قارجى مينيسترلىگىنىڭ ادەپ جونىندەگى ۋاكىلى تولەگەن جۇمابەك ۇلى مەملەكەتتىك قىزمەتشىلەردىڭ قىزمەتتىك ادەپ قاعيدالارىن ساقتاۋ, مەملەكەتتىك ورگاننىڭ الەۋمەتتىك قۇندىلىقتارى جونىندە تۇسىنىك بەرىپ, مەملەكەتتىك قىزمەتتە ءوزارا قارىم قاتىناستىڭ جوعارى مادەنيەتىن قالىپتاستىرۋ مەن باسشىلاردىڭ قاراماعىنداعى قىزمەتشىلەرىمەن قارىم-قاتىناس كەزىندە ۇستانۋ قاجەت ماڭىزدى قاعيدالاردىڭ بىرقاتارىن اتاپ ءوتتى.
راسىندا, ۇجىمدا جايلى مورالدىق ادامگەرشىلىك احۋالدى قالىپتاستىرۋدا باسشىنىڭ ءرولى وتە زور. بۇل تۇرعىدا باسشىنىڭ كاسىبي بىلىكتىلىگىمەن قاتار, ونىڭ ادامگەرشىلىك قاسيەتتەرىنىڭ جوعارى بولۋى ماڭىزدى.
- ۇجىمدا تۇسىنىستىك پەن سەنىم اتموسفەراسىن قالىپتاستىرۋ, سونداي-اق كاسىبي ادەپ نورمالارىن ساقتاۋ ءبىزدىڭ ورتاق جاۋاپكەرشىلىگىمىز, - دەدى مينيسترلىكتىڭ ادەپ جونىندەگى ۋاكىلى.
شارا بارىسىندا اۋماقتىق دەپارتامەنت باسشىسى ن.الماسقىزى قارجى مينيسترلىگىنىڭ ادەپ جونىندەگى ۋاكىلى ت.تاشماعامبەتوۆكە وڭىردەگى مەملەكەتتىك قىزمەتشىلەر مەن مەملەكەتتىك قىزمەت سالاسىنىڭ جاعدايىن, قازىرگى تاڭدا ەنگىزىلىپ جاتقان وزگەرىستەر مەن جاڭالىقتاردى, ونىڭ ىشىندە اگەنتتىكپەن ەنگىزىلگەن «casual friday», ياعني اپتانىڭ جۇما كۇندەرى ەركىن كيىنىپ كەلۋ مۇمكىندىگى بار ەكەندىگىن, فاكتورلى-باللدىق شكالا بويىنشا ەڭبەكاقى تولەۋدىڭ جاڭا جۇيەسىن, ونىڭ مەملەكەتتىك قىزمەت سالاسىنا تيگىزىپ جاتقان وڭ اسەرى مەن قوعامدا قىزىعۋشىلىقتىڭ ارتقانىن جەتكىزدى.
ەلباسىنىڭ «رۋحاني جاڭعىرۋ» باعدارلاماسى اياسىندا اگەنتتىكپەن باستاۋ العان «وزگەرىستەردى وزىڭنەن باستا» اتتى جوباسى بويىنشا مەملەكەتتىك كىرىستەر دەپارتامەنتىنىڭ ۇجىمىن رۋحاني جانە مادەني شارالارعا اتسالىسىپ, بەلسەندىلىك تانىتۋعا شاقىرعاندىعىن, اتاپ ايتقاندا, ۇجىمداستارمەن بىرىگىپ تەاترعا بارۋ, قارتتار ءۇيى مەن جاعدايى تومەن وتباسىلارعا قولۇشىن بەرىپ, قايىرىمدىلىق شارالارىنا قاتىسۋ جانە تاعى باسقالارى ەكەندىگىن ايتتى دەپارتامەنت باسشىسى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
