«بۇقارالىق اقپارات قۇرالدارىن اككرەديتاتسيالاۋ ەرەجەلەرىنىڭ جوباسىن ەرەكشە اتاپ وتكىم كەلىپ وتىر. ۆيتسە-مينيستر نۇرگۇل وسەربايقىزى ماۋبەرلينوۆاعا اتالعان جوبانى كەڭىنەن تالقىلاۋدى تاپسىرامىن. جۋرناليستەردىڭ بارلىق ۇسىنىستارى مەن ەسكەرتۋلەرىن قامتۋ قاجەت. اككرەديتاتسيالاۋ ەرەجەلەرى تەك كونسەنسۋس نەگىزىندە عانا قابىلدانۋى شارت. بۇقارالىق اقپارات قۇرالدارىنىڭ پىكىرلەرىن بارىنشا ەسكەرۋ كەرەك» دەدى د.اباەۆ.
ەستەرىڭىزگە سالا كەتسەك, كەشەگى ۇكىمەت وتىرىسىنان كەيىن مينيستر جۋرناليستەردى اككرەديتاتسيادان وتكىزۋ جانە تاقىرىپ بويىنشا پىكىر بىلدىرگەن بولاتىن. ءمينيستردىڭ ايتۋىنشا, جۋرناليست ناقتى ءبىر ماماننىڭ قۇزىرەتىنە جاتاتىن كەز كەلگەن سۇراقتى قويۋعا قۇقىلى. بىراق ءىس-شارا باسقا تاقىرىپ بويىنشا ءوتۋى مۇمكىن. ال مودەراتور سول تاقىرىپ بويىنشا سۇراق قويۋعا تالاپ ەتەدى.
«ەندى مودەراتور الدىن الا تاقىرىپتى جاريالاپ, تەك سوعان قاتىستى سۇراق قويۋعا ءوتىنىش جاساي الادى. وندا تۇرعان ەشتەڭە جوق دەپ ويلايمىن. بىراق ءىس-شارادان كەيىن مامان, يا بولماسا, شەنەۋنىك ءوز قۇزىرەتىنە جاتاتىن كەز كەلگەن سۇراققا جاۋىپ بەرۋگە مىندەتتى. ول ءۇشىن ءجۋرناليستىڭ اككرەديتاتسياسىن ەشكىم الىپ قويمايدى. اككرەديتاتسيا تۋرالى ەرەجەلەردە ىڭعايسىز سۇراقتارعا قاتىستى ەشتەڭە جازىلماعان» دەدى د.اباەۆ جۋرناليستەرگە بەرگەن سۇxباتىندا.
ءمينيستردىڭ قاراعاندا, ەرەجەدە ىڭعايسىز سۇراقتارعا قاتىستى ەشتەڭە جازىلماسا دا, مودەراتوردىڭ ءتارتىبى ساقتالماعان جاعدايدا ءجۋرناليستتى اككرەديتاتسيادان ايىرۋ ماسەلەسى بار.
ءبىز ونى الىپ تاستايتىن شىعارمىز. سوسىن اككرەديتاتسيادان وتكەن ءجۋرناليستردىڭ سانىنا قاتىستى ءبىر ماسەلە بار. ءبىز بارلىق رەداكتسيالاردى قامتۋعا تىرىسامىز. بىراق كەي باسىلىمدار 5-7 ءجۋرناليستى اككرەديتاتسياعا جىبەرەدى. سودان ورىن جەتپەي جاتادى. ول جاعىن دا قاراستىرامىز. اككرەديتاتسيا ءۇشىن ءجۋرناليستىڭ كەلىسىمشارتىن كورسەتۋ مىندەتىن دە الىپ تاستايمىز» دەپ اتاپ كورسەتتى د.اباەۆ.
وسى ورايدا مينيستر جۋرناليستەردى جازباشا ۇسىنىس بەرۋگە ۇندەدى. اتالعان تاقىرىپتى كەڭىنەن تالقىلاۋ ءۇشىن ارنايى جينالىس تا وتكىزۋگە كەلىستى
