تەلەحيكايانىڭ پروديۋسەرى, «قازاقستان» رترك اق اقتوبە فيليالىنىڭ ديرەكتورى ەرنۇر بۋراحاننىڭ ايتۋىنشا, اتالمىش جوبا «جاستار جىلى» اياسىندا, سونداي-اق, اقتوبە قالاسىنىڭ 150 جىلدىعىنا وراي «قازاقستان رترك» اق باسشىلىعىنىڭ قولداۋىمەن جۇزەگە اسىرىلۋدا.
«Welcome to Aqtobe» ءومىر, دوستىق, شىنايى دوستىقتىڭ قالىپتاسۋى, ماحاببات پەن ساتقىندىق تۋرالى اڭگىمەلەيدى, جالپى العاندا, اقتوبەدەگى ستۋدەنت جاستاردىڭ وزەكتى ماسەلەلەرىن كورسەتەدى. حيكايانىڭ سەگىز كەيىپكەرى اقتوبەگە اۋدان ورتالىقتارىنان, قازاقستاننىڭ ءارتۇرلى قالالارىنان, سونداي-اق, شەتەلدەن كەلگەن. كارتينانىڭ نەگىزگى ارەكەتتەرى ستۋدەنتتەر جاتاقحاناسىنىڭ ءتورت قىز جانە ءتورت جىگىت تۇراتىن ەكى بولمەسىندە وتەدى. فيلمدە كەيىپكەرلەر تۇرلى جاعدايلارعا تاپ بولىپ, ورىن العان وقيعالارعا ار ءتۇرلى جاۋاپ بەرەتىن بولادى. ون سەريانىڭ ىشىندە ءاربىر ارەكەت ەتۋشى تۇلعانىڭ سيپاتى مەن تاعدىرى اشىلىپ, كورەرمەندەر كەيىپكەرلەردىڭ ءىس-ارەكەتىنە قاراپ-اق ولاردىڭ ارقايسىسىنىڭ جەكە باسىن بىلە الاتىن بولادى», - دەيدى پروديۋسەر سيۋجەتتىڭ جەلىسى تۋرالى.
يدەيانىڭ اۆتورى ازامات ايناعۇلوۆ, ستسەناريىن جازعان وركەن مۇقاقوۆ.
«بۇل ءجۇز پايىز اقتوبەلىك ءونىم. ءبىز ونى بارىنشا شىنايى ءارى قىزىقتى ەتۋگە تىرىسامىز. جوبا باسشىلىعىنىڭ باستى شارتتارىنىڭ ءبىرى - فيلم اقتوبە قالاسىندا جاسالىپ, وعان تەك اقتوبەلىك اكتەرلەر عانا ءتۇسىرىلۋى ءتيىس بولدى. كاستينگكە 180 ادام قاتىستى. ءبىز ءبىرىنشى ءبولىمدى ءتۇسىرىپ بولدىق, ازىرگە ءبارى جاقسى شىعۋدا. ونىڭ ۇستىنە مۇندا كاسىپقويلاردان قۇرالعان كوماندا جۇمىس ىستەيدى. ءبىز 2019 جىلدىڭ مامىر - ماۋسىم ايلارىندا ءفيلمنىڭ ءبىرىنشى ماۋسىمىن كورسەتەمىز, ەگەر ءونىم كورەرمەنگە ۇناپ جاتسا, جوبا جالعاسى بولۋى مۇمكىن. ءبىزدىڭ ماقساتتى اۋديتوريامىز 15-45 جاس ارالىعى. مەنىڭ ويىمشا, اقتوبە قالاسى بۇرىننان كوركەم فيلمدەر جاساۋ ءۇشىن ءپىسىپ جەتىلدى, قازىر بۇل ءۇشىن بارلىق العىشارتتار بار», - دەدى جوسپارلارىمەن بولىسكەن جوبا رەجيسسەرى مارات تەلەۋوۆ .
تەلەحيكايا ورىس تىلىندەگى سۋبتيترلەرمەن قازاق تىلىندە كورسەتىلەتىن بولادى.
