ەلىمىزدىڭ 8 ايماعىنان كەلگەن رەسپۋبليكالىق جارىستاردىڭ جەڭىمپازدارى اتانعان 67 سپورتشى سپورتتىڭ ۇستەل تەننيسى, تەننيس, دزيۋدو, ءجۇزۋ, پاۋەرليفتينگ, جەڭىل اتلەتيكا, ۆولەيبول, باسكەتبول, ميني-فۋتبول, گولف, بۋكس, گيمناستيكا, بوۋلينگ, روليكتى كونكي, بادمينتون سىندى 15 تۇرىنەن, بارلىعى 98 ادامنان تۇراتىن قازاقستان قۇراما كومانداسى قاتىسادى.
سپەشيال وليمپيكس كومانداسىن دۇنيەجۇزىلىك وليمپياداعا سالتاناتتى تۇردە شىعارىپ سالۋ راسىمىنە قازاقستان رەسپۋبليكاسىنىڭ سپورت كوميتەتى, قازاقستان رەسپۋبليكاسى مادەنيەت جانە سپورت مينيسترلىگى, قازاقستان رەسپۋبليكاسىنىڭ ۇلتتىق وليمپيادالىق كوميتەتى, الماتىداعى اقش كونسۋلدىعى مەن باق وكىلدەرى شاقىرىلدى.
ابۋ-دابيدە وتەتىن دۇنيەجۇزىلىك ويىندار اياسىندا ارنايى وليمپيادانى قولداۋشى ۇكىمەت كوشباسشىلارى, اتاقتى تۇلعالار, دەمەۋشىلەر, بۇكىل الەمنەن كەلگەن ادامداردىڭ باسىن قوساتىن «قۇرمەتتى قوناقتار» باعدارلاماسى جۇزەگە اسىرىلادى. ن.ءا. نازارباەۆ 14 ناۋرىزدا اشىلۋ سالتاناتىنا قۇرمەتتى قوناق رەتىندە قاتىسادى دەپ كۇتىلۋدە.
بۇعان دەيىن ەلباسى «سپەشيال وليمپيكس قازاقستاندى» ۇيىمداستىرۋشىلارعا ارناپ: ء«بىزدىڭ ەلىمىزدە مىقتى جانە دەنى ساۋ ازاماتتار تاعدىر تالقىسىنا تۇسكەن جاندارعا ارقاشان مەيىرىمدىلىك پەن قايىرىمدىلىق تانىتىپ, قول ۇشىن بەرىپ كەلەدى. شىنايى گۋمانيزمگە تولى ىزگى قوعامدا وسى جاقسى ءداستۇردى ساقتاپ قالۋعا دەگەن ۇمتىلىسقا بۇكىل حالىق قولداۋىن كورسەتۋگە دايىن. قىمباتتى دوستار, سىزدەرگە وسى يگى سالادا تابىستار تىلەيمىن», دەگەن بولاتىن.
«سپەشيال وليمپيكس قازاقستان» قب ارنايى باس ديرەكتورى ولگا سەرگەەۆنا باحارەۆا : «بىرىككەن اراب امىرلىكتەرىنىڭ ابۋ-دابي قالاسىندا وتەتىن دۇنيەجۇزىلىك ارنايى وليمپيادا ويىندارىنا سپەشيال وليمپيكس قازاقستان 15-ءشى رەت قاتىسۋعا لايىقتى دەپ شاقىرىلدى. ارينە, ء بىز ءۇشىن - بۇل تەك جوعارى مارتەبە عانا ەمەس, سونىمەن قاتار سپورتشىلاردىڭ تابىسقا جەتۋ جولىنداعى ۇلكەن جاۋاپكەرشىلىگى, ياعني ءبىز جوعارى دارەجەدەگى 10-عا جۋىق ماراپاتقا يە بولۋدى جوسپارلاپ وتىرمىز», دەدى .
الماتىدا وقۋ-جاتتىعۋ جيىنى اياقتالىپ, قازاقستان كومانداسى 8 ناۋرىزدا بىرىككەن اراب امىرلىكتەرىنە, ودان كەيىن «قابىلداۋشى قالا» باعدارلاماسى بويىنشا راس-ال-حايما امىرىنە بارادى. وندا ويىندى ۇيىمداستىرۋشىلار سپورتشىلارعا جاتتىعۋعا, جەرگىلىكتى كليماتقا بەيىمدەلۋگە, مادەني جانە ۇلتتىق داستۇرلەرمەن تانىسۋعا مۇمكىندىك جاسايدى. كوماندا 11 ناۋرىزدا جەڭىسكە جەتۋگە دەگەن ۇمتىلىسپەن ابۋ-دابيگە ورالادى.
