كەلىسىم ەكى مەملەكەتتىڭ مۇناي-گاز, مۇناي-گاز-حيمياسى جانە ەلەكتر ەنەرگەتيكاسى سالاسىنداعى ىنتىماقتاستىعىن ىنتالاندىرۋدى, وزبەكستان رەسپۋبليكاسىنا شيكى مۇنايدىڭ جەتكىزىلۋىن ۇلعايتۋدى, سونداي-اق, قازاقستاننىڭ وڭتۇستىگىن كۇزگى-قىسقى كەزەڭدە تابيعي گازبەن ۇزدىكسىز جابدىقتاۋدى كوزدەيدى.
بۇگىنگى وتىرىستا مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى دەپۋتاتتىق زاڭ جوباسى ءبىرىنشى وقىلىمدا ماقۇلداندى.
زاڭ جوباسىنىڭ نەگىزگى نورمالارى كونكۋرستىق ىرىكتەۋدەن وتكەن جانە ءتيىستى جەرگىلىكتى اتقارۋشى ورگانداردىڭ باسشىلارى لاۋازىمىنا تاعايىندالاتىن كانديداتۋرالاردى ورتالىق اتقارۋشى ورگاندارمەن مىندەتتى كەلىسۋ تۋرالى نورمالاردى قولدانىستاعى بىرقاتار زاڭداردان الىپ تاستاۋعا, كونكۋرستىق كوميسسيا مەن بىرىڭعاي كونكۋرستىق كوميسسيا قۇرۋ ءتارتىبىن ناقتىلاۋ جولىمەن كونكۋرستىق راسىمدەردى جەتىلدىرۋگە, ۋاكىلەتتى ورگاننىڭ مەملەكەتتىك قىزمەتشىلەردى باسقا مەملەكەتتىك ورگاندارعا ىسساپارعا جىبەرۋ ءتارتىبىن ازىرلەۋ جونىندەگى فۋنكتسيالارىن بەكىتۋگە, مەملەكەتتىك قىزمەتتى توقتاتۋ جانە قايتا باستاۋ مەرزىمدەرىن ناقتىلاۋعا, سىناق مەرزىمىن ەسەپتەۋ مەن وتكىزۋ ءتارتىبىن ناقتىلاۋعا, مىندەتتى ارنايى تەكسەرۋ جۇرگىزۋ ءتارتىبىن ناقتىلاۋعا, ساياسي مەملەكەتتىك قىزمەتشىلەردى, سونداي-اق «ا» كورپۋسىنىڭ كادر رەزەرۆىندەگى ادامداردى «ا» جانە «ب» كورپۋسىنىڭ مەملەكەتتىك اكىمشىلىك لاۋازىمدارىنا تاعايىنداۋ ءتارتىبىن ناقتىلاۋعا باعىتتالعان.
سونىمەن قاتار, بۇگىنگى وتىرىستا پالاتا تاجىكستان, قىرعىز, قازاقستان رەسپۋبليكالارى مەن يسمايليتتەر يماماتى اراسىنداعى ورتالىق ازيا ۋنيۆەرسيتەتىن قۇرۋ جونىندەگى شارتقا حاتتامانى راتيفيكاتسيالاۋ تۋرالى زاڭ جوباسىمەن بەيىندى كوميتەتكە جۇمىستى جالعاستىرۋ جونىندە تاپسىردى.
سونداي-اق, ءماجىلىستىڭ جالپى وتىرىسىندا «قورعانىس ونەركاسىبى جانە مەملەكەتتىك قورعانىستىق تاپسىرىس تۋرالى» زاڭ جوباسىن سەنات ەنگىزگەن وزگەرىستەر مەن تولىقتىرۋلاردى قارادى.
