ءمينيستردىڭ ايتۋىنشا, ەكسپورتقا باعدارلانعان كومپانيالارعا مەملەكەت باسشىسىنىڭ تاپسىرماسىنا سايكەس قارجىلىق قولداۋدان تىس كومەك شارالارى كورسەتىلەدى.
«ەكسپورتتاۋشىلارعا قولداۋدىڭ سەرۆيستىك شارالارىن كۇشەيتۋ اياسىندا قحر, ءباا جانە يراننان ينسپەكتسيالىق كوميسسيالاردى قازاقستاندىق ەكسپورتتاۋشى كاسىپورىندارعا شاقىرۋ ارقىلى ولاردىڭ نارىقتارىنا وڭاي شىعۋدى قامتاماسىز ەتۋ جوسپارلانعان», - دەدى ج.قاسىمبەك.
ونىڭ دەرەگىنشە, 2019-2021 جىلدارى ەكسپورتتاۋشىلاردى قولداۋ شارالارىن كۇشەيتۋ ءۇشىن 500 ملرد تەڭگە جۇمسالادى. اتالعان سومانىڭ 470 ملرد تەڭگەسى قارجىلىق, ال 30 ملرد تەڭگەسى قارجىلىق ەمەس شارالاردى قۇرايدى. قارجىلىق جانە سەرۆيستىك شارالاردى كۇشەيتۋ اكىمشىلىك جانە ساۋدا كەدەرگىلەرىن ەڭسەرۋگە مۇمكىندىك بەرەدى. بيزنەسكە الەۋەتتى ساتىپ الۋشىنى تاڭداۋعا, كولىك شىعىندارىن تومەندەتۋگە جول اشادى.
«جوعارىدا اتالعان شارالاردى تابىستى جۇزەگە اسىرعان جاعدايدا شيكىزاتتىق ەمەس تاۋار ەكسپورتىنىڭ كولەمىن 2020 جىلعا قاراي 1,5 پايىزعا, 22,4 ملرد دوللارعا جەتكىزۋ جوسپارلانادى»,- دەدى مينيستر.
