باعدارلاما بويىنشا زاڭ سالاسىنىڭ 5 ماگيسترى «مەملەكەتتىك قۇقىق» جانە «جەكە قۇقىق» باعدارلامالارى بويىنشا PHD دوكتورانتۋراcىنا تەگىن تۇسەدى. جاس زەرتتەۋشىلەر 3 جىلدىق وقۋ مەرزىمىندە تۇرعىلىقتى جەرمەن قامتاماسىز ەتىلەدى. ديسسەرتاتسياسىن تابىستى قورعاعاننان كەيىن جۇمىسقا ورنالاسۋ مۇمكىندىگىنە يە بولادى.
«جاستار جىلىنىڭ اشىلۋىندا ەلباسى «جاس عالىمدارعا ءوز يدەيالارىن ناقتى جوبالارعا اۋدارۋعا كومەكتەسۋ كەرەك» دەپ اتاپ ءوتتى. سونىمەن قاتار ول جاس عالىمداردىڭ زەرتتەۋىنە بولىنگەن گرانتتار سانىن 3 ملرد تەڭگەگە كوبەيتۋدى تاپسىردى. ءبىز ءوز تاراپىمىزدان جاستار جىلىنا ۇلەسىمىزدى قوسساق دەيمىز. قازىر الەمنىڭ زاماناۋي ۋنيۆەرسيتەتتەرى ءبىلىم بەرۋ قىزمەتىنە ەمەس, عىلىمي-زەرتتەۋ سالاسىنا باسا ءمان بەرۋدە. سوندىقتان جاڭالىق اشۋعا, زەرتتەۋ جۇمىستارىن جۇرگىزۋگە قىزىعۋشىلىق تانىتقان جاس مامانداردى قولداۋ ماڭىزدى. بۇگىندە قۇقىق تاقىرىبىنداعى عىلىمي اقپاراتتىڭ كوبى شەت تىلدەرىندە بولعاندىقتان پراكتيكالىق تاجىريبەسى بار, قۇقىقتىق بولجام جاساي الاتىن عالىمداردى تاربيەلەپ شىعارعىمىز كەلەدى», - دەپ اتاپ ءوتتى م.س. نارىكباەۆ اتىنداعى قازگيۋ ۋنيۆەرسيتەتى جوعارى زاڭ مەكتەبىنىڭ ديرەكتورى سەرگەي پەن.
سونداي-اق, سەرگەي پەن ۇسىنىلعان گرانتتىق قولداۋدىڭ شارتتارى تۋرالى اڭگىمەلەپ بەردى: «كانديداتتارعا قويىلاتىن نەگىزگى تالاپتار: اعىلشىن نەمەسە نەمىس تىلدەرىن ءبىلۋ, ساپالى ءارى نەگىزدى زەرتتەۋ تاقىرىبى مەن بۇرىن جۇرگىزىلگەن ناتيجەلى زەرتتەۋ جۇمىستارىنىڭ بولۋى. بايقاۋدىڭ ءبىرىنشى كەزەڭىندە ۇمىتكەرلەردىڭ قۇجاتتارىن بايقاۋ كوميسسياسى سىرتتاي قارايدى, كەيىن جەكە سۇحباتقا شاقىرادى. كونكۋرستىڭ سىرتتاي كەزەڭى 2019 جىلدىڭ 30 ساۋىرىنە دەيىن, ۇمىتكەرلەرمەن سۇحبات 20 ماۋسىمعا دەيىن وتەدى. بارلىق قۇجاتتار www.kazguu.kz رەسمي سايتىنا ونلاين-فورما تولتىرۋ ارقىلى جىبەرىلەدى».
