سيريا داعدارىسىن رەتتەۋگە جىبەرىلدى
سەنبى, 25 اقپان 2012 7:44
بۇۇ سيرياداعى داعدارىستى رەتتەۋگە ۇيىمنىڭ بۇرىنعى باس حاتشىسى كوفي انناندى جىبەردى. ول بۇۇ مەن اراب مەملەكەتتەرى ليگاسىنىڭ ارنايى وكىلى رەتىندە سيريا باسشىلىعى مەن وپپوزيتسياسى اراسىنداعى جانجالدى بەيبىت شەشۋگە قول جەتكىزۋى ءتيىس.
سەنبى, 25 اقپان 2012 7:44
بۇۇ سيرياداعى داعدارىستى رەتتەۋگە ۇيىمنىڭ بۇرىنعى باس حاتشىسى كوفي انناندى جىبەردى. ول بۇۇ مەن اراب مەملەكەتتەرى ليگاسىنىڭ ارنايى وكىلى رەتىندە سيريا باسشىلىعى مەن وپپوزيتسياسى اراسىنداعى جانجالدى بەيبىت شەشۋگە قول جەتكىزۋى ءتيىس.
بۇۇ-نىڭ بۇرىنعى باس حاتشىسى سيريا حالقىنىڭ دەموكراتيالىق تالاپتارىنا جاۋاپ بەرىپ, پروبلەمانى شەشۋگە قول جەتكىزە الادى دەپ كۇتىلىپ وتىر. ول ءۇشىن ك.اننان سيريا ۇكىمەتىمەن ەل وپپوزيتسيالىق كۇشتەرىنىڭ بارلىق ماسەلەلەرى بويىنشا ساياسي ۇنقاتىسۋىنا جول تابا ءبىلۋى كەرەك. ءسويتىپ, بۇرىنعى باس حاتشىعا ۇلكەن جاۋاپكەرشىلىك جۇكتەلگەن.
وباما كارزايدىڭ الدىندا كەشىرىم ءوتىندى
بۇعان دەيىن اۋعانستانداعى ناتو بىتىمگەرشىلەرىنىڭ قۇرامىندا جۇرگەن اقش اسكەريلەرىنىڭ يسلام قۇندىلىقتارىن قورلاعانى ءۇشىن وسىنداعى اقش اسكەريلەرىنىڭ قولباسشىسى اۋعانستان پرەزيدەنتى مەن حالقىنان كەشىرىم ءوتىنگەنىن حابارلاعان بولاتىنبىز.
ەندى قۇران كوشىرمەلەرىن ورتەپ, باسقا دا يسلام دىنىنە قاتىستى دۇنيەلىكتەردى ورتەگەن جەڭىل, ءۇستىرت ويلايتىن سولداتتار ءۇشىن اۋعانستان پرەزيدەنتى مەن حالقىنان اقش پرەزيدەنتى باراك وبامانىڭ ءوزى كەشىرىم سۇراۋعا ءماجبۇر بولدى. ب.وباما بولعان وقيعاعا وكىنەتىنىن جەتكىزە كەلىپ, سولداتتاردىڭ اتالعان قادامعا ادەيى بارماعانىن اتاپ وتكەن جانە ءىستى تەرگەۋگە ۋادە بەرگەن.
ادامزاتقا قارسى قىلمىس سانايدى
بۇۇ-نىڭ ادام قۇقىقتارى جونىندەگى كەڭەسىنىڭ كوميسسياسى سيريا پرەزيدەنتى باشار اسادتىڭ رەجىمىن ادامزاتقا قارسى قىلمىس جاساۋدا دەپ ايىپتادى. كوميسسيانىڭ قولىندا مۇنداي قىلمىستارعا قاتىسى بار ادامداردىڭ قۇپيا ءتىزىمى دە بار كورىنەدى.
وسى اقپاراتتى تاراتقان The Daily Telegraph اگەنتتىگىنىڭ اقپاراتى بويىنشا, بۇل جەردە اڭگىمە تۇرعىن ۇيلەردى ارتيللەريادان اتقىلاۋ, اۋرۋحانالاردا جارالى وپپوزيتسياشىلاردى قيناۋ مەن ايەلدەرگە جانە بالالارعا وق اتۋ تۋرالى بولىپ وتىر. ال كوميسسيانىڭ قىلمىستارعا ناقتى كىمدەردى كىنالايتىنى ايتىلمايدى.
كوپشىلىگى جەڭىس پۋتيندىكى دەيدى
رەسەيلىكتەردىڭ 80 پايىزى پرەزيدەنتتىك سايلاۋدا «ءبىرتۇتاس رەسەيدەن» كانديدات ۆلاديمير پۋتين جەڭىسكە جەتەدى دەپ سانايدى. 17-20 اقپان ارالىعىندا 130 ەلدى مەكەندە جۇرگىزىلگەن ساۋالداماعا 1600 ادام تارتىلىپتى. ولاردىڭ 66 پايىزى ءوز داۋىستارىن پۋتينگە بەرەتىندىكتەرىن مالىمدەگەن.
رەسەي كوممۋنيستەرىنىڭ سەركەسى گەننادي زيۋگانوۆقا سۇرالعانداردىڭ 15 پايىزى داۋىس بەرمەك كورىنەدى. ليبەرال-دەموكراتتاردىڭ كوسەمى ۆلاديمير جيرينوۆسكي سايلاۋشىلاردىڭ شامامەن 8 پايىز داۋىسىنا عانا ءۇمىت ارتا الادى ەكەن. ال ميحايل پروحوروۆقا بەرىلەتىن داۋىس – 6, «ادىلەتتى رەسەي» سەركەسى سەرگەي ميرونوۆقا 5 پايىزدان اسپايتىن سەكىلدى.
