ايماقتار • 20 اقپان، 2019

الماتى حالقى جىلىنا 50 مىڭ ادامعا كوبەيىپ كەلەدى

306 رەتكورسەتىلدى

ەلىمىزدەگى ەڭ الىپ مەگاپوليس سانالاتىن الماتىنىڭ اۋماعى جىل سايىن ارتىپ كەلەدى. تۇرعىندار سانى دا ەسەلەپ وسۋدە. بۇل تۋرالى قالا جۇرتشىلىعىمەن جۇزدەسكەن شاھار باسشىسى ايتتى.

باۋىرجان بايبەكتىڭ ايتۋىنا قاراعاندا، الماتى حالقى جىلىنا 50 مىڭ ادامعا كوبەيىپ كەلەدى. حالىقتىڭ الەۋمەتتىك الەۋەتىن ارتتىرۋ مەن جۇمىسپەن قامتۋ ماسەلەسىن وڭتايلى شەشۋ ماسەلەسى باستى نازاردا بولۋعا ءتيىس.

«قالاداعى ءومىر ءسۇرۋ ساپاسىنىڭ جوعارىلىعى جۇرتشىلىقتى وسىندا كوشىپ كەلۋگە ىنتالاندىرادى. بۇل قارقىنمەن 15 جىلدا الماتى حالقى 3 ميلليوننان اسۋى ىقتيمال. بىزگە ەكونوميكانى قايتا قۇرىلىمداۋ كەرەك. 700 مىڭ جاڭا جۇمىس ورنى قاجەت. كوپتەگەن ساۋدا جەلىلەرى ءوز قىزمەتتەرىن اۆتوماتتاندىرىپ جاتىر. ادامداردىڭ كوپشىلىگى جۇمىس تاپشىلىعىنا دۋشار بولادى. ولار سوندا قايدا بارادى؟ ولاردى وقىتۋ جايىن ويلانۋ قاجەت»، – دەيدى اكىم.

تۇرعىندارمەن كەزەكتى ەسەپتىك كەزدەسۋ بارىسىندا باسا ايتىلعان تاعى ءبىر ماسەلە – قالا ەكولوگياسىنىڭ لاستانۋى. سوڭعى جىلدارى مەگاپوليستەگى كولىكتەردى ازايتۋ ماقساتىنداعى شارالاردىڭ قولعا الىنعانىنا قاراماستان، كولىك سانى ازايار ەمەس. بۇل كۇننەن-كۇنگە اۋانىڭ لاستانۋىنا اكەلىپ وتىر.

اۋا لاستانۋىنىڭ 70 پايىزى كولىكتەردەن بولىنەتىن ۋلى گازداردىڭ سەبەبىنەن ەكەنى ايتىلدى.

ارمان وكتيابر،

«ەگەمەن قازاقستان»

الماتى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار