18 اقپاننان باستاپ كورسەتىلە باستاعان جاڭا قىزمەت ءتۇرىن پايدالانۋ ءۇشىن شەتەلدىك ازاماتتىڭ وزىمەن بىرگە كەلەسى قۇجاتتارى بولۋى ءتيىس:
- قازاقستان ايماعىنا كىرۋگە ۆيزاسى بار شەتەلدىكتىڭ نە ازاماتتىعى جوق ادامنىڭ جەكە باسىن كۋالاندىراتىن جارامدى قۇجاتى;
- شەكارانى كەسىپ وتكەنى تۋرالى بەلگىسى بار كوشى-قون كارتوچكاسى;
- ەركىن تۇردە جازىلعان قولداۋحات.
قىزمەت الۋشىلار قازاقستان ايماعىنا 6 ايدان ارتىق مەرزىمگە كەلەتىن بولسا, قوسىمشا تولتىرىلعان 2 مەكەنجايعا كەلۋ پاراعىن, كەلۋ پاراعىنا تولتىرىلعان ستاتيستيكالىق ەسەپكە الۋ تالونى مەن 3,5*4,5 كولەمىندەگى ءبىر فوتوسۋرەت تاپسىرۋى كەرەك.
ميگراتسيالىق حقو ارقىلى شەتەلدىكتەر ءبىر كۇننىڭ ىشىندە تىركەۋگە تۇرا الادى. مۇنداي ورتالىق مەملەكەتتىك قىزمەتتەردى جىلدام ءارى ەش كەدەرگىسىز الۋعا مۇمكىندىك بەرەدى, جەمقورلىق ارەكەتىنە جول بەرمەيدى.
جاڭادان قوسىلعان قىزمەتتەن بولەك, مۇندا شەتەلدىكتەر جۇمىس ىستەۋگە رۇقسات بەرەتىن قۇجاتتى الىپ, قر اۋماعىنا ۋاقىتشا كەلەتىندەر جەكە سايكەستەندىرۋ ءنومىرىن راسىمدەي الادى. ەستەرىڭىزگە سالا كەتەيىك, ەلىمىزدىڭ 13 قالاسىندا كوشى-قون قىزمەتتەرىنىڭ ورتالىعى جۇمىس ىستەيدى. تاعى ءتورت (پاۆلودار, وسكەمەن, تاراز, تۇركىستان وبل.) ميگراتسيالىق حقو جىل سوڭىنا دەيىن اشىلاتىن بولادى.
