سالىق كودەكسىنىڭ 363-بابىنىڭ 2-تارماعىنا سايكەس جەكە تابىس سالىعى جانە م ۇلىك بويىنشا دەكلاراتسيانى پارلامەنت دەپۋتاتتارى, سۋديالار, سونداي-اق «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا, قازاقستان رەسپۋبليكاسىنىڭ قىلمىستىق-اتقارۋ كودەكسىنە جانە «سىبايلاس جەمقورلىققا قارسى ءىس-قيمىل تۋرالى» قازاقستان رەسپۋبليكاسىنىڭ زاڭىنا سايكەس دەكلاراتسيانى تابىس ەتۋ بويىنشا مىندەتى جۇكتەلگەن جەكە تۇلعالاردىڭ ساناتتارى ۇسىنادى.
بۇدان باسقا, وسى دەكلاراتسيانى جىل سايىن مەملەكەتتىك لاۋازىم اتقاراتىن ادامنىڭ جۇبايى (زايىبى) تابىس ەتۋگە مىندەتتى.
تەرىس سەبەپتەرمەن مەملەكەتتىك قىزمەتتەن بوساتىلعان ادامدار بوساتىلعاننان كەيىن ءۇش جىل ىشىندە تۇرعىلىقتى جەرى بويىنشا مەملەكەتتىك كىرىستەر ورگانىنا تابىستارى مەن مۇلكى تۋرالى دەكلاراتسيا تاپسىرادى.
دەكلاراتسيا ورنالاسقان (تۇرعىلىقتى) جەرى بويىنشا مەملەكەتتىك كىرىستەر ورگانىنا ەسەپتى جىلدان كەيىنگى جىلدىڭ 31 ناۋرىزىنان كەشىكتىرىلمەي تابىس ەتىلەدى. مىسالى, 2018 جىلعا دەكلاراتسيانى 2019 جىلدىڭ 31 ناۋرىزىنان كەشىكتىرمەي ۇسىنۋ قاجەت.
مەملەكەتتىك لاۋازىم اتقاراتىن ادامدار ءتيىستى مەملەكەتتىك كىرىستەر ورگاندارىنا دەكلاراتسيانى تاڭداۋى بويىنشا قاعاز شىعارىپ اكەلۋ تارتىبىمەن, پوشتا ارقىلى حابارلاماسى بار تاپسىرىس حاتپەن, ەلەكتروندىق تۇردە بەرۋگە قۇقىلى.
