«1 شىلدەگە دەيىن ەڭ تومەنگى كۇنكورىس دەڭگەيى 14 849 تەڭگە بولادى. ال 1 شىلدەدەن باستاپ ول 20 789 تەڭگەگە كوتەرىلەدى. ياعني, ەگەر اتالعان كومەكتى وسى ۋاقىتقا دەيىن 571 مىڭ ادام الىپ كەلسە, ەندى ول 260 مىڭعا كوبەيىپ, 830 مىڭ قازاقستاندىقتىڭ اتاۋلى الەۋمەتتىك كومەك الۋعا مۇمكىندىگى بولادى. «ەگەر 4 بالالى جالعىز باستى وتباسى 1 شىلدەگە دەيىن تابىسى جوق بولعاننان سوڭ 63 مىڭ تەڭگە اتاۋلى الەۋمەتتىك كومەك الاتىن بولسا, ەندى 1 شىلدەدەن باستاپ ول 40 مىڭ تەڭگەگە كوبەيەدى. ياعني 103 945 تەڭگەگە جەتەدى. ال قوسىمشا تولەمدەردى ەسەپتەگەندە ول جانۇيانىڭ جالپى تابىسى ايىنا 114 448 تەڭگە بولادى», دەدى ول.
مينيستر اتاۋلى الەۋمەتتىك كومەكتى دايىنداۋ ءۇشىن وتباسىلاردىڭ جيىنتىق تابىسىندا دا وزگەرىس بولاتىنىن ايتتى. ء«بىرىنشى شىلدەدەن باستاپ بۇرىنعى ەسەپتەلىنىپ كەلگەن كوپبالالى وتباسىلارعا, التىن القا, كۇمىس القا يەگەرلەرى انالارعا, مۇگەدەك بالالار بار وتباسىلارعا بەرىلەتىن جاردەماقىلار جانە ستيپەنديالار 1 شىلدەدەن ەسەپتەلىنبەيدى», دەدى ب.ساپارباەۆ.
