قازاقستان • 21 اقپان، 2019

قورعالجىڭ قورىعىندا بالىق اۋلاۋعا تىيىم سالىندى

307 رەتكورسەتىلدى

مەليوراتسيالىق بالىق اۋلاۋ ەرەجەسىنىڭ بۇزىلۋىنا بايلانىستى 2019 جىلدىڭ 18 اقپانىنان باستاپ قورعالجىڭ مەملەكەتتىك تابيعي قورىعىنىڭ بارلىق اۋماعىندا مەليوراتسيالىق بالىق اۋلاۋعا رۇقسات بەرىلەتىن قۇجاتتارعا تىيىم سالىندى.

بەتپاقدالا پوپۋلياتسياسىنىڭ 2000-عا جۋىق كيىكتەرى وسى جەردىڭ كولدەرىنىڭ اۋماعىندا قىستايدى. سۋ ايدىنداردا بالىق اۋلاۋعا تىيىم سالۋ، كيىكتەرگە تونەتىن الاڭداتۋشىلىق پەن قاسقويلىكتەن الدىن الۋعا مۇمكىندىك بەرەدى.

بالىق اۋلاۋعا تىيىم سالىنعان زاڭنامانى بۇزعانى ءۇشىن اكىمشىلىك جانە قىلمىستىق جازا كوزدەلگەن.

قۇستاردىڭ سانىنىڭ ازايۋىنا بايلانىستى 16 اقپاننان باستاپ 14 ماۋسىمعا دەيىنگى مەرزىمدە كوكتەمگى اڭشىلىققا تىيىم سالىنىپ جانە كاسىپشىلىك اڭ اۋلاۋدان باسقا،ء بىر اڭشىعا شاققاندا جابايى قۇس پەن تەرىسى باعالى اڭنىڭ ءبىر ءتۇرىن الىپ قويۋدىڭ تاۋلىكتىك نورماسىن بەس داراققا دەيىن شەكتەۋ قويىلدى.

كوكتەمگى اڭ اۋلاۋ كەز كەلگەن ءتۇر قاتتى الاڭداتۋشىلىق تۋعىزىپ، ۇيا سالۋ ناۋقانىن كۇرت بۇزادى. بۇل رەتتە ەڭ الدىمەن بەلسەندى ءارى رەپرودۋكتيۆتىك جاعىنان باعالى اتالىقتار اتىپ الىنىپ، بۇل ءوز كەزەگىندە تۇرلەردىڭ گەندىك قورىن ناشارلاتادى.

كوكتەمگى اڭشىلىققا تىيىم سالۋعا بايلانىستى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسيا باسشىلارىنا كوكتەمگى مەرزىمدە قۇستاردىڭ سانى بويىنشا مونيتورينگ جۇرگىزۋگە تاپسىرما بەرىلدى.

كوكتەمگى اڭشىلىققا تىيىم سالۋ قۇستاردىڭ ونىمدىلىگىنە جانە ولاردىڭ سانىنىڭ وسۋىنە وڭ اسەرىن تيگىزۋدە.

سوڭعى ءۇش جىلدىڭ ىشىندە ۇيرەكتەردىڭ سانى 10%-عا، قاسقالداقتىڭ 5%-عا جانە قازدىڭ 13%-عا ءوستى. ينسپەكتورلاردىڭ باقىلاۋى بويىنشا جەرگىلىكتى ۇيرەكتەردىڭ تولىق ۇيا سالۋى انىقتالىپ، سۇڭگىش جانە باتپاقتى ۇيرەكتەردىڭ ەكىنشى رەت ۇيا سالۋى باقىلاندى. سۋ ايدىنداردا كەزىندە سيرەك كەزدەسەتىن قىزىل باس قارا ۇيرەك، جالپاقتۇمسىق ۇيرەك، سارىايدار ۇيرەك پەن سۇر ۇيرەكتەر توپتاپ پايدا بولا باستادى.

تىيىم سالىنعان اڭ اۋلاۋدى بۇزۋ بويىنشا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 382 بابى «جانۋارلار دۇنيەسىن پايدالانۋ تالاپتارىن جانە اڭ اۋلاۋ قاعيدالارىن بۇزۋ» بويىنشا اكىمشىلىك ايىپپۇل سالىنىپ نە اكىمشىلىك قۇقىق بۇزۋشىلىق زاتتارى جانە قۇرالى تاركىلەنۋ كوزدەلگەن.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار