بۇگىندە ەلىمىزدە تۇرعىن ءۇي ماسەلەسىن شەشۋگە باعىتتالعان بىرنەشە باعدارلاما بار. مەملەكەتتەن سۋبسيديا الۋ ارقىلى «نۇرلى جەر» باعدارلاماسى بويىنشا تۇرعىن ۇيگە قول جەتكىزۋگە بولادى. باعدارلاماعا قازاقستان رەسپۋبليكاسىنىڭ كەز كەلگەن ازاماتى قاتىسا الادى. بۇل ءۇشىن:
- بانككە نارىقتان باستاپقى تۇرعىن ءۇي ساتىپ الۋ ماقساتىندا جەڭىلدەتىلگەن كرەديت الۋ ءۇشىن يپوتەكالىق قارىز الۋعا قۇجاتتاردى (باستاپقى تۇرعىن ءۇيدىڭ جانە ءوزىنىڭ جەكە قۇجاتتارى) جانە سۋبسيديا الۋعا ءوتىنىش بەرۋى ءتيىس;
- ىشكى قۇجاتتارىمەن بەلگىلەنگەن پروتسەدۋرالارعا سايكەس بانك تولەم قابىلەتتىلىگىن جانە ۇسىنعان كەپىلدىكتى باعالايدى;
- يپوتەكالىق قارىز بەرۋ تۋرالى وڭتايلى شەشىم قابىلدانعان جاعدايدا, بانك 3 جۇمىس كۇنى ىشىندە قازاقستان يپوتەكالىق كومپانياسىنا سۋبسيديا بەرۋ تۋرالى قولداۋحات جولدايدى;
- يپوتەكالىق كومپانيا 5 جۇمىس كۇنى ىشىندە قۇجاتتاردىڭ باعدارلاما تالاپتارىنا سايكەستىگىن تەكسەرەدى جانە سۋبسيديالاۋ تۋرالى شەشىم قابىلدايدى;
- شىعارىلعان شەشىمنىڭ نەگىزىندە بانك قارىز الۋشىمەن بانكتىك قارىزى, تولەۋ كەستەسىن, يپوتەكالىق كەلىسىمىن جاساسادى.
بۇل باعدارلاما بويىنشا استانا, الماتى قالالارىنداعى تۇرعىن ءۇيدىڭ ءار شارشى مەترىنىڭ باعاسى 180 مىڭ تەڭگە, ال ەلىمىزدىڭ باسقا ايماقتارىندا 140 مىڭ تەڭگە بولماق.
بۇگىندە تۇرعىن ءۇي باعدارلامالارىنىڭ ىشىندەگى ەڭ ءتيىمدىسى – «نۇرلى جەر» باعدارلاماسى. ويتكەنى نەسيە مولشەرلەمەسى 5%. ساتىپ الاتىن ءۇيىڭىزدىڭ تولىق باعاسىنىڭ 20%-ىن تولەپ, 3 جىلدان 25 جىلعا دەيىن نەسيە الۋ مۇمكىندىگى بار.
ودان بولەك, بانكتىڭ قۇرىلىس كومپانيالارىمەن بىرلەسكەن «7-20-25» باعدارلاماسى بار. بۇل باعدارلامانىڭ «نۇرلى جەردەن» ايىرماشىلىعى – نەسيە مولشەرلەمەسىنىڭ 7% بولۋىندا. بۇل باعدارلاما «بانك تسەنتركرەديت», «اتف بانك», «ەۋرازيالىق بانك», «RBK بانك», «حالىق بانك» سىندى بىرقاتار بانكپەن سەرىكتەستىك ارقىلى جۇزەگە اسىرىلادى. تولىق سومانىڭ 20%-ى تولەنگەن تۇرعىن ءۇيدىڭ قالعان اقىسى 25 جىلعا دەيىن اتالعان بانكتەر ارقىلى نەسيەگە بەرىلەدى.
جوعارىدا ايتىلعان باعدارلامالار ارقىلى ءۇي الۋ ءۇشىن قتقجب بانكىنىڭ سالىمشىسى بولۋى قاجەت. بانك دەپوزيتتەرىنىڭ كولەمى ءارتۇرلى. سوعان بايلانىستى اي سايىنعى جارنانىڭ دا مولشەرى بەلگىلەنگەن.
دايىنداعان سۆەتلانا عالىمجانقىزى,
«Egemen Qazaqstan»
