەيسەنبى, 28 اقپان 2012 7:26
سيريادا جاڭا كونستيتۋتسيانىڭ جوباسى بويىنشا ۇيىمداستىرىلعانرەفەرەندۋم ءوز دارەجەسىندە ءوتتى دەپ مويىندالدى.
بۇل تۋرالى وسى ەلدىڭ ىشكى ىستەر ءمينيسترى موحامماد اش-شاار حابارلاعان. ونىڭ ايتۋىنشا, ەلدىڭ كوپتەگەن اۋداندارىندا جاڭا كونستيتۋتسيانى قابىلداۋ بويىنشا داۋىس بەرۋ ۇدەرىسى قالىپتى ءوتىپ, ازاماتتار رەفەرەندۋمعا بەلسەندى قاتىسقان. ناتيجەسىندە سايلاۋشىلاردىڭ رەفەرەندۋمعا كەلۋى جەتكىلىكتى دەڭگەيدە جوعارى پايىزدى قۇراپ وتىر. رەفەرەندۋم وتكىزۋ تۋرالى باستامانى پرەزيدەنت باشار اساد كوتەرگەن بولاتىن. دەگەنمەن, وپپوزيتسيا ونى قولداماي وتىر. ال رەفەرەندۋمعا قاتىسۋشىلاردىڭ دەنى جاڭا كونستيتۋتسيا قابىلداۋدىڭ ماڭىزدىلىعىن اتاپ كورسەتۋدە.
احۋالدىڭ تىنىشتالعانىن كۇتپەك
اۋعانستاندا اقش ارمياسى اسكەري قىزمەتشىلەرىنىڭ قۇراننىڭ بىرنەشە داناسىن ورتەۋىنە بايلانىستى تۋىنداعان انتيامەريكالىق ەرەۋىلدەر توقتاماي تۇر.
«تاليبان» قوزعالىسى امەريكالىق اسكەريلەرگە قارسى بىرنەشە تەراكتىلەر ۇيىمداستىردى. ۆاشينگتون كەشىرىم سۇراپ تا قويدى, بىراق اۋعانستان پرەزيدەنتى حاميت كارزاي پەنتاگوننىڭ كىنالىلەردى جازاعا تارتۋىن تالاپ ەتۋدە. ال اقش-تىڭ كابۋلداعى ەلشىسى رايان كروكەر احۋال تىنىشتالعانعا دەيىن امەريكالىق اسكەردى اۋعانستاننان شىعارۋدى توقتاتا تۇرۋعا شاقىرىپ وتىر.
سالەحتىڭ باسقارۋ ءداۋىرى اياقتالدى
الي ابداللا سالەح پرەزيدەنتتىك وكىلەتتىكتى ءوزىنىڭ بۇرىنعى ورىنباسارى ابدۋ راببي مانسۋر حاديگە سالتاناتتى تۇردە تاپسىردى.
69 جاستاعى الي ابداللا سالەحتىڭ پرەزيدەنت لاۋازىمىنان ءوز ەركىمەن كەتپەگەنىن ەسكە سالا كەتۋ قاجەت. ول حالىقارالىق دەڭگەيدە قىسىم كورسەتۋدىڭ جانە پارسى شىعاناعىنداعى اراب ەلدەرىنىڭ ارالاسۋىنان كەيىن وسىنداي قادامعا ءماجبۇر بولىپ وتىر. 21 اقپان كۇنى يەمەندە مەرزىمىنەن بۇرىن پرەزيدەنت سايلاۋى ءوتىپ, وندا جەڭىسكە جەتكەن ابدۋ راببي مانسۋر حادي 25 اقپاندا مەملەكەتتىڭ جاڭا باسشىسى رەتىندە انت قابىلدادى.
يزرايل ازەربايجانعا قارۋ-جاراق ساتپاق
ازەربايجان 1,6 ميلليارد دوللارعا ۇشقىشسىز ۇشاتىن اپپاراتتار, اۋە جانە زىمىران شابۋىلىنا قارسى قورعانىس جۇيەسىن ساتىپ الۋ جونىندە يزرايلمەن كەلىسىمگە كەلدى.
2011 جىلدىڭ ناۋرىزىندا ازەربايجان قورعانىس مينيسترلىگى مەن ءيزرايلدىڭ Aeronautics Defense Systems كومپانياسى قۇرعان بىرلەسكەن كاسىپورىن Aerostar جانە Orbiter ۇشقىشسىز ۇشاتىن اپپاراتتار شىعارۋدى باستاعان بولاتىن. ازەربايجاندا ۇشقىشسىز ۇشاتىن اپپاراتتاردى ليتسەنزيالى تۇردە شىعارۋ ءىسى بولاشاقتا ودان ءارى ۇلعايا تۇسپەك دەگەن پىكىرلەر ايتىلۋدا.
قىرعىزستان قىر كورسەتتى
رەسەيدىڭ ورتالىق ازياداعى شەشۋشى اسكەري نىسانى – قىرعىزستانداعى اۆيابازاسىنان ايىرىلۋى مۇمكىن.
قىرعىزستان پرەزيدەنتى المازبەك اتامباەۆ ماسكەۋدى ارەندا اقىسىن تولەمەدى دەپ كىنالاپ, بازانى جابۋى مۇمكىن ەكەنىن ەسكەرتكەن. بازا رەسەيلىك گەنەراليتەتتىڭ مەنمەندىگىن عانا بەينەلەپ وتىر, ارەندا اقىسى تولەنبەيدى, ءمىندەتتەمەلەر ورىندالمايدى, دەپ تۇسىندىرگەن ول ويىن «كوممەرسانت» باسىلىمىنا بەرگەن سۇحباتىندا. ا.اتامباەۆتىڭ بۇل ارەكەتى قىرعىزستاننىڭ جاڭا باسشىلىعىنان كوپ ءۇمىت كۇتكەن ماسكەۋ ءۇشىن وتە توسىن ءجايت بولىپ وتىر. ويتكەنى, رەسەيدىڭ وسى ەلدەگى وزگە دە مۇددەلەرىنە قاۋىپ تونۋدە.
بىرلەسكەن اسكەري جاتتىعۋلار باستالدى
وڭتۇستىك كورەيا مەن اقش كەشە جىل سايىنعى كەڭ اۋقىمدى اسكەري جاتتىعۋلارىن باستادى.
200 مىڭ وڭتۇستىككورەيالىق جانە 2000-نان اساتىن امەريكالىق اسكەري قىزمەتشىلەردىڭ قاتىسۋىمەن وتەتىن جاتتىعۋلار 30 ساۋىرگە دەيىن جالعاسپاق. وڭتۇستىك كورەيا مەن اقش-تىڭ مۇنداي ءىس-ارەكەتى قحدر تاراپىنان تەرىس رەاكتسيا تۋعىزىپ وتىر. رەسمي پحەنيان جاتتىعۋلاردى «ءۇنسىز سوعىس جاريالاۋ» دەپ اتاسا, سولتۇستىك كورەيا كوسەمى كيم چەن ىن وڭتۇستىك كورەيامەن شەكاراداعى اسكەري بازادا بولىپ, شەكارا بۇزىلعان جاعدايدا قۋاتتى سوققى بەرۋ جونىندە بۇيرىق بەرگەن.
«كولەڭكەلى» حاتتار جاريالانۋدا
WikiLeaks پورتالى امەريكالىق Stratfor بارلاۋ-ساراپتاۋ كومپانياسىنىڭ ەلەكتروندى حاتتارىن جاريالاۋدى باستادى.
WikiLeaks مالىمەتتەرىنە سايكەس, 2004-2011 جىلدارداعى حابارلاردا Stratfor-دىڭ تىڭشىلارى, تولەماقى جۇيەسى جانە جۇمىستاعى پسيحولوگيالىق ءادىس-تاسىلدەر تۋرالى اقپاراتتار بار. حاتتاردا سونداي-اق بيزنەسمەندەردەن, ساياساتكەرلەردەن نەمەسە شەنەۋنىكتەردەن الىنعان تاپسىرىستاردىڭ «وڭدەۋ» ءۇشىن جەكە ادامدارعا جەتكەنگە دەيىنگى تىزبەكتەرى دە كورسەتىلگەن. سول سياقتى حاتتاردىڭ ءبىر بولىگىندە سايتقا جانە ونىڭ نەگىزىن قالاۋشى دجۋليان اسساندجعا اقش ۇكىمەتىنىڭ شابۋىل جاساۋعا تالپىنىسى دا كورىنىس تاپقان.
تەمىر جولداعى اپات
26 اقپان كۇنى كانادادا ءىرى تەمىر جول اپاتى ورىن الدى.
كانادانىڭ بەرلينگتون قالاسىنىڭ ماڭايىندا نياگارا-فولزدان تورونتوعا بارا جاتقان پويىزدىڭ ەكى ۆاگونى رەلستەن شىعىپ كەتكەن. پويىزدا 75 ادام بولعان كورىنەدى. ورىن العان توتەنشە جاعداي سالدارىنان تەمىر جولدا جۇمىس ىستەيتىن ءۇش ادام قازا تاپقان. ال جولاۋشىلار ءتۇرلى دارەجەدەگى دەنە جاراقاتتارىن العان. ولاردىڭ ءبىر بولىگى ءالى دە مايىسىپ قالعان ۆاگونداردىڭ ىشىندە قاماۋدا وتىر. قۇتقارۋشىلار بولسا, ادامداردى ارنايى تەحنيكانىڭ كومەگىمەن بوساتىپ الۋعا تالپىنۋدا.
بەيبىت اتومعا اركىم دە قۇقىلى
يرانمەن كەلىسسوز جۇرگىزىپ جاتقان ەلدەر تەھراننىڭ يادرولىق ەنەرگيانى بەيبىت ماقساتتا پايدالانۋ قۇقىن بەكىتۋى ءتيىس.
رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆ ءباسپاسوز ءماسليحاتىندا وسىنداي پىكىر بىلدىرگەن. يراننىڭ ماگاتە تاراپىنان تۋىنداعان بارلىق ماسەلەلەردى جاپقانىن بارشا دا سىنىققا سىلتاۋ ىزدەمەي مويىنداۋى ءتيىس. سونىمەن بىرگە ول يادرولىق قارۋدى تاراتپاۋ جونىندەگى كەلىسىمگە مۇشە ەلدەرگە قاتىستى قۇقىقتاردىڭ ءبارىنىڭ, سونىڭ ىشىندە يادرولىق وتىن ءوندىرۋ ءۇشىن ۋراندى بايىتۋ قۇقى دا بار, يرانعا دا قاتىستى ەكەنىن اتاپ كورسەتكەن رەسەيلىك مينيستر.
ينتەرنەت ماتەريالدارى نەگىزىندە ازىرلەندى.
