2019 جىلعى 7 ناۋرىزدا اۋكتسيون وتەدى, بۇل رەتتە باستاپقى باعا الدىن الا جاريالانعان قاداممەن جوعارىلايدى جانە ەڭ جوعارى باعا ۇسىنعان تۇلعا جەڭىمپاز دەپ تانىلادى. رەسپۋبليكالىق مەنشىكتەگى نىسانداردىڭ قاتارىندا – ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى, ءو. بايقوڭىروۆ اتىنداعى جەزقازعان ۋنيۆەرسيتەتى, قازاق باس ساۋلەت-قۇرىلىس اكادەمياسى, الماتى ەنەرگەتيكا جانە بايلانىس ۋنيۆەرسيتەتى بار.
الماتى ەنەرگەتيكا جانە بايلانىس ۋنيۆەرسيتەتىنەن (33,65%) باسقا ۋنيۆەرسيتەتتەردىڭ 35% ۇلەسى ساتىلماق.
ساتىلاتىن نىسانداردىڭ باستاپقى باعاسى ءارتۇرلى. ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى 1 711 278 931,00 تەڭگە, ال كەپىلدىك جارنا – 75 750 000,00 تەڭگە باعامەن قويىلادى. وتىنىمدەر 7 ناۋرىز كۇنى تاڭعى ساعات 8-گە دەيىن, اۋكتسيون باستالۋدان 2 ساعات بۇرىن قابىلدانادى. ءو. بايقوڭىروۆ اتىنداعى جەزقازعان ۋنيۆەرسيتەتى 336 396 968,00 تەڭگە, قازاق باس ساۋلەت-قۇرىلىس اكادەمياسى - 2 522 061 695,00 تەڭگە, الماتى ەنەرگەتيكا جانە بايلانىس ۋنيۆەرسيتەتى- 1 401 617 089,00 تەڭگە دەپ باعالانىپ وتىر. سونداي-اق سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى 331 060 000,00 تەڭگە باستاپقى باعامەن ساۋداعا شىعارىلدى. وبەكت ەلەكتروندىق تەندەر ارقىلى ساتىلادى. وندا قاتىسۋشىلار ءتىزىلىمنىڭ ارنايى بولىنگەن ۆەب-بەتىندە جابىق ەلەكتروندىق كونۆەرتكە جۇكتەلەتىن ءوزىنىڭ باعا ۇسىنىستارىن مالىمدەيدى.