گرۋزيا تالابىن ورىنداۋدان باس تارتتى
رەسەي فەدەراتسياسىنىڭ تەرگەۋ كوميتەتى گرۋزيانىڭ 2008 جىلعى سوعىس كەزىندە رەسەي اسكەريلەرىنىڭ ءىس-قيمىلدارىنا بايلانىستى ايىپتاۋلارىن قابىلداماي تاستادى. رف تك-ءنىڭ رەسمي وكىلى ۆلاديمير ماركين گرۋزين تارابىنىڭ مالىمدەمەلەرى شىندىققا سايكەس كەلمەيدى دەپ مالىمدەدى.
ماركيننىڭ ايتۋىنشا, كۋاگەرلەر رەتىندە سۇراۋلار بارىسىندا گرۋزيانىڭ اسكەري قىزمەتشىلەرى, سونداي-اق بەيبىت تۇرعىندارى, ونىڭ ىشىندە ەتنوستىق گرۋزيندەر دە بار, رەسەي اسكەريلەرىنىڭ قانداي دا ءبىر قۇقىققا قارسى ارەكەتتەرى تۋرالى شاعىمدار جاساماعان. وسىلايشا رەسەي تارابى ەۋروپانىڭ ادام قۇقىقتارى جونىندەگى سوتى قاراپ جاتقان ىسكە كىنالارى جوق ەكەندەرىن جاريا ەتتى.
يراكتاعى قۇرباندار سانى 60-قا جەتتى
23 اقپاندا جاسالعان يراكتاعى لاڭكەستىكتىڭ سالدارىنان وپات بولعاندار سانى 60 ادامعا جەتتى. جارالانعاندار 100-دەن اسىپ كەتتى. لاڭكەستىك ەل استاناسى باعداد جانە باسقا دا قالالاردا جاسالعان بولاتىن. شابۋىلدار نەگىزىنەن شيت اۋداندارىندا ۇيىمداستىرىلدى.
لاڭكەستەردىڭ كوز تىككەن باستى نىساندارى پوليتسيا ۋچاسكەلەرى بولعان. كۇنى بۇگىنگە دەيىن لاڭكەستىككە جاۋاپكەرشىلىكتى ەشقانداي توپ وزىنە العان جوق. جالپى, ەلدە بيلەۋشى شيت كوپشىلىگى مەن ءسۇننيت ازشىلىعى اراسىنداعى ساياسي قارسى تۇرۋشىلىق سوڭعى كەزدەرى جاڭاشا كۇش العانداي. ماسەلەن, قاڭتارداعى لاڭكەستىك سالدارىنان ەلدە 100-دەن استام ادام كوز جۇمسا, وتكەن جىلدىڭ جەلتوقسانىندا 50 ادامنان اسىپ تۇسكەن ەدى.
قىسقا قايىرىپ ايتقاندا:
تۇركىمەنستان پرەزيدەنتى گۋربانگۋلى بەردىمۇحامەدوۆتىڭ تاياۋداعى پرەزيدەنتتىك سايلاۋدا جەڭىسكە جەتكەنى بەلگىلى. بۇگىندە ول ءوزىنىڭ يناۋگۋراتسياسىنا قاتتى دايىندالىپ جاتىر. دايىندىق وعان قاتىساتىن كوپشىلىك تالىپ-جىعىلعانشا جۇرۋدە ەكەن.
ارمەنيا پرەزيدەنتى سەرج سارگسيان ەلدەگى پارلامەنتتىك سايلاۋدىڭ كۇنىن بەلگىلەدى. پرەزيدەنتتىڭ جارلىعىنا سايكەس, رەسپۋبليكانىڭ ۇلتتىق جينالىسىنا سايلاۋ ۇستىمىزدەگى جىلدىڭ 6 مامىرىندا وتەتىن بولادى.
كايردە مىسىر پرەزيدەنتتىگىنە كانديداتتاردىڭ ءبىرى – يسلاميست ابدەل مونەيم ابدۋل فاتۋحقا بەلگىسىزدەر شابۋىل جاساعان. باسىنا تيگەن سوققىدان ونىڭ ميى شايقالىپتى. سونداي-اق ساياساتكەردىڭ جۇرگىزۋشىسى دە زارداپ شەككەن.
امەريكانىڭ تۇرمەسىندە قازا تاپقان حوككەيدەن ۋكراينالىق جاتتىقتىرۋشى يۆان پراۆيلوۆ ءوز-وزىنە قول جۇمسادى دەپ تانىلدى. ول پەدوفيليا بويىنشا ايىپتالعان بولاتىن. سوت-مەديتسينالىق ساراپشى ونىڭ كامەرادا اسىلىپ قالعانىن ايتادى.
سانكت-پەتەربۋرگتە «ادىلەتتى سايلاۋ ءۇشىن» اكتسياسىن تالقىلاۋ اتىسپەن اياقتالدى. ۇيىمداستىرۋ كوميتەتى شارانى 25 اقپاندا وتكىزۋدى جوسپارلاعان ەدى. بىراق ۇيىمداستىرۋشىلار اراسىندا ءوزارا جانجال شىعىپ, سونىڭ ناتيجەسىندە گاز تاپانشالارى قولدانىلعان.
ينتەرنەت ماتەريالدارى نەگىزىندە ازىرلەندى.
