شاراينا
بەيسەنبى, 2 اقپان 2012 7:31
ىشكى ىسىنە قول سۇعۋ دەپ سانايدى
بۇۇ قاۋىپسىزدىك كەڭەسىندە اراب مەملەكەتتەرىنىڭ ليگاسى (امل) ۇسىنعان سيريا بويىنشا قارار جوباسىن تالقىلاۋدىڭ جاڭا كەزەڭى باستالدى. جوبادا سيريا پرەزيدەنتى باشار اسادتىڭ وتستاۆكاسى قاراستىرىلادى. بۇل ۇسىنىستى اقش پەن فرانتسيا تارابى دا قولداپ وتىر.
مۇنداي ۇستانىمعا رەسەي جاعى ءوزىنىڭ نارازىلىعىن ءبىلدىردى. ماسەلەن, وسى ەلدىڭ بۇۇ-داعى وكىلى ۆيتالي چۋركين جوعارىداعى ۇسىنىستى سيريانىڭ ىشكى ىسىنە سىرتتان ارالاسۋ دەپ سانايتىنىن مالىمدەدى. ونىڭ ايتۋىنشا, بەلگىلى ءبىر ەلدىڭ كورولىنە نەمەسە ۇكىمەت باسشىسىنا بۇۇ سونداي شەشىم قابىلدادى, سەن ورنىڭدى بوسات دەپ تالاپ قويۋ قانداي قيسىنعا كەلەدى؟ قىتاي جاعىنىڭ پىكىرى دە رەسەيدىكىنە ۇقساس بولىپ وتىر.
بەيسەنبى, 2 اقپان 2012 7:31
ىشكى ىسىنە قول سۇعۋ دەپ سانايدى
بۇۇ قاۋىپسىزدىك كەڭەسىندە اراب مەملەكەتتەرىنىڭ ليگاسى (امل) ۇسىنعان سيريا بويىنشا قارار جوباسىن تالقىلاۋدىڭ جاڭا كەزەڭى باستالدى. جوبادا سيريا پرەزيدەنتى باشار اسادتىڭ وتستاۆكاسى قاراستىرىلادى. بۇل ۇسىنىستى اقش پەن فرانتسيا تارابى دا قولداپ وتىر.
مۇنداي ۇستانىمعا رەسەي جاعى ءوزىنىڭ نارازىلىعىن ءبىلدىردى. ماسەلەن, وسى ەلدىڭ بۇۇ-داعى وكىلى ۆيتالي چۋركين جوعارىداعى ۇسىنىستى سيريانىڭ ىشكى ىسىنە سىرتتان ارالاسۋ دەپ سانايتىنىن مالىمدەدى. ونىڭ ايتۋىنشا, بەلگىلى ءبىر ەلدىڭ كورولىنە نەمەسە ۇكىمەت باسشىسىنا بۇۇ سونداي شەشىم قابىلدادى, سەن ورنىڭدى بوسات دەپ تالاپ قويۋ قانداي قيسىنعا كەلەدى؟ قىتاي جاعىنىڭ پىكىرى دە رەسەيدىكىنە ۇقساس بولىپ وتىر.
يرانعا شابۋىل دايىنداۋعا شاقىردى
قۇرامىنا وتستاۆكاداعى گەنەرالدار, بارلاۋشىلار مەن ساياساتكەرلەر كىرەتىن رەسپۋبليكالىق, سونداي-اق دەموكراتيالىق پارتيالاردىڭ ساياساتكەرلەرى يران بويىنشا ۇسىنىستار پاكەتىن دايىنداعان. قۇجاتتا اقش-تىڭ اسا ماڭىزدى سىرتقى ساياسي ءمىندەتى تەھراننىڭ يادرولىق قارۋعا قول جەتكىزۋىن بولدىرماۋ بولىپ تابىلاتىنى اتاپ كورسەتىلگەن.
بۇل مىندەتتى جۇزەگە اسىرۋ ءۇشىن باراك وبامانىڭ اكىمشىلىگىنە بىرقاتار ناقتى شارالار قابىلداۋ ۇسىنىلادى. اتاپ ايتقاندا, يرانمەن پىكىرتالاستا قاتاڭدىق تانىتۋ, قاتاڭىراق سانكتسيالار ەنگىزۋ, ەلدىڭ يادرولىق ونەركاسىبىن جويۋعا باعىتتالعان اسكەري وپەراتسيا دايىنداپ, جوسپارلاۋ.
تاليبتەردى قولداۋدا دەپ ايىپتادى
پاكستاننىڭ ۆەدومستۆوارالىق بارلاۋ قىزمەتى «تاليبان» قوزعالىسىنا جان-جاقتى قولداۋ كورسەتىپ كەلەدى. بۇل قولداۋ اۋعانستاندا ورنالاسقان ناتو-نىڭ كواليتسيالىق اسكەرىنە بىرلەسە شابۋىل جاساۋ ارەكەتتەرىنەن دە كورىنەدى, دەپ مالىمدەلگەن ناتو-نىڭ قۇپيا بايانداماسىندا.
بۇل قۇپيا قۇجات قانداي جولمەن ەكەنى بەلگىسىز, The Times گازەتىنىڭ قولىنا ءتۇسىپتى. قارۋلى جاساقتار وكىلدەرىنىڭ سوزدەرىنە قاراعاندا, پاكستان تاليبتەردى سونداي-اق جارىلعىش زاتتارمەن جانە دەتوناتورلارمەن قامتاماسىز ەتىپ تۇراتىن كورىنەدى. دەگەنمەن, دەيدى باياندامانى دايىنداۋشىلار, پاكستان تارابىنىڭ قارۋلى جاساقتاردى قارۋمەن قامتاماسىز ەتەتىنىنە ايعاقتار سالىستىرمالى تۇردە العاندا ونشا كوپ ەمەس.
وزدەرى بىراۋىزدىلىق تانىتا المادى
الداعى پارلامەنتتىك سايلاۋعا بايلانىستى وزدەرىنىڭ ۇستانىمدارىن كەلىسۋگە ۇمتىلعان بەلورۋس وپپوزيتسياسىنىڭ كەلىسسوزدەرى ناتيجە بەرمەدى. وپپوزيتسياشىلاردىڭ ءوزارا كەلىسە الماعانى ءوز الدىنا, ءتىپتى ءبىر-بىرىنە قولدى قويىپ, اياق جۇمساعان. مۇنى «ەۆروراديو» حابارلادى.
دەرەك كوزىنىڭ اقپاراتىنا سۇيەنسەك, «شىندىقتى ايت!» قوزعالىسىنىڭ وكىلى الەكساندر فەدۋتا «بەلورۋس حريستيان دەموكراتياسى» قوزعالىسىنىڭ كوسەمى, بۇرىنعى پرەزيدەنتتىككە كانديدات ۆيتالي رىموشەۆسكيدى بەلىنەن تومەندەۋ جەردەن ءبىر تەپكەن. مۇنى جينالعانداردىڭ ءبارى كورگەن. ال وپپوزيتسياشىلاردىڭ ءبىرىنىڭ مۇنداي قادامعا نە ءۇشىن بارعانى ناقتىلانبايدى.
بەدۋيندەر 25 قىتايدى كەپىلدىككە الدى
سيناي بەدۋيندەرى قىتايلىق 25 جۇمىسشىنى كەپىلدىككە العان. مۇنى مىسىردىڭ قاۋىپسىزدىك قىزمەتىنە سىلتەمە جاساي وتىرىپ, France-Presse اگەنتتىگى حابارلادى. ولار قىتايلىقتاردى 2004-2006 جىلدار ارالىعىندا تابا كۋرورتىندا جاسالعان لاڭكەستىككە قاتىسى بار دەپ تۇتقىندالعان تۋىسقاندارىنا ايىرباستاماق نيەتىندە ەكەن.
