الەم • 21 اقپان، 2019

قازاقستاندىق مەكتەپ وقۋشىلارى 2020 جىلى قىتايدا وتەتىن دۇنيەجۇزىلىك گيمنازياداعا قاتىسادى

282 رەتكورسەتىلدى

پارلامەنت ءماجىلىسى دەپۋتاتتارىنىڭ 2020 جىلى قىتايدا وتەتىن دۇنيەجۇزىلىك گيمنازياداعا قاتىستى جولداعان ساۋالىنا پرەمەر-مينيستر باقىتجان ساعىنتاەۆ جاۋاپ بەردى.

قازىرگى ۋاقىتتا ورتا ءبىلىم بەرۋ ۇيىمدارىندا بۇقارالىق سپورت تۇرلەرى بويىنشا مەكتەپ سپورت ليگاسى قۇرىلدى، ونىڭ كەزەڭدەرى مەكتەپىشىلىك، وڭىرلىك جانە رەسپۋبليكالىق دەڭگەيدە ىسكە اسىرىلۋدا. ءبىلىم جانە عىلىم مينيسترلىگى 2002 جىلدان باستاپ تۇراقتى نەگىزدە مەكتەپ وقۋشىلارى مەن كوللەدج وقۋشىلارىنىڭ 53-ءشى جازعى جانە 10-شى قىسقى سپورت تۇرلەرىنەن جازعى (قىسقى) سپارتاكيادالارىن وتكىزىپ كەلەدى.

«سوڭعى جىلدارى مەكتەپ سپورتىن دامىتۋدى ودان ءارى ىنتالاندىرۋ، سونداي-اق سپورت رەزەرۆىن دايىنداۋ ماقساتىندا مينيسترلىك 14-17 جاستاعى وقۋشىلارعا حالىقارالىق جارىستارعا قاتىسۋ ءۇشىن نەعۇرلىم كەڭ مۇمكىندىكتەر بەرۋ جونىندەگى شارالاردى پىسىقتاۋدا. وسىلايشا، مينيسترلىك قازاقستان رەسپۋبليكاسى مەكتەپ سپورت فەدەراتسياسىمەن بىرلەسىپ مەكتەپ سپورت ليگاسى مەن وقۋشىلار سپارتاكياداسى جەڭىمپازدارىنىڭ  2020  جىلى   قىتايداعى  دۇنيەجۇزىلىك   گيمنازياداعا قاتىسۋ ماسەلەسىن زەردەلەپ جاتىر»، دەلىنگەن ب. ساعىنتاەۆتان كەلگەن حابارلامادا.

پرەمەر-ءمينيستردىڭ ايتۋىنشا، دۇنيەجۇزىلىك گيمنازياداعا قاتىسۋ رەسپۋبليكالىق بيۋدجەتتەن قاجەتتى قارجى رەسۋرستارىن ءبولۋدى تالاپ ەتەدى. بۇگىنگى تاڭدا رەسپۋبليكالىق بيۋدجەتتە بۇل ماقساتتارعا قارجى كوزدەلمەگەن. وسىعان بايلانىستى دۇنيەجۇزىلىك گيمنازياداعا قاتىسۋ ءۇشىن بيۋدجەتتەن قارجى ءبولۋ زاڭنامادا بەلگىلەنگەن تارتىپپەن قارالاتىن بولادى.

جوعارىدا باياندالعاننىڭ نەگىزىندە ءبىلىم جانە عىلىم مينيسترلىگىنە اتقارىلعان جۇمىس جونىندە دەپۋتاتتىق كورپۋستى قوسىمشا حاباردار ەتۋ تۋرالى تاپسىرما بەرىلدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار