بارىمىزگە بەلگىلى, مەملەكەت باسشىسى ەلدىڭ ەكونوميكالىق ءوسىمىن حالىقتىڭ ءال-اۋقاتىنىڭ ارتتىرۋعا ناقتى تاپسىرمالار جۇكتەدى.
- بۇگىن اۋقىمدى الەۋمەتتىك ينۆەستيتسيالار زامانى, - دەيدى بولات باقاۋوۆ. – وسى ماقساتقا ۇلتتىق قور مەن رەسپۋبليكالىق بيۋدجەتتەن 2 تريلليون تەڭگەدەن استام قاراجات بولىنەدى. بۇل سوما الەۋمەتتىك باستامالاردىڭ ءۇش ۇلكەن توبىن جۇزەگە اسىرۋعا باعىتتالماق.
بولات باقاۋوۆ ءوز سوزىندە, الداعى 1 شىلدەدەن باستاپ جەرگىلىكتى بيۋدجەتتىك سالادا قىزمەت ەتىپ جۇرگەنى 52 مىڭ قىزمەتكەردىڭ جالاقىسى 30 پايىزعا دەيىن كوبەيەدى. بۇل ماقساتقا بيىل 6 ملرد تەڭگە, ال كەلەسى جىلى 12 ملرد تەڭگە بولىنبەك.
سونىمەن بىرگە, 2,5 مىڭ تومەنگى ساناتتاعى مەملەكەتتىك قىزمەتشىلەردىڭ دە جالاقىسى ورتا ەسەپپەن 25 پايىزعا ارتادى.
- مەملەكەت باسشىسى از قامتىلعان جانە كوپبالالى وتباسىلاردى قولداۋعا ەرەكشە كوڭىل بولۋدە, - دەدى بولات باقاۋوۆ. – وبلىس بويىنشا 348 وتباسى اتاۋلى الەۋمەتتىك كومەك الۋدا. الداعى ۋاقىتتا اتالعان كومەك بەرۋدىڭ كولەمى عانا ەمەس, ولاردى تاعايىنداۋدىڭ جولدارى وڭتايلاندىرىلماق.
بۇل ءۇشىن وبلىس تۇرعىندارىنىڭ ءومىر ءسۇرۋ ساپاسىن ارتتىرۋعا باعىتتالعان وڭىرلىك ساياسات جۇزەگە اسىرىلادى. ول ءۇشىن «نۇر وتان» پارتياسىنىڭ جەرگىلىكتى قوعامدىق قابىلداۋ بولمەلەرى تۇرعىندارمەن تىعىز ەكى جاقتى بايلانىس ورناتادى.
وڭىرلىك پارتيا ۇيىمى توراعاسىنىڭ ءبىرىنشى ورىنباسارى نيكولاي دىچكونىڭ ايتۋىنشا, جىل باستالعالى قوعامدىق قابىلداۋ بولمەلەرىنە 400-دەن استام تۇرعىن ءوتىنىش بىلدىرگەن.
ن. دىچكونىڭ ايۋتىنشا, كۇن سايىن پارتيانىڭ جەرگىلىكتى فيليالدارىنا كوپتەگەن تۇرعىندار كومەككە جۇگىنەدى.
سونىمەن قاتار, پارتيا تۇرعىنداردىڭ ماسەلەلەرىن شەشۋگە باعىتتالعان «حالىققا كومەك» ارنايى جوباسىن ىسكە قوسادى.
ەلباسى ۇسىنعان الەۋمەتتىك باستامالاردى جۇزەگە اسىرۋ اياسىندا تۇرعىنداردى باسپانامەن قامتۋ جانە ءبىلىم بەرۋ مەن دەنساۋلىق ساقتاۋ سالالارىن دامىتۋ ارى قاراي جالعاسادى
فاريدا بىقاي,
«ەگەمەن قازاقستان»
پاۆلودار
سۋرەتى تۇسىرگەن: ۆالەري بۋگاەۆ