«سپەشيال وليمپيكس قازاقستان» قب نەمەسە «قازاقستان ارنايى وليمپياداسى» مۇمكىندىكتەرى شەكتەۋلى جاستار مەن جاسوسپىرىمدەردى سپورتپەن شۇعىلداندىرۋ ارقىلى قوعامعا الەۋمەتتەنۋ مەن ينترەگراتسيالاۋ ماقساتىندا 1990 جىلى قۇرىلعان. 1993 جىلدان باستاپ «سپەشيال وليمپيكس قازاقستان» قازاقستان رەسپۋبليكاسىنىڭ ۇلتتىق وليمپيادا كوميتەتىمەن تانىلدى جانە سپەشيال وليمپيكس ينك دەپ تىركەلدى. كاج 24 سپورت ءتۇرى بويىنشا مۇمكىندىكتەرى شەكتەۋلى 20 مىڭنان استام بالالاردى, جاسوسپىرىمدەردى قامتيدى, دەمەۋشىلەردىڭ قولداۋىمەن جىل سايىن 250-دەن استام جەرگىلىكتى جانە رەسپۋبليكالىق دەڭگەيدە جارىستار وتكىزەدى. سپەشيال وليمپيادانىڭ دوستارى - قازاقستان رەسپۋبليكاسىنىڭ تۋريزم جانە سپورت مينيسترلىگى, وبلىس اكىمدىكتەرى, يۋنيسەف جانە سپورتتىق فەدەراتسيالار ءبىزدىڭ سپورتشىلارعا قولداۋ كورسەتەدى.
1991 جىلدان باستاپ قازاقستان قۇراما كوماندالارى ء ار ءتۇرلى ەلدەردە 14 دۇنيەجۇزىلىك جازعى جانە قىسقى ارنايى وليمپيادا ويىندارىنا قاتىستى. وسى ۋاقىت ىشىندە ولار 225 التىن, 221 كۇمىس جانە 160 قولا مەدالدى جەڭىپ الدى. سونىمەن قاتار ءبىزدىڭ سپورتشىلار بيىك تۇعىردا تۇرىپ, قازاقستاندى الەمگە پاش ەتكەن, قازاقستاننىڭ ءيميدجىن نىعايتقان العاشقى ازاماتتاردىڭ ءبىرى بولدى.
وتكەن جىلى چيكاگو قالاسىندا سقب –نىڭ 50-جىلدىق مەرەيتويى كەڭىنەن اتاپ ءوتىلدى, سول جاقتا «سپەشيال وليمپيكس» قوزعالىسى 1968 جىلى باستالعان ەدى. يۋنيس كەننەدي شرايۆەردىڭ باستاماسى بويىنشا. 1988 جىلى حوك پرەزيدەنتى انتونيو سامارانچ جانە سپەشيال وليمپيكس ينك. پرەزيدەنتى يۋنيس كەننەدي شرايح سپەشيال وليمپيادا قوزعالىسى وليمپيادا ءسوزىن ءوز اتاۋىندا قولدانۋعا قۇقىلى دەپ تانۋ تۋرالى مەموراندۋمعا قول قويدى. قازىرگى ۋاقىتتا 190-نان استام ەل سپەشيال وليمپيكس ينك. تىركەلگەن مۇشەسى. 1968 جىلدان باستاپ دۇنيەجۇزىلىك ارنايى وليمپياداعا, كەزەكپەن جازدا جانە قىس مەزگىلىندە 2 جىل سايىن 5,5 ميلليوننان استام سپورتشىلار 33 سپورت تۇرىنەن قاتىسادى. كوپتەگەن بەدەلدى ساياساتكەرلەر, سپورت جۇلدىزدارى جانە ەسترادا جۇلدىزدارى وسى قوزعالىستى بۇكىل الەمدە قولدايدى.
«سامۇرىق-قازىنا» قورى 2019 جىلدىڭ 8 ناۋرىزى مەن 22 ناۋرىزى ارالىعىندا بىرىككەن اراب امىرلىكتەرىنىڭ ابۋ-دابي قالاسىندا وتەتىن دۇنيەجۇزىلىك جازعى ارنايى وليمپياداعا قاتىساتىن سپەشيال وليمپيكس قازاقستاندىق سپورتشىلارىنا قولداۋ كورسەتپەكشى.
ولگا باحاراەۆا
«قازاقستان ارنايى وليمپياداسى» باس ديرەكتورى
