مۇحيتتىڭ ارعى جاعىنداعى ماراپات
سارسەنبى, 1 اقپان 2012 8:15
ەلىمىزدىڭ سىرتقى ىستەر ءمينيسترى ەرجان قازىحانوۆتىڭ اقش-قا رەسمي ساپارى بارىسىندا تاۋەلسىزدىكتىڭ 20 جىلدىعىنا بايلانىستى قازاقستاننىڭ اقش-تاعى ەلشىلىگىندە امەريكالىق ارىپتەستەر مەملەكەتتىك ناگرادالارمەن ماراپاتتالدى.
بىلتىرعى جىلى ەكى ەل اراسىندا ديپلوماتيالىق قاتىناستار ورناعانىنا جيىرما جىل تولدى. وسى ۋاقىت ىشىندەگى قوس تاراپتىڭ قارىم-قاتىناسىنا رەسمي ۆاشينگتون «مازمۇندى ءارى سان قىرلى ناعىز ستراتەگيالىق ارىپتەس» دەگەن باعا بەرىپ, ەلىمىزدىڭ تاۋەلسىزدىك مەرەكەسى تويلانار تۇستا اقش اكىمشىلىگى قازاقستاننىڭ ۇلكەن دامۋ ۇدەرىسىنە» توقتالىپ, «ستراتەگيالىق ءارىپتەستىكتىڭ تەرەڭدەۋى» جايىندا حالىقارالىق قوعامداستىققا دا, جالپىعا دا تۇسىنىكتى «مەسسەدج» جىبەرگەن بولاتىن.
سارسەنبى, 1 اقپان 2012 8:15
ەلىمىزدىڭ سىرتقى ىستەر ءمينيسترى ەرجان قازىحانوۆتىڭ اقش-قا رەسمي ساپارى بارىسىندا تاۋەلسىزدىكتىڭ 20 جىلدىعىنا بايلانىستى قازاقستاننىڭ اقش-تاعى ەلشىلىگىندە امەريكالىق ارىپتەستەر مەملەكەتتىك ناگرادالارمەن ماراپاتتالدى.
بىلتىرعى جىلى ەكى ەل اراسىندا ديپلوماتيالىق قاتىناستار ورناعانىنا جيىرما جىل تولدى. وسى ۋاقىت ىشىندەگى قوس تاراپتىڭ قارىم-قاتىناسىنا رەسمي ۆاشينگتون «مازمۇندى ءارى سان قىرلى ناعىز ستراتەگيالىق ارىپتەس» دەگەن باعا بەرىپ, ەلىمىزدىڭ تاۋەلسىزدىك مەرەكەسى تويلانار تۇستا اقش اكىمشىلىگى قازاقستاننىڭ ۇلكەن دامۋ ۇدەرىسىنە» توقتالىپ, «ستراتەگيالىق ءارىپتەستىكتىڭ تەرەڭدەۋى» جايىندا حالىقارالىق قوعامداستىققا دا, جالپىعا دا تۇسىنىكتى «مەسسەدج» جىبەرگەن بولاتىن. پرەزيدەنت وبامانىڭ قازاقستان تاۋەلسىزدىگىنە قاتىستى وسىنداي ءىلتيپاتىنا جاۋاپ بەرگەندەي ءبىزدىڭ ەل دە مۇحيتتىڭ ارعى جاعىندا جاتىپ-اق ەكى ەل اراسىن جالعاعان امەريكالىق ارىپتەستەردىڭ ەڭبەگىن باعالاپ, ولاردى ناگرادالارمەن ماراپاتتاۋدى ءجون ساناپتى.
ەكى ەل اراسىنداعى بايلانىستاردىڭ تيىمدىلىگىنە, ارينە, مەملەكەت باسشىلارىنىڭ اراسىنداعى جەكە كەزدەسۋلەردىڭ سەرپىن بەرگەنى انىق. اتاپ ايتقاندا, 2010 جىلدىڭ ساۋىرىندە ۆاشينگتونداعى «وباما – نازارباەۆ» كەلىسىمى جانە وسىدان كەيىنگى اڭگىمەلەسۋلەر ءوز ۇلەسىن قوستى. ماسەلەن, وتكەن جىلى اقش پرەزيدەنتى باراك وبامانىڭ باستاماسىمەن ءساۋىر ايىندا تەلەفون ارقىلى وتكەن اڭگىمەدە ەكى ەل اراسىنداعى قارىم-قاتىناستاردىڭ باسىم باعىتتارى ءسوز بولدى. مەملەكەت باسشىلارى ايماقتىق قاۋىپسىزدىك, اۋعانستان, يادرولىق قارۋدى تاراتپاۋ, ءبىزدىڭ ەلىمىزدىڭ يىۇ-عا توراعالىعى جانە قازاقستاننىڭ الەۋمەتتىك-ەكونوميكالىق, ساياسي دامۋى تۇرعىسىندا مازمۇندى پىكىر الماستى. جانە دە اق ءۇيدىڭ قازاقستاننىڭ يادرولىق قارۋدى تاراتپاۋداعى كوشباسشىلىعىن وتكەن جىلى الدەنەشە مالىمدەگەنى كوپشىلىككە بەلگىلى.
30 قاڭتار. ۆاشينگتون ۋاقىتىمەن ساعات 19.00. ۆاشينگتونداعى قازاقستان ەلشىلىگى عيماراتىنداعى قابىلداۋ. ەلشىلىككە كەلگەن قوناقتار اراسىنان ءبىزدىڭ ەلىمىزگە ساپارلاپ كەلىپ قايتقان روبەرت بلەيك, كارلوس گۋتيەررەس, دەنيەل پونەمان, مارتا ولكوتت سىندى ساياساتكەرلەر كوزگە شالىنادى.
قابىلداۋدى اشىپ, مەيماندارعا قوش كەلدىڭىزدەر دەگەن قازاقستاننىڭ اقش-تاعى ءتوتەنشە جانە وكىلەتتى ەلشىسى ەرلان ىدىرىسوۆ ءسوزدى سىرتقى ىستەر ءمينيسترى ەرجان قازىحانوۆقا ۇسىندى.
– ءبىز سىزدەردىڭ ەكى ەل اراسىنداعى ستراتەگيالىق ارىپتەستىكتى دامىتۋعا قوسقان ۇلەستەرىڭىزدى جوعارى باعالايمىز, – دەپ باستاعان ءسوزىن مينيستر ءارى قاراي قابىلداۋعا شاقىرىلعان قوناقتارعا مەملەكەتتىك ناگرادالار تابىس ەتىلەتىنىن ايتقان. «سىزدەر ءبىزدىڭ ەلىمىزدىڭ قالىپتاسۋ كەزەڭىندە قاسىمىزدان تابىلدىڭىزدار. جاقىندا عانا قازاقستان كوپ پارتيالى پارلامەنتىن سايلادى. بۇل ەلىمىزدىڭ دۇرىس باعىتتا دامۋىنداعى ماڭىزدى قادام بولدى, دەموكراتيا وركەندەۋىنىڭ كوكجيەگىن كەڭەيتتى, ءارى ونىڭ ەكونوميكالىق ۇدەرىستەرگە تيگىزەتىن ۇلكەن ىقپالى بولادى دەپ سەنەمىز. پارلامەنت – بۇگىندە ەل ءۇشىن ماڭىزدى شەشىمدەر قابىلداۋدا باستى ويىنشىنىڭ ءبىرى. ال سىزدەر ءتارىزدى دوستاردىڭ قولداۋىنىڭ ناتيجەسىندە قازاقستان بۇگىندە ايماقتاعى تابىستى ەلدىڭ قاتارىندا بولسا, ال الەمدە يادرولىق قارۋعا قارسى, ونى تاراتپاۋ جونىندە كوشباسشىلىقتا تۇر. ءبىزدىڭ ەلىمىز وسى 20 جىلدىڭ ىشىندە ۇلكەن تابىستارعا جەتتى. ول پرەزيدەنت نۇرسۇلتان نازارباەۆتىڭ الداعىنى كورە بىلەتىندىگىنىڭ ارقاسىندا, ونىڭ كوپۆەكتورلى ساياسات ۇستانۋىنىڭ ناتيجەسىندە ءمۇمكىن بولدى», – دەدى ە.قازىحانوۆ ءوزىنىڭ سوزىندە.
«دوستىق» وردەنىمەن سەناتورلار چارلز حەيگل, داررەلل ايسا ماراپاتتالسا, 16 امەريكالىق «قازاقستان تاۋەلسىزدىگىنە – 20 جىل» مەرەيتويلىق مەدالدەرىنىڭ يەسى اتاندى.
اقش مەملەكەتتىڭ دەپارتامەنتىندەگى لاۋازىمداردىڭ ءجونى بىزدەردەن وزگەشە ەكەنى بەلگىلى. ونداعى مەمحاتشىنىڭ ءوڭتۇستىك جانە ورتالىق ازيا بويىنشا كومەكشىسى دەگەن, بىزشە ايتقاندا, ءمينيستردىڭ ورىنباسارى. ماراپاتتالعاندار وردەن-مەدالدەرىن يەلەنگەن سوڭ جوعارىدا ايتىلعان مەمحاتشىنىڭ وڭتۇستىك جانە ورتالىق ازيا بويىنشا كومەكشىسى روبەرت بلەيك ءسوز الدى. «بۇگىن قازاقستان ەلشىلىگىندەگى وسىنداي قابىلداۋعا كۋا بولعانىما قۋانىشتىمىن. ءبىزدىڭ ەلىمىز قازاقستاننىڭ تاۋەلسىزدىگىن العاشقى بولىپ تانىعان ەلدەر قاتارىندا تۇر. قازىرگى كۇنى ەكى ەل اراسىنداعى بايلانىستار وتە جوعارى دەڭگەيدە دامىپ كەلەدى. قازاقستان اقش-تىڭ يادرولىق قارۋدى تاراتپاۋداعى وتە مىقتى ارىپتەسى, سوندىقتان دا پرەزيدەنت باراك وباما سەۋلدەگى يادرولىق قاۋىپسىزدىك جونىندەگى سامميتتە پرەزيدەنت نۇرسۇلتان نازارباەۆپەن كەزدەسۋدى كۇتەدى», دەدى.
ماراپاتتالعانداردىڭ ىشىندە ناسا-نىڭ عارىشكەرلەرمەن ۇشىرىلاتىن كەمەلەرى بويىنشا تاپسىرىسىن ورىنداۋشى قازاق جىگىتى دارحان نۇرماعامبەتوۆ تە بار ەكەن. باۋىرىمىز وسىدان 12 جىل بۇرىن امەريكاعا قونىس اۋدارىپ, اقش-تىڭ عارىش سالاسىنىڭ دامۋىنا ءوز ۇلەسىن قوسىپ جۇرسە كەرەك. مۇمكىندىكتى پايدالانىپ, دارحاندى سوزگە تارتتىق. «قازاقستاننىڭ قازىر عارىشكەرلەرمەن كەمە ۇشىراتىن جوبالارى جوق. ال مۇندا مەنىڭ جۇمىسىما قىزىعۋشىلىق تا, سۇرانىس تا مول. ساعىنىپ كەتكەن كەزىمدە ەلگە بارىپ, انامنىڭ قاسىندا اۋناپ-قۋناپ قايتامىن», دەدى ول (دارحان باۋىرمەن بولعان تولىق اڭگىمە الداعى ءنومىرلەردىڭ بىرىندە جارىق كورەدى).
ال 31 قاڭتاردا پەنتاگونعا جاقىن ورنالاسقان «Rits Carlton» وتەلىندە «قازاقستان تاۋەلسىزدىگىنىڭ 20 جىلدىعى جانە قازاق-امەريكان ديپلوماتيالىق قاتىناستارىنا – 20 جىل» اتتى كونفەرەنتسيا ءوتتى. ول جايىندا گازەتىمىزدىڭ الداعى نومىرىندە جازاتىن بولامىز.
انار تولەۋحانقىزى, «ەگەمەن قازاقستان» – ۆاشينگتوننان.
