«20 اقپان تاڭەرتەڭگى ساعات 07.30 شاماسىندا 6505 اسكەري ءبولىمىنىڭ 2-اتقىشتار باتالونىندا مەرزىمدى اسكەري بورىشىن وتەپ جۇرگەن قاتارداعى سارباز ءالىبي ساپا قىلمىستىق اتقارۋ جۇيەسى مەكەمەسىن كۇزەتۋ بويىنشا قىزمەتىن ورىنداۋ بارىسىندا ءوز باسىنا وق اتىپ الدى. سالدارىنان ول قازا بولدى», - دەپ ءمالىم ەتتى «ورتالىق» ايماقتىق قولباسشىلىعىنىڭ ءباسپاسوز قىزمەتىنەن.
كوز جۇمعان سارباز 2000 جىلى تۋعان. مەرزىمدى اسكەري قىزمەتكە 2018 جىلدىڭ جەلتوقسانىندا الماتى وبلىسى تالعار اۋدانىنىڭ قورعانىس ىستەرى جونىندەگى بولىمنەن شاقىرىلعان.
قازىرگى تاڭدا وقيعانىڭ ءمان-جايى انىقتالۋدا. ورتالىق ايماقتىڭ اسكەري-تەرگەۋ باسقارماسىنىڭ جەدەل تەرگەۋ توبى جۇمىس ىستەپ جاتىر. ولار قىزمەتتىك تەكسەرىس وتكىزۋدە. 6505 اسكەري ءبولىمىنىڭ قولباسشىلىعى قازا بولعان قاتارداعى اسكەري قىزمەتشى ءالىبي ساپانىڭ تۋعان-تۋىستارىنا قايعىرا كوڭىل ايتتى.
