وسى جارىستا قازاقستاننىڭ ءۇش بىردەي بەلدى سپورتشىسى كۇش سىناسادى دەپ كۇتىلۋدە. ولار – شاۆقات راحمونوۆ, ارمان ءاشىموۆ جانە اسۋ الماباەۆ. بۇل جىگىتتەردىڭ ۇشەۋىنىڭ دە ەسىمدەرى جانكۇيەرلەرگە جاقسى تانىس. ماسەلەن, كەزىندە ايەسقويلار اراسىندا جاسىنداي جارقىراعان 24 جاستاعى شاۆقات راحمونوۆ كاسىپقويلار سايىسىندا دا ەشكىمگە ەسە جىبەرگەن ەمەس. قانداسىمىز ءوزىنىڭ 10 كەزدەسۋىنىڭ بارلىعىن مەرزىمىنەن بۇرىن اياقتادى. ءتۇرلى نۇسقالار بويىنشا چەمپيوندىق بەلبەۋلەردى يەلەندى. ول جارتىلاي ورتا سالماقتا جۇدىرىقتاسادى.
كيكبوكستىڭ حاس شەبەرى 27 جاستاعى ارمان ءاشىموۆ ەرەجەسىز جەكپە-جەكتەن وتكەن تالاي جارىستا توپ جاردى. وسى كۇنگە دەيىن ول 9 كەزدەسۋدە جەڭىسكە جەتىپ, ۇشەۋىندە ۇتىلدى. بىلتىرعى جىلدىڭ باسىندا م-1 نۇسقاسى بويىنشا الەمنىڭ ۋاقىتشا چەمپيونى اتاعىن يەلەنگەن بولاتىن. الايدا سول جىلى قازاق سپورتشىسى ۋكراينالىق الەكساندر دوسكالچۋكپەن ايقاسىپ جاتىپ, قولىن سىندىرىپ الدى. سونىڭ سالدارىنان التىن بەلبەۋدەن ايىرىلدى.
25 جاستاعى اسۋ الماباەۆتىڭ دا العان اسۋلارى از ەمەس. مما-دا ول 11 ايقاس وتكىزىپ, 9 رەت ۇستەمدىك تانىتتى. 6 مارتە ايقىن باسىمدىققا يە بولدى.
عالىم سۇلەيمەن,
«Egemen Qazaqstan»
