ەكى ەلدىڭ ۆەتەرينارلىق قىزمەتتەرى 2018 جىلى ۆاكۋمدىق پاكەتتە مۇزداتىلعان جانە سالقىنداتىلعان سيىر ەتىنىڭ ۆەتەرينارلىق سەرتيفيكاتىن بەكىتتى.
بىلتىردان باستاپ ەلىمىزدە ەتتى مال شارۋاشىلىعىن دامىتۋ باعدارلاماسى اۋقىمدى جۇزەگە اسا باستادى. ونىڭ نەگىزىنەن شاعىن جانە ورتا كاسىپورىندار قۇرايدى. سونداي-اق ارنايى جەڭىلدىكتى نەسيە بەرەتىن «سىباعا» باعدارلاماسى ىسكە قوسىلدى. جالپى 2018 جىلى 20 مىڭ تونناعا جۋىق ەت ەكسپورتتالعان. كورسەتكىش 2017 جىلمەن سالىستىرعاندا 3,6 پايىزعا ارتىق. ال بيىل كەمى 30 مىڭ توننا ەتتى شەتەلگە جونەلتۋ جوسپارلانىپ وتىر. وتاندىق كاسىپورىندار ءۇشىن ەت ەكسپورتى وتە ءتيىمدى. سيىر ەتىن ەكسپورتتاۋ ەسەبىنەن تەك تاۋار وندىرۋشىلەرگە ورتاشا ەسەپپەن 27 ميلليارد تەڭگە بەرىلدى.
بۇگىنگى كۇنى ەلىمىزدىڭ مال مەن ەت ونىمدەرىنە شەت مەملەكەتتەردەن سۇرانىس ارتقان. ونىڭ قاتارىندا ازەربايجان, ارمەنيا, باحرەين, ۆەتنام, گەرمانيا, كۋۆەيت, قىرعىزستان, تۇركيا, ءباا سياقتى كوپتەگەن مەملەكەتتەر بار. ال قىتايمەن بالىق جانە ەت ونىمدەرىنىڭ ەكسپورتىن 20-30 پايىزعا دەيىن ارتتىرۋ ماقساتىندا كەلىسىم جاسالدى.
