«استانا – ءتۇرلى دارىندار مەن تالانتتاردىڭ ورداسىنا اينالۋى كەرەك. بۇل ەلباسىمىزدىڭ ارتىپ وتىرعان مىندەتى. جاقىندا جاستار ءىسى جونىندەگى كەڭەستىڭ جيىنىنا قاتىستىم. وندا جاستارمەن پىكىرلەسىپ, ءتۇرلى مۇمكىندىكتەردى ەكشەدىك, ماڭىزدى باسىمدىقتاردى انىقتادىق. ءسويتىپ, ەلباسىمىزدىڭ بىزگە قويعان تالاپتارىنا ساي, «استانا جاستارى-2019» جول كارتاسىن ازىرلەدىك», دەدى ب.سۇلتانوۆ.
ونىڭ ايتۋىنشا, قۇجاتقا ەنگەن شارالار جاستاردى دۇرىس باعىتقا جەتەلەۋ جانە بويىنداعى تالانتىن تانىپ, تامىرىن جايۋىنا جاعداي جاساۋ.
«بيىل «جاستار» سارايىن قايتا جاساقتايمىز. ول جاستاردىڭ مەملەكەتتىك ورگاندارمەن جاناسۋ نۇكتەسىنە اينالادى. جالپى تابىسى ەڭ تومەن كۇنكورىس دەڭگەيىنەن اسپايتىن كوپ بالالى وتباسىلاردان شىققان بالالار ءۇشىن استانا قالاسىنىڭ جوعارى وقۋ ورىندارىندا وقۋعا جەكەلەگەن گرانتتار بەرىلەتىن بولادى», دەدى قالا اكىمى.
سونداي-اق باقىت سۇلتانوۆ تەحنيكالىق جانە كاسىپتىك ءبىلىم بەرۋ مەكەمەلەرىندە تالاپ ەتىلەتىن جۇمىس ماماندىقتارىن الۋ ءۇشىن قوسىمشا 1 مىڭنان استام گرانت كوزدەلگەنىن ءسوز ەتتى.
«وقۋ ۋاقىتىندا جاتاقحانادا تۇرۋدى, تەگىن جول ءجۇرۋ مەن تاماقتانۋدى, ستيپەنديا تولەۋدى قامتيتىن تولىق الەۋمەتتىك پاكەت بار. جاستار تاجىريبەسى باعدارلاماسى بويىنشا جوو تۇلەكتەرى جۇمىسقا ورنالاسا الادى. ال بيزنەستىڭ جول كارتاسى بويىنشا جاستار كاسىپكەرلىك وقۋدان ءوتىپ, بارلىق قاجەتتى كەڭەس الا الادى جانە جەڭىلدىكتى نەسيەلەۋدى سۋبسيديالاۋ باعدارلاماسىنىڭ قاتىسۋشىسى بولا الادى», دەدى ب.سۇلتانوۆ.
