«ەرەسپال» پرەپاراتىنىڭ بالامالارى دا بار. ولار - ۋكراينالىق «ينسپيرون» جانە تۇركيالىق «تيرفينس» پرەپاراتتارى. ءبىز «ەراسپولدى» كەرى اقتارىپ الساق, مىنا پرەپاراتتاردىڭ ساتىلىمىن زاڭناماعا سايكەس ۋاقىتشا توقتاتتىق. مۇمكىن كوبىندە الىپ تاستاعان شىعار. كەيبىرىندە ءالى بار. بۇل نە دەگەنمەن دە ادامي فاكتور عوي. مۇمكىن بىرەۋلەر ەستىمەگەن شىعار. ونداي دا بولۋى مۇمكىن», - دەدى دەنساۋلىق ساقتاۋ مينيسترلىگى فارماتسيا كوميتەتى توراعاسىنىڭ ورىنباسارى نۇرلىبەك اسىلبەكوۆ.
بۇل رەتتە ول مالىمدەگەندەي, كەرى قايتارىپ الۋ ءراسىمى جەتىلدىرىلۋدە.
«ونىڭ ۇستىنە, قازىر, سىزدەر, ەستىگەن بولارسىزدار, مەديكامەنتتەردى باقىلاۋدىڭ پيلوتتىق جوباسى ازىرلەنۋدە. سول كەزدە ءدارىنىڭ ساتىلىمىن توقتاتا تۇرۋ تۋرالى حابار, مەن ويلايمىن, لەزدە تارايتىن بولادى دەپ», - دەپ سانايدى فارماتسيا كوميتەتى باسشىسىنىڭ ورىنباسارى.
حاباردا اتاپ وتىلگەندەي, ساتىلىمنان الىپ تاستالعان پرەپاراتتاردىڭ كولەمىنىڭ قانشا ەكەنى, قانشا تابلەتكا مەن ءشاربات شىنىسىنىڭ قولعا كەتكەنى تۋرالى فارماتسيا كوميتەتى بىلمەيدى, الايدا پرەپاراتتار دارىگەردىڭ نۇسقاماسى بويىنشا عانا ساتىلادى.
«بۇل باقىلاۋ جۇيەسى دە جەتىلدىرىلۋدە», - دەلىنگەن حاباردا.
ازىرگە ناۋقاستارعا اتالمىش دارىلەردى قولدانۋدى توقتاتىپ, دارىگەرىمەن كەڭەسۋ ۇسىنىلۋدا.
«مۇنداي اقپاراتتىق جۇيە ازىرگە قالىپتاستىرىلۋدا. 20-شى جىلدان باستاپ ءبىز دارىگەردىڭ بارلىق نۇسقاماسىن ەلەكتروندى ەتۋدى جوسپارلاپ جاتىرمىز. مىنە سول كەزدە ءبىز ونى كورەتىن بولامىز», - دەدى ن. اسىلبەكوۆ.
ەسكە سالساق, 14 اقپاندا فرانتسيا ءدارىحانالارىنان الىنىپ تاستالىپ جاتقان اسا قاۋىپتى «ەرەسپال» ءدارىسىنىڭ قازاقستاندا ساتىلىپ جاتقانى حابارلانعان ەدى. حاباردا اتاپ وتىلگەندەي, «ەرەسپال» جۇرەك جۇمىسىن بۇزىپ, ونىڭ توقتاۋىنا دا جەتكىزەتىن اسا قاۋىپتى پرەپارات. سول كۇنى بەلگىلى بولعانداي,قازاقستاندىق بيلىك اسا قاۋىپتى پرەپاراتتىڭ تىركەۋ كۋالىگىن كەرى قايتارىپ العان. سونىمەن قاتار, دەنساۋلىق مينيسترلىگىندە حابارلاعانداي, ەۋروپالىق ءدارى-دارمەك اگەنتتىگىنىڭ قۇرامىنا كىرەتىن فارمباقىلاۋ سالاسىنداعى قاۋىپتەردى باعالاۋ كوميتەتىنەن ناقتى ۇسىنىس العانعا دەيىن قازاقستاننىڭ مەملەكەتتىك ءدارى-دارمەك تىزىلىمىندە تىركەلگەن قۇرامىندا منن فەنسپيريدى بار باسقا دا پرەپاراتتاردىڭ تىركەۋ كۋالىكتەرىن توقتاتا تۇرۋ تۋرالى ۇسىنىس جاسالدى.