قاماۋعا الىنعان قىتايلىقتار اسكەريلەر يەلىگىندەگى تسەمەنت زاۋىتىندا مەحانيكتەر جانە ينجەنەرلەر بولىپ جۇمىس ىستەيتىن كورىنەدى. ولار جۇمىسقا كەلە جاتقان جولدارىندا شابۋىلعا ۇشىراپتى. بەدۋيندەر بۇگىندە وزدەرىنىڭ تالاپتارىنىڭ شەشىمىن كۇتىپ جاتقانعا ۇقسايدى. ال قاۋىپسىزدىك كەڭەسى ولارمەن كەلىسسوزدى باستاپ كەتسە كەرەك.
تەك اق ناسىلدىلەر تۇراتىن اۋدان قالمادى
اقش-تا تەك اق ناسىلدىلەر عانا تۇراتىن قالالار مەن ەلدى مەكەندەر ءىس ءجۇزىندە قالعان جوق. مانحەتتەن ينستيتۋتى جۇرگىزگەن زەرتتەۋ ءناتيجەسى وسىلاي دەيدى. بايانداما ينستيتۋتتىڭ سايتىندا جاريالاندى.
انىقتالىپ وتىرعانىنداي, سوڭعى 50 جىلدا بىردە-ءبىر افروامەريكالىق تۇرمايتىن ەلدى مەكەندەر 90 پايىزدان استامعا قىسقارعان. ماسەلەن, وسىدان جارتى عاسىر بۇرىن قالالىق اۋدانداردىڭ 5-تەن 1 بولىگىندە بىردە-ءبىر افروامەريكالىق تۇرماسا, قازىرگى كەزدە تۇتاستاي ەل بويىنشا العاندا ءار 200 اۋداننىڭ 199-ىندا قارا ءتۇستى ادام ءومىر سۇرەدى ەكەن.
قىسقا قايىرىپ ايتقاندا:
يزرايل پرەمەر-ءمينيسترى بينيامين نەتانياحۋ «ليكۋد» پارتياسىنىڭ پارتياىشىلىك سايلاۋىندا جەڭىسكە جەتتى. بۇل ونىڭ «ليكۋدتىڭ» سەركەسى بولىپ قالۋىنا مۇمكىندىك بەرەدى. پرەمەردىڭ كانديداتۋراسىنا پارتيالاستارىنىڭ 75 پايىزى ءوز داۋىستارىن بەرگەن.
كرەملدىڭ قارسىسىنداعى ۇيگە «ىنتىماقتاستىق» قوزعالىسىنىڭ بەلسەندىلەرى «پۋتين, كەت» دەپ جازىلعان ۇلكەن باننەر ىلگەن بولاتىن. پوليتسيا قىزمەتكەرلەرى اۋماعى 140 شارشى مەتر بولاتىن پولوتنونى ارادا 1 ساعاتتان استام ۋاقىت وتكەندە شەشىپ العان.
ماسكەۋدە رەسەي كونستيتۋتسياسىنىڭ 31-بابىن قورعاۋ بويىنشا اكتسيا ۇيىمداستىرىلعان ەدى. پوليتسيا شاراعا قاتىسقانداردىڭ اراسىنان 49 ادامدى قاماۋعا العان. مۇنداي اكتسيا رەسەيدە 2009 جىلدان بەرى وتكىزىلىپ كەلەدى.
جۇزدەگەن مىڭ رەسەيلىك ستۋدەنتتەر كۇنى بۇگىنگە دەيىن 2012 جىلدىڭ قاڭتار ايىنىڭ ستيپەندياسىن الماپتى. مۇنى رەسەي ستۋدەنتتەر وداعىنىڭ توراعاسى ارتەم حروموۆ مالىمدەدى. ونىڭ سوزىنە قاراعاندا, بۇل پروبلەما ەلدىڭ كوپتەگەن جوو-لارىن شارپىپ وتىرسا, اراسىندا ممۋ دە بار ەكەن.
ينتەرنەت ماتەريالدارى نەگىزىندە ازىرلەندى.
