«بارىس» قحل-دىڭ شىعىس كونفەرەنتسياسىنىڭ ەكىنشى ورىنمەن اياقتاعان بولاتىن. ال «تورپەدو» ءوز الاڭىندا «تراكتوردان» ايلاسىن اسىرىپ, 7-ورىنعا تابان تىرەدى. وسىلايشا, ەكى كلۋب پلەي-وفف كەزەڭىندە ءبىر-بىرىنە قارسىلاس اتانباق.
پلەي-وفف ويىندارى 26 اقپاندا باستالادى. «بارىس» اۋەلى ەلوردادا سىنعا تۇسسە, كەيىننەن سىرتتا وينايدى. كەلەسى كەزەڭگە ءوتۋ ءۇشىن كوماندالار ءتورت ويىندا جەڭىسكە جەتۋى كەرەك. الدا-جالدا كوماندالار 4 ماتچتا جەڭىمپاز انىقتاي الماسا, 6,8 جانە 10 ناۋرىز كۇندەرى قوسىمشا ويىن وتكىزەدى.
جالپى, «تورپەدو» مەن «بارىس» بۇگىنگە دەيىن 24 مارتە كەزدەسكەن-ءدى. سونىڭ 13 ويىنىندا استانالىقتار باسىم تۇسسە, قالعانىندا «تورپەدونىڭ» باعى جانعان.
ويىندار كەستەسى:
26 جانە 28 اقپان – استانا, 19:30;
2 جانە 4 ناۋرىز – تومەنگى نوۆگورود,
استانا ۋاقىتى بويىنشا 20:00 جانە 22:00
ءتورت ويىننان كەيىن جەڭىمپاز انىقتالماعان جاعدايدا.
6 ناۋرىز – استانا, 19:30;
8 ناۋرىز – تومەنگى نوۆگورود, 20:00;
10 ناۋرىز – استانا, 19:30;
